مۇحتار شەرىم. قىزمەتتەن كەتەمىز!
ايلىعى شايلىققا، اۋىز جىبىتەر مايلىققا جەتپەيتىن بەيشارا ەل ەكەنبىز... پرەمەر- مينيستر كارىم ءماسىموۆ پرەزيدەنتتىڭ الدىنا كەلدى...
- نە بولدى؟-دەپ سۇرادى پرەزيدەنت.
- قىزمەتتەن كەتەمىن...
- جاقىندا عانا قايتا تاعايىندادىم. ەلدەن ۇياتتى... نەگە كەتكىڭ كەلدى؟
- ايلىعىم از...
- ايلىعىم از؟ ءسىز ءوزى قانشا الاتىن ەدىڭىز؟
- تابىستارىن حالىقتان جاسىرمايتىن پۋتين مەن مەدۆەدوۆ دەيمىسىز؟ ايتپايمىن، ايتپايمىن، بىراق سىزگە ولگەنشە، ولگەن سوڭ دا قىزمەت ەتۋگە دايارمىن!-دەپ «ەركەلەي» جىميدى پرەمەر. پرەزيدەنت ونىڭ ارقاسىنان قاعىپ شىعارىپ سالدى. پرەمەر كابينەتىنە كەلىپ، كرەسلوسىنا شالقايا بەرگەن، كومەكشىسى كىرىپ:
- مينيسترلەر كەلىپ تۇر...-دەدى. ىشكە مينيسترلەر كىرگەندە، تاڭ قالدى. ءبارى سىرىڭكەنىڭ شيىندەي بولىپ ارىقتاپ كەتىپتى. يىلسە «بىرت» ەتىپ، سىنا كەتەتىندەي... جاقتارى سۋالىپ، تاياققا سۇيەنىپ ارەڭ تۇرعان مينيسترلەرىن دە كورىپ، كارەكەڭنىڭ كوزىنە كريستالداي تازا جاس كەلدى... ۆيتسە- پرەمەر مينيستر ومىرزاق شوكەەۆ ءسوز باستادى:
- كەشىرىڭىز، كارەكە، مەن دە قىزمەتتەن كەتەمىن. ايلىعىم ءساپسىم از.
- قالاي از؟
--ايلىعىم ايلىققا جەتپەيدى. شايانعا بارىپ، حالىق تەاترىن ۇيىمداستىرىپ، ساكسوفوندا ويناپ، اقشا تاپپاسام...
- سەندەر قورىقپاي، ايلىقتارىڭدى جاريا ەتسەڭدەرشى! قانشا الاتىندارىڭدى ءبىلىپ وتىرايىن دا...-دەدى پرەمەر.
- كوزىڭىز ءتيىپ كەتەدى... جاريا ەتۋگە تۇرمايدى...
ايلىعى شايلىققا، اۋىز جىبىتەر مايلىققا جەتپەيتىن بەيشارا ەل ەكەنبىز... پرەمەر- مينيستر كارىم ءماسىموۆ پرەزيدەنتتىڭ الدىنا كەلدى...
- نە بولدى؟-دەپ سۇرادى پرەزيدەنت.
- قىزمەتتەن كەتەمىن...
- جاقىندا عانا قايتا تاعايىندادىم. ەلدەن ۇياتتى... نەگە كەتكىڭ كەلدى؟
- ايلىعىم از...
- ايلىعىم از؟ ءسىز ءوزى قانشا الاتىن ەدىڭىز؟
- تابىستارىن حالىقتان جاسىرمايتىن پۋتين مەن مەدۆەدوۆ دەيمىسىز؟ ايتپايمىن، ايتپايمىن، بىراق سىزگە ولگەنشە، ولگەن سوڭ دا قىزمەت ەتۋگە دايارمىن!-دەپ «ەركەلەي» جىميدى پرەمەر. پرەزيدەنت ونىڭ ارقاسىنان قاعىپ شىعارىپ سالدى. پرەمەر كابينەتىنە كەلىپ، كرەسلوسىنا شالقايا بەرگەن، كومەكشىسى كىرىپ:
- مينيسترلەر كەلىپ تۇر...-دەدى. ىشكە مينيسترلەر كىرگەندە، تاڭ قالدى. ءبارى سىرىڭكەنىڭ شيىندەي بولىپ ارىقتاپ كەتىپتى. يىلسە «بىرت» ەتىپ، سىنا كەتەتىندەي... جاقتارى سۋالىپ، تاياققا سۇيەنىپ ارەڭ تۇرعان مينيسترلەرىن دە كورىپ، كارەكەڭنىڭ كوزىنە كريستالداي تازا جاس كەلدى... ۆيتسە- پرەمەر مينيستر ومىرزاق شوكەەۆ ءسوز باستادى:
- كەشىرىڭىز، كارەكە، مەن دە قىزمەتتەن كەتەمىن. ايلىعىم ءساپسىم از.
