«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

«تسيفرلى قازاقستان» باعدارلاماسى حالىقتىڭ دا قىزعىن قولداۋىنا بولەندى. وڭىرلەردە دە ءوز دامۋ جولىن تاۋىپ، وڭ وزگەرىستەر كورىلە باستادى. ماسەلەن، ءبىز كۇن سايىن وبلىستاردا، اۋىل-اۋدانداردا حالىق تۇرمىسىن جاقسارتۋ ماقساتىندا ءارسالادا تسيفرلاندىرۋ باعىتىندا جۇمىس اتقارىلىپ جاتقانى جايلى جاڭالىقتاردى وقيمىز. مۇنداي جاعىمدى جاڭالىقتار حالىقتىڭ ءومىر ءسۇرۋ دەڭگەيىنىڭ كۇننەن-كۇنگە جاقسارىپ كەلە جاتقانىنان دەرەك بەرەدى.

ءسوزىمىز دالەلدى بولۋى ءۇشىن تسيفرلاندىرۋ  باعدارلاماسى اياسىندا وڭىرلەردە قولعا الىنىپ جاتقان ناقتىلى جۇمىستار جايلى ايتا كەتەيىك.

تۇركىستان وبلىسى ءبىلىم سالاسىنداعى تسيفرلاندىرۋ جۇيەسىن رەسپۋبليكادا ەڭ ءبىرىنشى قولعا العان ءوڭىر. وبلىس اكىمى جانسەيىت تۇيمەباەۆتىڭ قولداۋىمەن جۇزەگە اسقان بۇل جۇيە ءبىلىم سالاسىنداعى اشىقتىق پەن قولجەتىمدىلىككە باعىتتالعان.

وبلىس كولەمىندەگى بارلىق 15 اۋدان ورتالىعى، 181 اۋىل وكرۋگتەرى جانە 834 ەلدى مەكەندەردىڭ كارتاسى تسيفرلىق فورماتقا كوشىرىلىپ، ونداعى ءاربىر قۇرىلىس نىسانى «مەكەنجاي تىركەلىمى» دەرەكتەر قورىمەن سايكەستەندىرىلگەنىن ايتىپ ءوتتى. اتالعان تسيفرلىق كارتا نەگىزىندە بۇگىنگى تاڭدا شىمكەنت قالاسى بويىنشا تازا سۋ جەتكىزۋ توراپتارى تولىعىمەن ەنگىزىلدى جانە تەحنيكالىق شارتتاردى بەرۋ ۇدەرىسى اۆتوماتتاندىرىلدى. بۇدان بولەك تسيفرلىق كارتا ەرەكشە قورعالاتىن تابيعي ايماقتار، سۋ قورعاۋ بەلدەۋلەرى، اۋىل شارۋاشىلىق ماقساتىنداعى جەر ۋچاسكىلەرى تۋرالى اقپاراتتى قامتيدى.

بۇدان بولەك، وبلىس اۋماعىنداعى 69 ەمحانادا كەشەندى مەديتسينالىق اقپاراتتىق جۇيەسى ەنگىزىلىپ، بۇل «دارىگەردى ۇيگە شاقىرۋ»، «دارىگەردىڭ قابىلداۋىنا جازىلۋ»، «مەديتسينالىق ۇيىمعا تىركەلۋ» سىندى قىزمەتتەردى الۋعا مول مۇمكىندىك تۋعىزدى.

وبلىستاعى 1371 مەكتەپكە دەيىنگى ءبىلىم بەرۋ ۇيىمدارىنا 140 034 بالا قامتىلعان. «بۇگىنگى تاڭدا «مەكتەپكە دەيىنگى ءبىلىم بەرۋ ۇيىمدارىنا جولداما بەرۋ جانە كەزەككە قويۋدى اۆتوماتتاندىرۋ» جوباسىنا – 481 مەكەمە، ياعني 35 پايىزى قامتىلعان. Balabaqsha.sitcen.kz پورتالىنا قوسۋ ارقىلى 2018 جىلدىڭ سوڭىنا دەيىن بۇل كورسەتكىشتى 100 پايىزعا جەتكىزۋ جوسپارلانۋدا. سونىمەن قاتار، مەكتەپكە وقۋشىلاردى ەلەكتروندى قابىلداۋ جۇيەسى بويىنشا اعىمداعى جىلدىڭ شىلدە ايىنان باستاپ وبلىستاعى 902 مەكتەپتىڭ بارلىعى mektep.sitcen.kz پورتالى ارقىلى ءبىلىم بەرۋ ۇيىمدارىنا قۇجاتتاردى قابىلداۋ سىندى قىزمەتتەر اۆتوماتتاندىرىلدى. اتالعان جۇيە تۇركىستان وبلىسىنىڭ بارلىق اۋداندارىنداعى مەكتەپتەرىندە قوسىلىپ، بۇگىنگى كۇنى جۇيە ارقىلى 54 751 وقۋشى ەلەكتروندى تۇردە 1-سىنىپقا قابىلداندى.

