استانا. 11    ماۋسىم. قازاقپارات - ماڭعىستاۋ وبلىستىق ىشكى ىستەر دەپارتامەنتىنىڭ «دينامو» سپورت كەشەنى «دينامو بالالارعا جانە قازاقستان رەسپۋبليكاسىنىڭ تاۋەلسىزدىگىنە 20 جىل » اتتى قايىرىمدىلىق شاراسىن وتكىزدى.

بۇل اقپاراتتى قر ءىىم ۋچيليششەسىنىڭ ءباسپاسوز قىزمەتى تاراتىپ وتىر.

سان ءتۇرلى سپورت ويىندارىنان جارىس تۇرىندە ۇيىمداستىرىلعان شاراعا 12 جاستان 15 جاسقا دەيىنگى ماڭعىستاۋ وبلىستىق جانۇيالىق ۇلگىدەگى بالالار اۋىلىنىڭ، ماڭعىستاۋ وبلىستىق ارنايى مەكتەپ ينتەرناتىنىڭ، كامەلەتكە تولماعانداردى ۋاقىتشا وقشاۋلاۋ، بەيىمدەۋ، وڭالتۋ ورتالىعىنىڭ، كەكۋشينكاي كاراتە فەدەراتسياسىنىڭ، «وقۋشى» ورتالىعىنىڭ «جاس قىران» اۋلا كلۋبى مەن قر ءىىم ۋچيليششەسىنىڭ (اقتاۋ قالاسى) جانىنان قۇرىلعان «ۇلان» اۋلا كلۋبىنىڭ تاربيەلەنۋشىلەرى قاتىستى.

ەكى  كۇنگە سوزىلعان مەرەكەلىك شارانىڭ العاشقى كۇنى ارقان تارتۋ، 8 كەلىلىك كىر تاسىن كوتەرۋ، تۋرنيكتە تارتىلۋ جانە ميني-فۋتبول ويىندارىنان تۇرسا، كەلەسى كۇنى «كوڭىلدى ستارت» ەستافەتالىق ويىندارىنا ۇلاستى. ال جارىستىڭ ءۇشىنشى كۇنى جەڭىمپازداردى ماراپاتتاۋدان باستالىپ،  «ۇلان» اۋلا كلۋبىنىڭ دايىنداعان مەرەكەلىك كونتسەرتىنە جانە «جاس قىران» اۋلا كلۋبى مەن كەكۋشينكاي كاراتە فەدەراتسياسىنىڭ تاربيەلەنۋشىلەرىنىڭ ونەرلەرىن تاماشالاۋعا ۇلاستى.

استانا. 11    ماۋسىم. قازاقپارات - ماڭعىستاۋ وبلىستىق ىشكى ىستەر دەپارتامەنتىنىڭ «دينامو» سپورت كەشەنى «دينامو بالالارعا جانە قازاقستان رەسپۋبليكاسىنىڭ تاۋەلسىزدىگىنە 20 جىل » اتتى قايىرىمدىلىق شاراسىن وتكىزدى.

بۇل اقپاراتتى قر ءىىم ۋچيليششەسىنىڭ ءباسپاسوز قىزمەتى تاراتىپ وتىر.

سان ءتۇرلى سپورت ويىندارىنان جارىس تۇرىندە ۇيىمداستىرىلعان شاراعا 12 جاستان 15 جاسقا دەيىنگى ماڭعىستاۋ وبلىستىق جانۇيالىق ۇلگىدەگى بالالار اۋىلىنىڭ، ماڭعىستاۋ وبلىستىق ارنايى مەكتەپ ينتەرناتىنىڭ، كامەلەتكە تولماعانداردى ۋاقىتشا وقشاۋلاۋ، بەيىمدەۋ، وڭالتۋ ورتالىعىنىڭ، كەكۋشينكاي كاراتە فەدەراتسياسىنىڭ، «وقۋشى» ورتالىعىنىڭ «جاس قىران» اۋلا كلۋبى مەن قر ءىىم ۋچيليششەسىنىڭ (اقتاۋ قالاسى) جانىنان قۇرىلعان «ۇلان» اۋلا كلۋبىنىڭ تاربيەلەنۋشىلەرى قاتىستى.

ەكى  كۇنگە سوزىلعان مەرەكەلىك شارانىڭ العاشقى كۇنى ارقان تارتۋ، 8 كەلىلىك كىر تاسىن كوتەرۋ، تۋرنيكتە تارتىلۋ جانە ميني-فۋتبول ويىندارىنان تۇرسا، كەلەسى كۇنى «كوڭىلدى ستارت» ەستافەتالىق ويىندارىنا ۇلاستى. ال جارىستىڭ ءۇشىنشى كۇنى جەڭىمپازداردى ماراپاتتاۋدان باستالىپ،  «ۇلان» اۋلا كلۋبىنىڭ دايىنداعان مەرەكەلىك كونتسەرتىنە جانە «جاس قىران» اۋلا كلۋبى مەن كەكۋشينكاي كاراتە فەدەراتسياسىنىڭ تاربيەلەنۋشىلەرىنىڭ ونەرلەرىن تاماشالاۋعا ۇلاستى.

جارىسقا قاتىسقان بالالاردىڭ ەش ءبىرى دە جۇلدەسىز قالعان جوق. ءبىرى ارقان تارتۋدان كۇشتىلىك تانىتسا، ەكىنىشىسى كىر تاسىن كوتەرۋدەن باسىم ءتۇسىپ، ءبىرى فۋتبولدى جاقسى وينايتىن بولىپ شىقتى. بالالاردىڭ بارلىعىنا دەرلىك سپورت كيىمدەرى، كيمونو، فۋتبول، ۆولەيبول دوپتارى سياقتى باعالى سىيلىقتار تابىس ەتىلدى.

ال جارىس قورىتىندىسى بويىنشا جالپى كوماندالىق ەسەپتە ءبىرىنشى ورىندى «جاس قىران» وقۋ ورتالىعى، ەكىنشى ورىندى قر ءىىم ۋچيليششەسىنىڭ (اقتاۋ قالاسى) جانىنان قۇرىلعان «ۇلان» اۋلا كلۋبىنىڭ كومانداسى يەمدەندى. ال جۇلدەلى ءۇشىنشى ورىندى ماڭعىستاۋ وبلىستىق جانۇيالىق ۇلگىدەگى بالالار اۋىلىنىڭ كومانداسى مىسە تۇتتى. سونىمەن قاتار مەرەكەلىك شارانى ۇيىمداستىرۋعا اتسالىسقان ازاماتتار ءىىد باستىعىنىڭ «قۇرمەت گراموتاسىمەن» ماراپاتتالدى.

بۇل يگىلىكتى شارانى ۇيىمداستىرۋداعى باستى مىندەت - بالالاردى سپورتقا قىزىقتىرىپ، دەنى ساۋ، ءتانى شىمىر سالاۋاتتى ۇرپاق قالىپتاستىرۋعا  از دا بولسا ۇلەس قوسۋ.