- قالاي از؟
--ايلىعىم ايلىققا جەتپەيدى. شايانعا بارىپ، حالىق تەاترىن ۇيىمداستىرىپ، ساكسوفوندا ويناپ، اقشا تاپپاسام...
- سەندەر قورىقپاي، ايلىقتارىڭدى جاريا ەتسەڭدەرشى! قانشا الاتىندارىڭدى ءبىلىپ وتىرايىن دا...-دەدى پرەمەر.
- كوزىڭىز ءتيىپ كەتەدى... جاريا ەتۋگە تۇرمايدى...
- بولمايدى! ەلدەن، حالىقتان ۇيات! مەن دە ءجۇرمىن عوي، ايلىققا جارىماسام دا... شىداڭىزدار، بۇ قازاق اشتىققا دا، قۋعىن-سۇرگىنگە دە شىداعان قازاق!-دەپ كارىم ءماسىموۆ پلانشەت كومپيۋتەرىنە ءۇڭىلدى،- ويەبا-اي، مىندا قاراڭدارشى! حالىق بىتكەن جارداي بولىپ سەمىرىپ كەتىپتى! مىنە، استانا، الماتى، اقتاۋ، شىمكەنت كوشەلەرىندە سەمىز ايەلدەر، سەمىز كىسىلەر، سەمىز بالالار كەتىپ بارادى! ءبارىنىڭ اۋىزدارىندا قويدىڭ قۇيرىعى! سورىپ بارادى...
قارجى ءمينيسترى قالتاسىنان ءبىر ءۇزىم نان الىپ، تەرىس قاراپ جەپ تۇر ەدى، پرەمەر- مينيستر بايقاپ قالدى:
-ءسىز نە، ساعىز شايناپ تۇرسىز با؟
- ج-جوعا، نان شايناپ تۇرمىن...
- ە؟
- قارنىم اشىپ كەتتى. ايلىعىم از... مەن دە قىزمەتتەن كەتەمىن...
- اكەلىڭىز...
- نەنى؟
- تىعىپ جەپ تۇرعان نانىڭىزدى. نان اۋىز تيەيىك تە... ناندى وپىرىپ جەگەن پرەمەر-مينيستر مينيسترلەرگە جايدارى قارادى:
- ءبىزدىڭ ۇيدە ۇن تاۋسىلىپتى... ۇن الايىق دەسەك، وتە قىمبات...
- ءبىزدىڭ ۇيدە دە ءشاي تاۋسىلىپتى،- دەپ قالدى ءبىر مينيستر.
- ەشتەڭە ەتپەيدى. ەسەسىنە حالقىمىز توق. ارىق، دىمكاس الدامداردىڭ ءبارى ءولىپ قالىپ، تەك سەمىزدەرى، باقۋاتتارى قالعان. بۇگىننەن باستاپ، قىزمەتتەن كەتەمىز دەپ قىڭقىلداعاندارىڭىزدى قويىڭىزدار. بىلايعى جۇرت جۇمىس تاپپاي جۇرگەندە، بۇلارىڭىز ۇيات بولادى، - دەپ پرەمەر قالتاسىن قارادى.
- ءولا، قالتاڭىزدا جيىرما تەڭگە عانا قالىپتى عوي...-دەپ قالدى شىمكەنت جاقتان كەلگەن شوكەەۆ. پرەمەر جىميدى دا قويدى.
- سەندە نە بار؟
- قۇرت سورعىڭىز كەلە مە؟
- جوق، راحمەت. دەپۋتاتتار دا اشتىق جاريالاپ جاتىر ەكەن.
- ەستىدىك...
- قارىندارى اش كورىنەدى. ايلىقتارى ماردىمسىز. ءبىر دەپۋتات سۆەتكە اقشا تولەي الماعان سوڭ، «قىرىق جىلدان كەيىن اسىلىپ ولەمىن» دەپ مالىمدەپتى. قازىر پارلامەنتتەگىلەر «دەپۋتات قىرىق جىلدان كەيىن ولە مە، ولمەيدى مە؟» دەگەن ماسەلەنى كۇن تارتىبىنە قويىپ، قىزۋ تالقىلاپ جاتىر ەكەن...
ءبىر كەزدە «ايلىعى از» ءبىر ءمينيستردىڭ كوزى قاراۋىتىپ، قۇلاپ تۇسكەنى... ەرتەڭىنە-اق، رەسمي گازەتتەردە «حالىق ءۇشىن قۇلاعان مينيستر» اتتى ماقالالار جارىق كورىپ جاتتى... و، حالايىق! تابىستارىن جاريا ەتۋدەن قورقاتىن بيلىكتەگىلەر امان بولسىن دەسەك، «سامۇرىق- قازىناعا» اقشا اۋدارايىق!!! حالىق قارا نان جەسە دە كۇن كورەر... جانىم اشىپ كەتتى تەگى...
«اباي-اقپارات»
