بىزدە ميسىز مينيستر، ميسىز اكىم، ميسىز دەپۋتات، ميسىز شەنەۋنىكتەر بولۋى زاڭدىلىق بولسا، وندا ءبىز قانداي ەلمىز؟

وسى ۋاقىتقا دەيىن ايۋ دا قازاقشا ۇيرەنىپ الار ەدى...

نۇرسۇلتان نازارباەۆ.

«الەۋمەتتىك لينگۆيستيكا» عىلىمىنىڭ زاڭى بويىنشا

ءتىلدى ۇيرەنسەم دەگەن كەز كەلگەن، ءتىپتى ناعىز توپاس ادام،

ءوزى سول ورتادا ءومىر سۇرمەسە دە،

3 جىلدىڭ ىشىندە ۇيرەنىپ الۋعا شاماسى جەتەدى.

بۇل عىلىمي دالەلدەنگەن زاڭدىلىق.»

دوس كوشىم.

«ەسلي ۆى منە نە پومەنيايتە موي موزگي،

منە كازاحسكي يازىك نە ۆىۋچيت!»

ەرلان ىدىرىسوۆ،

سىرتقى ىستەر ءمينيسترى.  2002 جىل.

مەملەكەتتىك قىزمەتكەرلەرى

مەملەكەتتىك ءتىلدى بىلمەۋگە قۇقى بار مەملەكەت بولا ما؟!..

ءوز ءتىلىن ءبىلۋى ءۇشىن ميىن اۋىستىراتىندار سانى قانشا؟

بىزدە ميسىز مينيستر، ميسىز اكىم، ميسىز دەپۋتات، ميسىز شەنەۋنىكتەر بولۋى زاڭدىلىق بولسا، وندا ءبىز قانداي ەلمىز؟

وسى ۋاقىتقا دەيىن ايۋ دا قازاقشا ۇيرەنىپ الار ەدى...

نۇرسۇلتان نازارباەۆ.

«الەۋمەتتىك لينگۆيستيكا» عىلىمىنىڭ زاڭى بويىنشا

ءتىلدى ۇيرەنسەم دەگەن كەز كەلگەن، ءتىپتى ناعىز توپاس ادام،

ءوزى سول ورتادا ءومىر سۇرمەسە دە،

3 جىلدىڭ ىشىندە ۇيرەنىپ الۋعا شاماسى جەتەدى.

بۇل عىلىمي دالەلدەنگەن زاڭدىلىق.»

دوس كوشىم.

«ەسلي ۆى منە نە پومەنيايتە موي موزگي،

منە كازاحسكي يازىك نە ۆىۋچيت!»

ەرلان ىدىرىسوۆ،

سىرتقى ىستەر ءمينيسترى.  2002 جىل.

مەملەكەتتىك قىزمەتكەرلەرى

مەملەكەتتىك ءتىلدى بىلمەۋگە قۇقى بار مەملەكەت بولا ما؟!..

