پرەزيدەنت قاسىم-جومارت توقاەۆ ءوزىنىڭ سۋرەتى بەينەلەنىپ، ۇران سوزدەر جازىلعان جارنامالىق بيلبوردتاردى كوشەگە ىلۋگە قاتىستى پىكىر ءبىلدىردى.

ول وسىنداي اسىرە ماقتاۋلاردىڭ جونسىزدىگىن، ءدال وسى فورمادا جارامساقتانۋدىڭ قاجەت ەمەس ەكەنىن ايتتى. بۇل تۋرالى اقوردانىڭ "تۆيتتەردەگى" رەسمي پاراقشاسىندا جاريالاندى.

"ق.توقاەۆ: ماعان اقتاۋدا مەنىڭ سۋرەتىم بەينەلەنگەن 14 بيلبورد ورناتىلعانىن ايتتى. مەن مۇنى ءجونسىز دەپ ەسەپتەيمىن. مەن ءدال وسىنداي پروپوگانداعا مۇقتاج ەمەسپىن. مۇنداي اكىمشىلىك قۇلشىنىس نە ءۇشىن قاتجەت؟"" دەپ جازدى اقوردا.

ءارى قاراي پرەزيدەنت توقاەۆ جارنامانى جاساۋ كەرەك بولسا، ەلباسىنىڭ ەڭبەگىنە جاساۋ قاجەتتىگىن تاعى ايتىپتى.

"بيلبوردتتاردى ەلباسىنىڭ  باسشىلىعىمەن بوي كوتەرگەن ەلىمىزدىڭ شىنايى جەتىستىكتەرىنە ارناۋ قاجەت. بۇل مەنىڭ بارلىق دەڭگەيدەگى اكىمدەرگە بەرەتىن تاپسىرمام" دەپتى پرەزيدەنت.

Abai.kz