ايتا كەتەرلىگى، جۇيەنىڭ تيىمدىلىگى اتا-انا مەكتەپكە بارماي-اق ۇيىندە وتىرىپ قالاعان مەكتەبىنە 1-سىنىپقا قابىلداۋعا ءوتىنىش بەرىپ، ءوتىنىمنىڭ قابىلدانعانى تۋرالى حابارلاما الا الادى. سول سياقتى تۇركىستان وبلىسىنىڭ بارلىق مەكتەپتەرىنە jumys.sitcen.kz پورتالى ارقىلى قاتارداعى قىزمەتكەرلەر مەن پەداگوگتاردى جۇمىسقا قابىلداۋدىڭ اۆتوماتتاندىرىلعان جۇيەسى ەندى. اتالعان جۇيە جالپى ورتا ءبىلىم بەرۋ ۇيىمدارى پەداگوگتارىن جۇمىسقا قابىلداۋدى جانە مەكتەپ دي⁠رەكتورلارىن كونكۋرستىق تاعايىنداۋ بارىسىن اۆتوماتتاندىرادى. سونداي-اق، ءبىلىم ۇيىمدارىنداعى تەحنيكالىق قىزمەتكەرلەردىڭ بوس ورىندارى جايلى حابارلامالار ورنالاستىرىلعان. ءبىلىم باسقارماسى باسشىسىنىڭ ورىنباسارى ارداق سادىقوۆانىڭ ايتۋىنشا، بۇگىنگى كۇنگە دەيىن اتالعان ەلەكتروندى جۇيەدە 1571 پەداگوگ پەن تەحنيكالىق قىزمەتكەردىڭ بوس جۇمىس ورىندارى تۋرالى حابارلاما جاريالانعان.

قازىرگى تاڭدا jumys.sitcen.kz پورتالى ارقىلى 837 ادام جۇمىسقا ورنالاسقان. جۇيەگە جالپى جۇمىس ىزدەۋشىلەر تاراپىنان قىزىعۋشىلىق تانىتىپ، بۇگىنگى كۇنى 62 778 قولدانۋشى تىركەلىپ وتىر. سونداي-اق، 4632 جۇمىسقا قابىلداۋ تۋرالى ءوتىنىش كەلىپ تۇسكەن. سونىمەن قاتار، 2019 جىلدان باستاپ دارىندى بالالارعا ارنالعان مامانداندىرىلعان مەكتەپ-ينتەرناتتارىنا قابىلداۋ mektep.sitcen.kz پورتالى ارقىلى جۇزەگە اسىرىلاتىن بولادى. اتالعان جۇيەدە مەكتەپكە قابىلداۋ كونكۋرسىن وتكىزۋ تولىق اۆتوماتتاندىرىلىپ ۇلگەردى.

ايتا كەتەرلىگى، اتا-انا ءوزىنىڭ بالاسىن پورتال ارقىلى كەز-كەلگەن دارىندى بالالارعا ارنالعان مەكتەپكە كونكۋرسقا قاتىستىرا الادى جانە پورتالداعى ونلاين تەستىلەۋدەن جوعارى بالل العان بالا مەكتەپكە قابىلدانادى. سونىمەن قاتار، وبلىستاعى مەكتەپتەر «Bilimland» تسيفرلىق ءبىلىم بەرۋ رەسۋرستارىمەن 100 پايىز قامتاماسىز ەتىلگەن. اعىمداعى جىلدان باستاپ، كۇنى بۇگىنگە دەيىن 594 000 ساباق قارالىمى بولدى. وبلىستىق بيۋدجەتتەن تسيفرلىق ءبىلىم بەرۋ رەسۋرستارىمەن قامتاماسىز ەتۋ ماقساتىندا 1500 دانا «Bilim Book» كومپيۋتەر-پلانشەت شالعاي اۋىلداعى 195 مەكتەپكە تاراتىلىپ، تسيفرلىق ءبىلىم بەرۋ رەسۋرستارىنا ينتەرنەتسىز قول جەتكىزۋدە.