ءوز ءتىلىن ءبىلۋى ءۇشىن ميىن اۋىستىراتىندار سانى قانشا؟

ەلباسىمىز بۇل ايگىلى ءسوزىن ءبىر جيىندا مەملەكەتتىك ءتىلدى ۇيرەنۋدى قيىنسىنعان وزگە ۇلت وكىلدەرىنە قاراتا ايتقان بولاتىن... بەلگىلى ساياساتتانۋشى، «ۇلت تاعدىرى» قورىنىڭ توراعاسى، الەۋمەتتىك لينگۆيستيكا عىلىمىنىڭ مامانى، عىلىم كانديداتى دوس كوشىم دە  بۇل ءسوزىن قازاقستان حالقى اسسامبلەياسىنىڭ  الماتى قالالىق بولىمشەسى مۇشەلەرىنىڭ، ياعني وزگە ۇلت وكىلدەرىنىڭ الدىندا ايتقان ەدى. ول بىلتىر «جاس قازاق ءۇنى» گازەتىندە جاريالاندى. ال ءوزىمىزدىڭ ءوز انا ءتىلى مەن مەملەكەتتىك ءتىلىن بىلمەيتىن جانە بىلگىسى كەلمەي :«ەسلي ۆى منە نە پومەنيايتە موي موزگي، منە كازاحسكي يازىك نە ۆىۋچيت!» دەپ اناۋ-مىناۋ ەمەس، پارلامەنتتىڭ الدىندا مالىمدەيتىن مينيستر ەرلان ىدىرىسوۆتاردى (قازىر قازاقستاننىڭ اقش-تاعى توتەنشە جانە وكىلەتتى ەلشىسى)  قايتەمىز؟ وندا ولار ەكى ەسە „توپاس" بولعانى ما؟ وسىنداي „توپاس" مينيسترلەرگە، „جات" دەسە، جاتاتىن، „تۇر" دەپ ايتۋدى ۇمىتىپ كەتسە، جاتا بەرەتىن ءبىزدىڭ بايعۇس پارلامەنت: „قازاق تىلىنە ميىڭ جەتپەسە، قالاي قازاق ءمينيسترى بولاسىڭ، ورنىڭدى بوسات!؟" دەپ ايتا العان جوق. ويتكەنى، پارلامەنتتە دە ءوز انا ءتىلى مەن مەملەكەتتىك ءتىلىن بىلمەيتىن  توپاستار مەن قازاق ءتىلى قابىلدانىپ كەتۋىنە قارسى تاسبايلار از ەمەس... مىسال كەرەك پە، جەتەدى...  2004 جىلى پارلامەنت دەپۋتاتتارى مەملەكەتتىك تىلگە قارسى شىققاندا «جاس قازاق ءۇنى» گازەتىنىڭ دەپۋتاتتاردىڭ داۋىس بەرۋ ستەنوگرامماسىن جاريالاپ، سەڭ قوزعاعان سەنساتسيالىق  ماقالاسى ەلىمىزدى ءدۇر سىلكىندىرىپ، جازۋشىلار وداعىنا جينالعان زيالى قاۋىمنىڭ سەنات پەن ماجىلىسكە اشىق حات جولداۋىنا سەبەپشى بولدى. ونى ورىستىلدىلەردەن باسقا كوپتەگەن ءباسپاسوز قۇرالدارى قاتتى قولداپ كەتكەنى بەلگىلى. ەلىمىزدىڭ باس گازەتى «ەگەمەن قازاقتاندا»  ءبىرتۋار قايراتكەر شەرحان مۇرتازا: «كىمنىڭ كىم ەكەنىن بىلگىڭ كەلسە، تەك «جاس قازاق ءۇنى» گازەتىن عانا وقىپ، بىلە الاسىزدار» دەسە، «قازاق ادەبيەتى»  گازەتى: «جاس قازاق  ءۇنى» ءبىر ماقالاسىمەن-اق ۇيقىداعى جۇرتتى وياتتى» دەپ جازدى سول كەزدە. بۇل بىرەۋلەرگە ۇناسا دا، ۇناماسا دا، اقيقاتى وسى. تاريحتا قالعان تىزىمدەگى انا ءتىلى مەن مەملەكەتتىك تىلىنە قارسى شىققان دەپۋتاتتاردىڭ سۇيەگىندەگى قارا تاڭبا ۇرپاقتارىنا كەتەدى. ءبىز وقىرماندار سۇراۋىمەن بۇل ستەنوگراممانى - قارا ءتىزىمدى گازەتكە قايتا جاريالاپ، الەم قازاقتارى وقيتىنwww.qazaquni.kz سايتىنا سالىپ قويۋدى جوسپارلاۋدامىز.ءيا، ەشنارسە دە، ەشكىم دە ۇمىتىلمايدى... اسىرەسە، ۇلتتىق مۇددەگە جاساعان قاستاندىعىڭ!..

اقىسىز-اق ايتىپ بەرەيىن، نۇروتاندىق دەپۋتاتتارعا بۇل قارا تاڭبادان قۇتىلۋدىڭ جالعىز جولى بار. ول-مەملەكەتتىك ءتىلدىڭ باسىمدىعى، ياعني ۇستەمدىگى تۋرالى زاڭ قابىلداۋ! مەملەكەتتىك ءتىلدىڭ وزگە تىلدەردەن ارتىق بولۋى بىزدەن باسقا ءوزىن سىيلايتىن ءاربىر مەملەكەت ءۇشىن الىپپەدەي بىلۋگە ءھام ورىندالۋعا ءتيىس زاڭدىلىق.!

قازاقستان ۇكىمەتى بىلتىر 2020 جىلى عانا، ياعني ءتىل تۋرالى زاڭ قابىلدانعانىنا 31 جىل، تاۋەلسىزدىگىمىزگە 30 جىلداي تولعان سوڭ عانا قازاق تىلىندە سويلەيمىز دەپ مالىمدەدى!..

