استانا. 7 ماۋسىم. قازاقپارات /جاسۇلان امانبايۇلى / - بۇگىن، 7 ماۋسىمدا استانادا قر سىرتقى ىستەر ءمينيسترى ەرجان قازىحانوۆ ءبىزدىڭ ەلىمىزگە 7-ءشى دۇنيەجۇزىلىك يسلام ەكونوميكالىق فورۋمىنا دجيبۋتي رەسپۋبليكاسىنان كەلگەن ارىپتەسى ماحمود ءالي يۋسۋپپەن ەكىجاقتى كەزدەسۋ وتكىزدى.

كەزدەسۋ بارىسىندا ە. قازىحانوۆ استانادا ەلىمىزدىڭ تاۋەلسىزدىگىنە 20 جىل تولعان تۇسىندا جانە قازاقستاننىڭ يسلام كونفەرەنتسياسى ۇيىمىنىڭ سىرتقى ىستەر مينيسترلەرى كەڭەسىندەگى توراعالىعى قارساڭىندا «يسلامدىق داۆوستىڭ» ءوتۋىنىڭ وزەكتىلىگىن اتاپ ءوتتى. قازاقستاندىق سىرتقى ساياسات ۆەدومستۆوسى باسشىسىنىڭ ايتۋىنشا، بۇگىن اشىلعان فورۋمعا تىركەلگەن قاتىسۋشىلاردىڭ ءتىزىمى كوپتەگەن ەلدەردىڭ قازاقستانمەن ەكونوميكالىق ىنتىماقتاستىعىن دامىتۋعا دەگەن قىزىعۋشىلىعىن كورسەتەدى. وسى ورايدا ە. قازىحانوۆ پەن م. يۋسۋپ قازاقستان مەن دجيبۋتي يسلام الەمى قاۋىمداستىعىنىڭ تولىققاندى ىسكەر مۇشەسى رەتىندە ءوزارا ءتيىمدى ىنتىماقتاستىق ورناتۋعا مۇددەلىلىك تانىتىپ، ىقپالداستىق باعىتتارىنىڭ بولاشاعىن، اتاپ ايتقاندا اۋىل شارۋاشىلىق جانە كولىك سالالارىنداعى ماسەلەلەردى تالقىعا سالدى.

استانا. 7 ماۋسىم. قازاقپارات /جاسۇلان امانبايۇلى / - بۇگىن، 7 ماۋسىمدا استانادا قر سىرتقى ىستەر ءمينيسترى ەرجان قازىحانوۆ ءبىزدىڭ ەلىمىزگە 7-ءشى دۇنيەجۇزىلىك يسلام ەكونوميكالىق فورۋمىنا دجيبۋتي رەسپۋبليكاسىنان كەلگەن ارىپتەسى ماحمود ءالي يۋسۋپپەن ەكىجاقتى كەزدەسۋ وتكىزدى.

كەزدەسۋ بارىسىندا ە. قازىحانوۆ استانادا ەلىمىزدىڭ تاۋەلسىزدىگىنە 20 جىل تولعان تۇسىندا جانە قازاقستاننىڭ يسلام كونفەرەنتسياسى ۇيىمىنىڭ سىرتقى ىستەر مينيسترلەرى كەڭەسىندەگى توراعالىعى قارساڭىندا «يسلامدىق داۆوستىڭ» ءوتۋىنىڭ وزەكتىلىگىن اتاپ ءوتتى. قازاقستاندىق سىرتقى ساياسات ۆەدومستۆوسى باسشىسىنىڭ ايتۋىنشا، بۇگىن اشىلعان فورۋمعا تىركەلگەن قاتىسۋشىلاردىڭ ءتىزىمى كوپتەگەن ەلدەردىڭ قازاقستانمەن ەكونوميكالىق ىنتىماقتاستىعىن دامىتۋعا دەگەن قىزىعۋشىلىعىن كورسەتەدى. وسى ورايدا ە. قازىحانوۆ پەن م. يۋسۋپ قازاقستان مەن دجيبۋتي يسلام الەمى قاۋىمداستىعىنىڭ تولىققاندى ىسكەر مۇشەسى رەتىندە ءوزارا ءتيىمدى ىنتىماقتاستىق ورناتۋعا مۇددەلىلىك تانىتىپ، ىقپالداستىق باعىتتارىنىڭ بولاشاعىن، اتاپ ايتقاندا اۋىل شارۋاشىلىق جانە كولىك سالالارىنداعى ماسەلەلەردى تالقىعا سالدى.

دجيبۋتي ءمينيسترى دەلەگاتسيانىڭ ساپارى ەكىجاقتى بايلانىستاردىڭ كەڭەيۋىنە قاجەتتى سەرپىلىس بەرەتىنىن اتاپ كورسەتتى. «قازاقستان تەرريتورياسى قۇرىلىقتا ورنالاسقان. سوندىقتان كەزدەسۋ بارىسىندا قازاقستاننىڭ پارسى شىعاناعىنا شىعۋ مۇمكىندىگى ءسوز بولدى. قازاقستان سونىمەن قاتار اراب ليگاسىنىڭ جانە اراب كەڭەسىنىڭ باقىلاۋشىسى مارتەبەسىن الۋعا قۇلىقتى. ءبىزدىڭ ەل بۇل مارتەبەنى الۋعا كومەگىن تيگىزەتىن بولادى»،-دەدى م. يۋسۋپ.

تاراپتار ەكونوميكالىق الەۋەتىن باعالاۋ ماقساتىندا ەكى ەلدىڭ ىسكەر توپتارى وكىلدەرىنىڭ ءوزارا ساپارلارمەن الماسۋ قاجەتتىگىن اتادى.

قر ءسىم باسشىسى قازاقستان يسلام كونفەرەنتسياسى ۇيىمىنىڭ توراعاسى رەتىندە اراب ەلدەرىنە ولاردىڭ حالىقارالىق جانە ايماقتىق قاۋىپسىزدىكتى تۇراقتاندىرۋ مەن نىعايتۋ جولىندا قولۇشىن بەرەتىنىن اتاپ ءوتتى.