تاعى ءبىر ماڭىزدى جايت، الداعى جىلى تۇركىستان وبلىسىنىڭ ءبىلىم سالاسىندا پەداگوگتاردىڭ اتتەستاتسياسىن جانە ولاردىڭ ءبىلىم جەتىلدىرۋ كۋرستارىنان ءوتۋىن اۆتوماتتاندىرۋ، ءبىلىم ۇيىمدارىنداعى كىتاپ قورىن پايدالانۋدى جانە وقۋشىلاردىڭ ىستىق تاماقپەن قامتىلۋىن اۆتوماتتاندىرۋ جۇيەلەرى جۇزەگە اسادى دەپ جوسپارلانۋدا. اتالعان جوبا ءبىلىم سالاسىنداعى سىبايلاستىق زاڭبۇزۋشىلىقتى توقتاتۋعا ۇلكەن سەرپىن بەرەدى.

ال قوستاناي وبلىسىندا كۇندەلىكتى ومىردە كوپ كەرەك بولاتىن پايدالى جۇمىس قولعا الىندى. تەحنيكاسى دامىعان ءححى عاسىردا مىناداي ىستەردىڭ قولعا الىنۋى زاڭدى دا.

قوستانايدىڭ ورتالىق الاڭىندا سمارت ورىندىقتار پايدا بولدى. ولاردىڭ ەرەكشەلىگى - قالا تۇرىعىندارى بۇل جەردە دەمالىپ قانا قويماي، ۇيالى تەلەفوندارىن دا قۋاتتاپ الۋعا مۇمكىندىگى بار. ورىندىقتار ەلەكتر قۋاتىن كۇن باتارەيالارى ارقىلى الادى. جەرگىلىكتى كاسىپكەرلەر قوستاناي قالاسىنا وسىنداي تاماشا سىي تارتۋ ەتتى.

يننوۆاتسيالىق تەحنولوگيالارعا نەگىزدەلگەن جوبانىڭ بۇدان باسقا ارتىقشىلىعى - «اقىلدى قالا» باعدارلاماسى  اياسىندا ىسكە اسىرىلعان جوبالاردىڭ ءبىرى.  كۇننەن قۋات الاتىن باتارەيالار شىنىمەن قاپتالعان. ءار ورىندىق ەكى يۋسب پورتپەن  جابدىقتالعان.

سمارت ورىندىقتاردىڭ ماڭىنا ۆاي فاي ورناتىلعان. تۇرعىندار ۇيالى تەلەفوندارىن دالادا قۋاتتاپ، ينتەرنەتتى تەگىن پايدالانا الادى. قوستاناي قالاسىنىڭ اقىلدى قالاعا اينالۋىنا جەرگىلىكتى بيزنەسمەندەر ات سالىسىپ وتىر.

«اقىلدى قالا» باعدارلاماسى اياسىندا وبلىس ورتالىعىندا اتقارىلىپ جاتقان شارۋا از ەمەس. قالاداعى كوشە جارىعى مەن باعدارشامداردى اۆتوماتتاندىرىلعان جۇيەمەن باسقارۋ قولعا الىندى.   سونداي-اق، ىلكىمدى تەحنولوگيالار كوممۋنالدىق قىزمەت تۇرلەرىنە دە ەنگىزىلۋدە.

بۇدان بولەك باتىس قازاقستان وبلىسىندا دەنساۋلىق ساقتاۋ سالاسىن تسيفرلاندىرۋدا ۇلكەن قىزمەتتەر ءجۇرىلىپ جاتقانىن ايتا كەتۋىمىز كەرەك.

ەلباسىنىڭ تاپسىرماسىنا ساي، الداعى جىلدىڭ 1 قاڭتارىنان باستاپ بارلىق ەمحانالار مەن اۋرۋحانالار مەديتسينالىق قۇجاتتاردى قاعازسىز، تسيفرلىق نۇسقادا جۇرگىزۋگە كوشۋى ءتيىس. وسى باعىتتا باتىس قازاقستان وبلىسىندا پيلوتتىق رەجيمدە بيىلعى قاڭتاردان مەديتسينالىق قۇجاتتاردى قاعازسىز جۇرگىزۋ ەنگىزىلە باستادى. جوبا اياسىندا قاعاز تۇرىندەگى نۇسقالار بىرتىندەپ الىنىپ تاستالادى.

