سەنبى, 28 ناۋرىز 2020
ءبىزدىڭ شەنەۋنىك 6701 21 پىكىر 5 جەلتوقسان, 2018 ساعات 11:59

«ومىرگە رەسەيمەن بىردەي كوزقاراسپەن قاراۋىمىز كەرەك»

الدا ەڭ قاستەرلى مەرەكەمىز تاۋەلسىزدىك كۇنى كەلە جاتىر. مىڭ ءولىپ، مىڭ تىرىلگەن قازاق ءۇشىن بۇل كۇننىڭ ورنى بولەك، ماڭىزى ەرەكشە. دەگەنمەن، ازاتتىق العانىمىزعا 27 جىل وتسە دە، ۇلتتىق مەملەكەت قۇرا الماعانىمىز راس. وعان سەبەپ –  ماسكەۋگە قۇبىلاداي بەت بۇرعان كوكەلەردىڭ ءالى دە بيلىكتەن كەتپەۋى.

سولاردىڭ ءبىرى - ءماجىلىس دەپۋتاتى ۆلاديسلاۆ كوسارەۆ. جۋىردا ول ازاتتىق ءتىلشىسىنىڭ “پوچەمۋ كازاحستان پوددەرجال پرەدلوجەنيە روسسي نا سوۆەتە بەزوپاسنوستي وون؟” دەگەن سۇراعىنا، “مى سۆيازانى وبششەي يستوريەي ي كۋلتۋروي. مى دولجنى سموترەت نا مير گلازامي روسسي” دەپ جاۋاپ بەردى. ارينە، قۇلدىقتىڭ قامىتىنا ابدەن شىرمالعان كوسارەۆتار ءۇشىن ماسكەۋسىز شەشىم قابىلداۋ مۇمكىن ەمەس شىعار. بىراق، ولار تابىنىپ جۇرگەن رەسەيدىڭ ەكونوميكاسى كۇن سايىن قۇلدىراپ، ءوزى تىعىرىققا تىرەلىپ بارا جاتقانىن بۇكىل الەم كورىپ وتىر. ال، ونى كورمەي الجىپ وتىرعان كوسارەۆتار عانا.

;feature=share&fbclid=IwAR2sbN4dvQoIb6F2kA6_V9GuZ73HB8BwkgvYT-I61q6yGnQAoC5b2b1wyHk

ەگەر، ولار اقىلىنان اداسپاسا، ءبىزدىڭ تاريحىمىز بەن مادەنيەتىمىز رەسەيمەن ەمەس، تامىرى تەرەڭ تۇركى حالىقتارىمەن ءبىر ەكەنىن دە بىلەر ەدى.

جالپى، كوسارەۆتىڭ دەپۋتات بولعانىنا 11 جىلدان اسىپ بارادى. الايدا، وسى ون ءبىر جىل ىشىندە ونىڭ ۇلتتىق مۇددە ءۇشىن ىستەگەن ءبىر ابىرويلى ءىسىن بايقامادىق. ەسەسىنە، ەشكىمگە پايداسى تيمەگەن كوممۋنيستىك پارتياسى بار. ول پارتيانىڭ نەمەن اينالىسىپ، قانداي ماسەلە شەشىپ جۇرگەنىن وزىنەن باسقا ەشكىم بىلمەيدى.

ايتپاقشى، بيىل تاۋەلسىزدىگىمىزگە نۇقسان كەلتىرگەن وتە ابىرويسىز ءبىر ءىس بولدى. ول الاش ارىستارىن، جەلتوقساندىق جاستاردى قىناداي قىرعان كومسومولداردىڭ جەر-جەردە دۇبىرلەتىپ 100 جىلدىقتارىن اتاپ ءوتۋى ەدى. ونىڭ دا باسى-قاسىندا جۇرگەن سۇلتانوۆ، كوسارەۆ سياقتى بۇگىنگى تاۋەلسىز قوعامعا ەش پايداسى جوق كومسومولدار. ءتىپتى، سول كوسمومولداردىڭ بەلسەندى وكىلى جامبىل احمەتبەكوۆ ماستانعانى سونشالىق، الاش ارىستارىنا ءتىل تيگىزىپ، وڭباي قاتەلەستى. “تويلاسا الاشتارىن تويلاماي ما وزدەرى؟” دەپ سالعان احمەتبەكوۆ، ءبىر كەزدەرى قازاقستان رەسپۋبليكاسىنىڭ پرەزيدەنتتىگىنە ۇمىتكەر بولعان ادام ەدى.

مىنە، بۇگىنگى تاۋەلسىز قازاق قوعامىن قۇلدىقتىڭ قامىتىنان شىققان وسىندايلار باسقارىپ وتىر. ولارعا قازاقتىڭ قاسىرەتتى تاريحى مەن قاسيەتتى ءتىلىنىڭ ەش قۇنى جوق. ءتىپتى، زەينەتكەرلىك جاسقا الدەقاشان جەتسە دە، ورىندارىن بوساتار ەمەس. الايدا، كوسارەۆتاردىڭ ءسوزى مەن ويىنىڭ بۇگىنگى قوعام ءۇشىن ەش ماڭىزى جوق ەكەنىن ەسكەرسەك، ولاردىڭ ورىندارىن بوستاۋدان باسقا امالدارى قالعان جوق. سەبەبى، “وتارلاۋشىنىڭ قولىنان تاربيە العان ەليتا  - ءوز ۇلتىنىڭ باستى جاۋى” ەكەنىن ازات ويلى بۇگىنگى قوعام وتە جاقسى ءتۇسىنىپ وتىر.

نۇربيكە بەكسۇلتانقىزى

Abai.kz

21 پىكىر