ال ەڭ توپاس ادامنىڭ وزىنە ءتىل ۇيرەنۋگە 3 جىل جەتەدى ەكەن... سوندا ءبىز ون ەسە توپاسپىز با؟.. سوندىقتان دا مەن بىلتىر: „قوجاناسىر ەسەگىن دە 30 جىلدان سوڭ سويلەتەمىن دەپ ەدى، ءبىز سول قوجەكەڭنىڭ كەيىپكەرىنەن دە كەيىن بولىپپىز عوي... بۇل ەقىۇ-عا توراعا، 50 ەلگە ەنىپ كەلە جاتقان، ەلباسىمىز بار ەلدىڭ ازاماتتارىن قورلاۋ ەمەس پە؟"- دەپ جازدىم...

ال جالپى ءالەمدە مەملەكەتتىك قىزمەتكەرلەرى مەملەكەتتىك ءتىلدى بىلمەۋگە قۇقى بار مەملەكەت بولا ما؟!. ءبىز بايعۇستاردان باسقا...

ەندەشە ۇلتىن سۇيگەندەردىڭ دە رەسەي ءتىلىن بىلمەۋگە قۇقى بار!

باسشىلىققا ورىس ءتىلىن بىلمەيتىندەر مەن سويلەمەيتىندەر

الىنۋى كەرەك!

ورىس تىلدىلەردىڭ ۇستەمدىگى بەت قاراتپايدى. اشىپ ايتارىمىز، قازاق تىلىنە قارسى شىعۋشىلار، وزگە ۇلت وكىلدەرى ەمەس، ءوز وگەيلەرىمىز. مىسالى،  اكىمدىكتەگى، مينيسترلىكتەگى، پارلامەنتتەگى، ۇلتتىق كومپانياداعى، ت.ب. مەملەكەتتىك مەكەمەدەگى وزگە ۇلت وكىلدەرىن  ايتپاعاندا، ءوز انا ءتىلى مەن مەملەكەتتىك ءتىلدى بىلمەيتىن مەملەكەتتىك قىزمەتكەرلەر (پارادوكس ەمەس پە), ءوزىمىزدىڭ ەكى ەسە توپاستار ءتىل باسقارماسى قىزمەتكەرلەرى قازاق تىلىندە قاعاز اپارسا، تۇسىنبەيدى دە، „ورىس تىلىنە اۋدارىپ اكەل" دەيدى. وعان „بۇل مەملەكەتتىك ءتىل" عوي دەسەڭ، „بىزدە ءبارى ەكى تىلدە عوي" دەپ، زاڭىمىزدىڭ  بەيشارالىعىن الدىڭا تارتادى. „وندا ءوزىڭ اۋدارىپ ال!"-دەسەڭ، „مەن مەملەكەتتىك ءتىلدى بىلمەيمىن؟"- دەپ، توپاستىعىنا ۇيالماي، قايتا ماقتانعانداي ءتۇر كورسەتەدى... وعان تابانىنىڭ ءبۇرى بار ساناۋلى قىزمەتكەر عانا: „ سەنىڭ ءوز انا ءتىلىڭدى، قازاق ءتىلىن بىلمەۋگە، وكىنىشكە وراي، قۇقىڭ بولسا، مەنىڭ دە ايدالاداعى شەتەل ءتىلىن، رەسەيدىڭ ءتىلىن بىلمەۋگە قۇقىم بار. ال مەنىڭ مەملەكەتتىك ءتىلدى بىلگەنىم  ءۇشىن عانا ماعان نەگە ارتىق ازاپ، ارتىق جۇمىس - تەگىن اۋدارماشىلىق جۇمىس جۇكتەلۋى كەرەك؟ كەرەك بولسا، اقشا تولەپ، ءوزىڭ اۋدارتىپ ال" دەپ ايتا الادى... ال 99 پايىزى ءبىر كۇرسىنىپ الىپ، نەگىزگى جۇمىسىن جيىپ قويىپ، جىل بويى „اۋدارماشىلىقپەن" اينالىسادى.