وڭىردەگى مەديتسينا ۇيىمدارىندا «Kazmedinform» مەديتسينالىق اقپاراتتىق جۇيەسى، قالانىڭ 6 ەمحاناسىندا ەلەكتروندىق كەزەكتى باسقارۋ جۇيەسى، جەدەل مەديتسينالىق جاردەمدى باسقارۋدىڭ "اديس" اۆتوماتتاندىرىلعان جۇيەسى ەنگىزىلدى. 2017 جىلدىڭ قاراشا ايىنان باستاپ k-vrachu.kz موبيلدىك قوسىمشاسى ەنگىزىلدى، ونى PlayMarket, App Store دۇكەندەرى ارقىلى تەگىن جۇكتەپ الىپ، Android, iOS وپەراتسيالىق جۇيەسىندە جۇمىس ىستەيتىن موبيلدىك قۇرىلعىلار ارقىلى دارىگەردىڭ قابىلداۋىنا جازىلۋعا بولادى. اتالعان موبيلدىك قوسىمشادا تىركەلگەن پايدالانۋشىلاردىڭ سانى 22 548-كە جەتكەن.

تاعى ءبىر ايتا كەتەتىن جايت، دارىگەردىڭ قابىلداۋىنا جازىلۋعا ارنالعان k-vrachu.kz ۆەب-پورتالى جۇمىس ىستەيدى. ۆەب-پورتال ارقىلى تىركەلگەن ۋچاسكەنى ىزدەۋگە، دارىگەردىڭ (جالپى تاجىريبەلىك دارىگەر) قىزمەت كورسەتەتىن اۋدانىن قاراۋعا، دارىگەردى ۇيگە شاقىرۋعا، دارىگەردىڭ قابىلداۋىنا ونلاين جازىلۋعا، دارىگەردىڭ كەستەسىن، ونىڭ بىلىكتىلىگىن قاراۋعا، دارىگەردى باعالاۋعا بولادى.

مەديتسينالىق-سانيتاريالىق العاشقى كومەك ۇيىمدارىندا كەزەكتىلىكتى ازايتۋ ءۇشىن قالانىڭ بارلىق ەمحانالارىندا «ەلەكتروندى تابلو» ەلەكتروندىق كەزەكتى باسقارۋ باعدارلاماسى ەنگىزىلدى. قالانىڭ التى ەمحاناسىندا جانە «دەركول» دارىگەرلىك امبۋلاتورياسىندا «كازمەدينفورم» مەديتسينالىق اقپاراتتىق جۇيەسىمەن ينتەگراتسيالاندىرىلعان ەلەكتروندىق كەزەكتى باسقارۋ جۇيەسى جۇمىس جاسايدى. بارلىعى 105 مەكەمە (121-دەن) قاعازسىز تۇرگە كوشىرىلدى. دارىگەردى ەلەكتروندى تسيفرلىق قولتاڭبا ارقىلى اۆتوريزاتسيالاۋ مۇمكىندىگى بار.

بۇدان بولەك، قالالىق جەدەل جاردەم ستانتسياسى 32 دانا موبيلدىك ارم (پلانشەتتەرمەن) جاراقتالدى، قامتۋ 100 پايىزدى قۇرايدى، وبلىس بويىنشا 138 دانا سانيتارلىق اۆتوكولىك GPS - مونيتورينگكە قوسىلدى (قامتۋ 100 پايىز). 2018 جىلدىڭ 1 قاڭتارىنان باستاپ باعدارلاما بويىنشا 16918 شاقىرتۋعا قىزمەت كورسەتىلدى. اتالعان باعدارلاما وبلىس بويىنشا جەدەل مەديتسينالىق جاردەم بريگادالارىنىڭ گەولوكاتسياسىن كورىپ وتىرۋعا مۇمكىندىك بەرەدى.

تاعى ءبىر ايتا كەتەرلىگى، ينفراقۇرىلىمدىق ينديكاتورلار بويىنشا بۇگىنگى تاڭدا مەديتسينالىق ۇيىمدار 4477 كومپيۋتەرمەن جاراقتالدى، 2016 جىلى 1064 دانا (152,3 ملن تەڭگە), 2017 جىلى - 656 دانا كومپيۋتەرلىك تەحنيكا ساتىپ الىندى، ساتىپ الۋ جەرگىلىكتى بيۋدجەت (162,5 ملن تەڭگە) جانە مەديتسينالىق ۇيىمداردىڭ ءوز قاراجاتى ەسەبىنەن جۇرگىزىلدى، وبلىستىڭ مەديتسينالىق ۇيىمدارى كومپيۋتەرلىك تەحنيكامەن 100 پايىزعا قامتاماسىز ەتىلدى. وعان قوسا مەديتسينا ۇيىمدارىن 510 دانا كومپيۋتەرلىك تەحنيكامەن جاڭارتۋ ءۇشىن 242,5 ملن تەڭگە سوماسىنا بيۋدجەتتىك ءوتىنىم بەرىلدى.

