بەيسەنبى, 9 ءساۋىر 2020
COVID-19 قازاقستاندا. جۇقتىرعاندار — 727. جازىلعاندار — 54. قايتىس بولعاندار — 7
1045 3 پىكىر 25 اقپان, 2019 ساعات 16:00

اقىشەۆتى دوساەۆ الماستىردى

قازاقستاننىڭ ۇلتتىق بانكىنىڭ باسشىسى دانيار اقىشەۆ وتستاۆكاعا كەتتى. ونىڭ ورنىنا بۇرىن ەكونوميكا ءمينيسترى بولعان ەربولات دوساەۆ تاعايىندالدى. بۇل تۋرالى "اباي-اقپارات" حابارلايدى.

ەربولات دوساەۆتىڭ كانديداتۋراسىن سەنات ءبىراۋىزدان ماقۇلدادى. سەنات رەگلامەنتىنە سايكەس دوساەۆتىڭ كانديداتۋراسى كەڭەيتىلگەن وتىرىستا تالقىلانعان.

دوساەۆتىڭ تاعايىندالۋى تۋرالى سەناتتا ءسوز سويلەگەن پرەزيدەنت اكىمشىلىگىنىڭ جەتەكشىسى اسەت يسەكەشەۆ، ونىڭ بىلىكتى قارجىگەر ەكەنىن، كانديداتۋرانى پرەزيدەنتتىڭ ءوزى ۇسىنعانىن ايتتى.

"مەملەكەت باسشىسىنىڭ تاپسىرماسى بويىنشا مەن ۇلتتىق بانك توراعاسىن تاعايىنداۋعا كانديداتۋرانى كەلىسۋگە كەلدىم. پرەزيدەنت نۇرسۇلتان نازارباەۆ ەربولات دوساەۆتى كانديداتۋراسى رەتىندە ۇسىندى. ول ءوزىن بىلىكتى قارجىگەر رەتىندە كورسەتتى. مەن تاعايىنداۋعا كەلىسىم بەرۋىڭىزدى سۇرايمىن", - دەدى اسەت يسەكەشەۆ.

Abai.kz

3 پىكىر