ۇلكەندەردىڭ: “وسى بىزگە ەشنارسە جاقپايدى” دەگەن اڭگىمەلەرىنە، “قويىڭىز” دەپ ءبىرتۇرلى قارايتىنمىن. ۋاقىت وتە شىنىمەن دە وسى بىزگە ەشنارسە جاقپايدى-اۋ دەپ ويلاپ قالا بەرەتىن بولدىم. "تۇلپار ءمىنىپ، تۋ العاندى" ايتامىن دا.

الەۋمەتتىك جەلىدە اجەپتەۋىر ەستافەتا ءجۇرىپ جاتىر. اركىم ءارتۇرلى فوندا، ءارتۇرلى ستيلدە ەستافەتانى جالعاستىرىپ، عۇمىرلى بولسىن دەپ وزگەلەرگە ۇسىنىپ جاتىر. جامان تۇگى جوق. سىناۋدى دا قاجەت ەتپەيتىن كەرەمەت جوبا. ءتىپتى وسى باستامانى جالعاستىرىپ، قوسىمشا ابايدىڭ قارا سوزدەرىنەن، ماقالداردان ەستافەتا ۇيىمداستىرىپ جىبەرۋگە دە بولادى.

بىراق كەي ادامدارعا [جەلى بەلسەندىلەرى] ودان گورى ءتاپ-ءتاۋىر ەستافەتانى سىناۋ ماڭىزدى سياقتى. نە ءۇشىن ەكەنىن تۇسىنبەيمىن. سۋفلەرمەن وقي ما، كىتاپقا قاراي ما، جاتىپ ايتا ما، وتىرىپ ايتا ما اركىمنىڭ ءوز تاڭداۋى. وزگەنىڭ تاڭداۋى سەن ويلاعانداي بولماسا سىناي بەر دەگەن جامان ءۇردىس [قاسيەتسىزدىك] بار بىزدە. قيالدانباي ماسەلەگە اشىق قاراساق ءبارى اپ-انىق بولىپ ءوزى كورىنەدى. سۋفلەرمەن ايتتى نە، ءتورت شۋماقتى جاتقا ايتتى نە ءبارى ءبىر ەمەس پە؟ ءبارى-ءبىر ەكى توپ[جاتقا ايتقان، سۋفلەردان وقىعان] جىردى باستان اياق جاتقا بىلمەيدى. قالاي سىناساڭ دا ول جىردى ءبارى-ءبىر تولىق جاتتامايدى. سىناپ وتىرعان ادامداردىڭ وزدەرىنە دە ول جىردى جاتقا ايتۋدىڭ قاجەتى شامالى. ەندەشە نەگە سىنايمىز؟