ءبىز جاعىمدى جاڭالىقتار رەتىن اقتوبە وبلىسىندا اشىلىپ جاتقان سانسىز تەگىن ءىت-سىنىپتارى جايلى اقپاراتپەن جالعاستىرامىز.

«نۇر وتان» پارتياسىنىڭ مەملەكەتتىك ورگاندار، اكىمدىكتەر، مەملەكەتتىك ەمەس ۇيىمدار، بيزنەس-قوعامداستىقپەن بىرگە ۇيىمىداستىرۋىمەن اقتوبە قالاسى مەن وبلىسى مەكتەپتەرىندە تەگىن ءىت-سىنىپتارى اشىلىپ جاتىر.

اقتوبەنىڭ ءىت-كومپانيالارىنىڭ شامامەن ون مامانى «بالالارعا ارنالعان تەگىن ءىت سىنىپتار» الەۋمەتتىك جوباسىن ىسكە اسىرۋ شارالارىن تالقىعا سالدى. «نۇر وتان» پارتياسىنىڭ بۇل جوباسىن «اتامەكەن» قر ۇكپ قولداپ وتىر. جوبا اياسىندا رەسپۋبليكا بويىنشا بالالاردى باعدارلاۋ مەن ءىت-ماشىققا باۋليتىن 1000 تەگىن سىنىپ اشىلماق.

اتالعان اقپاراتقا سۇيەنسەك، اقتوبە بويىنشا ءىت-سىنىپتار 20 مەكتەپتە اشىلادى. 8-ءى – قالا مەكتەپتەرىندە، 12-ءسى – اۋدان مەكتەپتەرىندە. سىنىپتار №21, 9, 55 مەكتەپتەردە اشىلىپ ۇلگەرگەن جانە №56, 61 مەكتەپتەردە اشىلادى دەپ جوسپارلانعان. جوبا ۇيىمداستىرۋشىلاردىڭ پىكىرنشە مەكتەپ جاسىنان باعدارلامالاۋعا ماشىقتانعان بالالار كەلەشەكتە جاقسى ءىت-ماماندارى بولادى، وسى بۋىن قازاقستان ەكونوميكاسى سالالارىن ترانسفورماتسيالاۋعا ۇلەس قوسادى. وقىتۋ ءۇش مودۋل نەگىزىندە جۇرەدى. ولارعا الگوريتم قۇرىلىمدارى، باعدارلاما جانە WEB-سايت قۇرۋ ۇيرەتىلەدى. بارلىق سىنىپتار دەمەۋشىلەر ەسەبىنەن جابدىقتالاتىن بولادى. 16 جاستان جوعارى جاسوسپىرىمدەردى ءىت-ورتالىقتارىندا وقىتادى. ول جەردە قىسقا مەرزىمدە كومپيۋتەرلىك ساۋاتتىلىقتى مەڭگەرىپ شىعۋعا بولادى.

وسى رەتتە، ىت سالاسىندا جۇمىس ىستەيتىن «STEM center Aktobe» جشس قاتارلى بىرقاتار كومپانيالار جوباعا ۇلەس قوسۋعا ىنتا ءبىلدىرىپ وتىرعانىن ايتا كەتەيىك.

ەندىگى كەزەكتە جەتىسۋ جەرىندەگى جاڭالىقتارمەن بولىسەيىك. قاراشا ايىنىڭ باسىندا «تسيفرلى قازاقستان» مەملەكەتتىك باعدارلاماسى اياسىندا جامبىل وبلىسىندا «سمارت-تاراز» جوباسى ىسكە اسىرىلىپ جاتقانى جايلى اقپاراتپەن تانىستىق.

اتالعان جوبانىڭ اۋقىمى وتە كەڭ. اتاپ ايتقاندا بۇعان نەگىزگى بەس باعىت بويىنشا: ءبىلىم بەرۋ، دەنساۋلىق ساقتاۋ، تۇرعىن ءۇي-كوممۋنالدىق شارۋاشىلىق، كولىك، اگروونەركاسىپتىك كەشەن جانە قاۋىپسىزدىك بويىنشا 20 جوبا كىرەدى.

