سارسەنبى, 16 قاڭتار 2019
1344 5 پىكىر 11 قاڭتار, 2019 ساعات 10:32

استانا: ەكى مىڭنان استام ەتنيكالىق قازاققا شىڭجاڭنان كوشۋگە رۇقسات ەتىلدى

قازاقستان بيلىگىنىڭ مالىمدەۋىنشە، پەكين ەكى مىڭنان استام ەتنيكالىق قازاققا قىتاي ازاماتتىعىنان باس تارتىپ، شىڭجاڭنان كوشۋگە رۇقسات بەرگەن. بۇل تۋرالى Associated Press اگەنتتىگى حابارلادى.

بۇنىڭ الدىندا شىڭجاڭ بيلىگى جاپپاي يندوكتريناتسيا ناۋقانىن جۇرگىزىپ، مىڭداعان ادامدى وقشاۋلاعان. ولار وتىرعان لاگەرلەردى پەكين "كاسىبي وقىتۋ ورتالىقتارى" دەپ اتادى. مۇندا جۇزدەگەن مىڭ، كەيبىر مالىمەتتەر بويىنشا، ميلليوننان استام ادام ورنالاستىرىلعان.

لاگەرلەردە وتىرىپ شىققاندار ولاردى ءوز مادەنيەتىنەن، ءدىني كوزقاراسىنان باس تارتۋعا ۇگىتتەپ، ساياسي يندوكتريناتسيا جۇرگىزگەنىن ايتتى.

قازاقستاننىڭ سىرتقى ىستەر مينيسترلىگى 9 قاڭتاردا جاساعان مالىمدەمەسىندە پەكين ەكى مىڭ ەتنيكالىق قازاققا كوشۋگە رۇقسات بەرگەنىن راستادى. ءسىم مالىمدەمەسىندە قازاقستانعا كەلگەن ولار قازاقستان ازاماتتىعىن الۋعا ءوتىنىش بەرە الاتىنى ايتىلعان.

Abai.kz
5 پىكىر