ءبىلىم بەرۋ جۇيەسىندە كومپيۋتەرلەرمەن جابدىقتالعان سىنىپتار سانى وسى جىلدىڭ 10 ايىندا 22%-دان 58,5%-عا دەيىن ءوستى. جىل سوڭىنا دەيىن 100% قامتۋ جوسپارلانىپ وتىر. جۇزەگە اسقان جوبالار اراسىندا «بالالاردى ءبىرىنشى سىنىپقا جانە مەكتەپكە دەيىنگى مەكەمەلەرگە قابىلداۋ قىزمەتتەرىن اۆتوماتتاندىرۋ» جوباسى بار، ال كەلەسى جىلى مەكتەپ سىنىپتارى ءۇشىن روبوتتاردى شىعارۋ جوباسى ىسكە قوسىلماق. اۋىلدىق كىتاپحانالار بازاسىندا 24 تسيفرلىق سىنىپ اشىلدى، جىل سوڭىندا مۇنداي ورتالىقتاردىڭ سانى 57-گە دەيىن كوبەيمەك. 2019 جىلدىڭ سوڭىنا قاراي تسيفرلى سىنىپتار 250 مىڭنان استام تۇرعىنى بار بارلىق ەلدى مەكەندەردە جۇمىس ىستەيتىن بولادى.

دەنساۋلىق ساقتاۋ سالاسىندا وبلىس حالقىنىڭ 70%-ىندا ەلەكتروندى دەنساۋلىق پاسپورتى بولادى. ءتىپتى، بۇگىنگى كۇننىڭ وزىندە تاراز قالاسىنىڭ 34 مىڭ تۇرعىنى مەديتسينالىق قىزمەت الۋ ءۇشىن ارنايى قوسىمشانى قولدانادى. كەلەسى جىلعا قاراي پايدالانۋشىلار سانى 200 مىڭعا جەتپەك.

تۇرعىن ءۇي-كوممۋنالدىق شارۋاشىلىعىن تسيفرلاندىرۋ تۇرعىسىندا بيىل وڭىردە قالالىق سۋمەن جابدىقتاۋ جۇيەسى اۆتوماتتاندىرىلعان. جىل سوڭىنا دەيىن «اقىلدى ورام» جوباسى باستاۋ الىپ، 315 كوپپاتەرلى تۇرعىن ءۇي «ە-شاڭىراق» بىرىڭعاي اقپاراتتىق جۇيەسىنە قوسىلادى. كەلەر جىلى كوممۋنالدىق قىزمەتتەر تولەمى ءۇشىن بىرىڭعاي ەسەپ ايىرىسۋ ورتالىعىن ەنگىزۋ جوسپاردا بار.

كولىك سالاسىندا بىرىڭعاي ديسپەتچەرلىك ورتالىق پەن اۆتوبۋس باعدارلارىنا ارنالعان ءموبيلدى قوسىمشا ەنگىزىلدى. كەلەسى جىلى ەلەكتروندىق اۆتوبۋس بيلەتتەرى ىسكە قوسىلادى.

بيىل اوك-تە جايىلىمدار 100%-عا تسيفرلاندىرۋدان وتەدى. سونداي-اق، وبلىستا تالاس وزەنىنىڭ بويىندا سۋ رەسۋرستارىن باقىلاۋ جانە ءبولۋ جونىندەگى ورتالىق اشىلعان. 4 فەرما اقىلدى تەحنولوگيالار يگىلىگىن كورىپ ءجۇر. بولاشاقتا اكىمدىك 20 فەرمانى تولىق تسيفرلاندىرماق نيەتتە، ال 316-نا ءبىلىم تاراتۋ ورتالىقتارىنىڭ نەگىزىندە تسيفرلاندىرۋ ەلەمەنتتەرىن ەنگىزبەك.

ەل حالقىنىڭ ەڭسەسىن بيىكتەتۋگە باعىتتالعان بىرەگەي جوبا ەلىمىزدىڭ بارلىق وڭىرىندە جاقسى جۇزەگە اسىپ جاتقانىنا سەنىمدىمىز. ءبىز تەك بىرنەشە وڭىردەگى باسىت جاڭالىقتاردى جازدىق. بۇل باعدارلامانىڭ الداعى ۋاقىتتا دا قارقىندى ىسكە اسارى ءسوزسىز.

Abai.kz