ۇلتتىق تەڭگەگە دە ورىس حالقىن سان بىلمەيتىن ساۋاتسىزدارداي قورلاپ، ورىس تىلىندە - شەت تىلىندە جازىپ، قازاق ءتىلىن قاتە جازاتىن ءاڭۋار (تەڭگەدە "بانكىنى" " باڭكى" دەپ جازعاننان بەرى اتىن وسىلاي جازامىز) سايدەنوۆتارداي بانكيرلەرى بار قازاقستاندى ءتىل زارىن تارتۋدان گيننەسس-ءتىڭ رەكوردتار كىتابىنا كىرگىزۋگە بولادى. ايتپاقشى، الەمگە ايگىلى اقيىق اقىنىمىز مۇقتار شاحانوۆ باسقاراتىن „مەملەكەتتىك ءتىل" قورى تاعايىنداعان „شىرىگەن جۇمىرتقا" سىيلىعىنىڭ تۇڭعىش „لاۋرەاتتارى"  قاتارىن وسى ىدىرىسوۆتار مەن سايدەنوۆتار باستاپ تۇرعان ەدى...

ۇلتتىق قانى بار ساناۋلى عانا ساڭلاق قايراتكەرلەرىمىزدىڭ ءبىرى يمانعالي تاسماعامبەتوۆ الماتىنى باسقارىپ تۇرعاندا مەملەكەتتىك ءتىلدى دامىتۋعا ءبىراز قادام جاسادى. سول كەزدە عوي ولجاس سۇلەيمەنوۆتىڭ: „«ەسلي مى سەگودنيا پەرەۆەدەم دەلوپرويزۆودستۆو ۆ الماتى نا كازاحسكي يازىك، سوتسيالنوگو ۆزرىۆا ۆ گورودە نە يزبەجات!» -دەپ گۇر ەتە قالاتىنى. سول كەزدە عوي، ءبىزدىڭ دە: «ورىستار ولجاستى نەگە الجاس دەيتىنىن ەندى ءتۇسىندىم» دەپ «جاس قازاق ءۇنى» گازەتىندە (2005 جىل) جازاتىنىمىز... (بۇل ءسوزىمىز كەيىن ماتەلگە اينالىپ كەتتى...)  تاسماعامبەتوۆتىڭ جۋرناليستەرمەن ءبىر كەزدەسۋىندە مەن: „الماتى قازاقشالانباي، قازاقستان قازاقشالانبايدى" دەگەن تاريحي ءسوز ايتتىڭىز. بۇل باعىتتا نە ىستەلىپ جاتىر؟" دەپ سۇراق قويدىم. سوندا يمەكەڭ: ء„بىز بۇل باعىتتا ءبىراز شارۋالار اتقارۋدامىز. جاقىندا عانا الماتى قالالىق ءبىلىم باسقارماسىنىڭ باستىعى ەتىپ قازاق ءتىلى ءپانىنىڭ مامانىن قويدىق. ول باسىندا „مەن ورىس ءتىلىن بىلمەيمىن" دەپ باس تارتىپ ەدى، „بىزگە سول ورىس ءتىلىن بىلمەيتىن باسشى كەرەك" دەپ كوندىردىك"-دەگەن بولاتىن. بۇنداي تاپقىرلىققا قاتتى ريزا بولعان مەنىڭ ويىمشا، بۇل كەشەگى-بۇگىنگى كەزەڭىمىز بار، 90 جىلدىق تاريحتا تۇڭعىش رەت „ورىس ءتىلىن بىلمەگەنى ءۇشىن" باسشىلىققا تاعايىنداۋ بولعان شىعار... ياعني، ەندى وسى تاجىريبەنى ەلىمىز بويىنشا قولدانۋ كەرەك. ۇكىمەتكە، پارلامەنتكە، اكىمدىكتەرگە، ۇلتتىق كومپانيالارعا، مەملەكەتتىك قىزمەتكەرلەرگە ورىسشا بىلمەيتىندەردى نەمەسە ورىسشا سويلەمەيتىندەردى الۋ كەرەك!.. ەڭ باستى تالاپ-مەملەكەتتىك ءتىلدى ءبىلۋى كەرەك. سودان سوڭ عانا اعىلشىن ءتىلىن بىلسە، وزىنە جاقسى. ال ايدالاداعى ءبىر كەزدە ءبىزدى وتار قىلىپ، قوجايىن بولعان رەسەيدىڭ تىلىندە سويلەۋگە قۇمارلىق جانە ونى تالاپ ەتۋ - قۇلدىق پسيحولوگيا. قۇلداردىڭ عانا قۇتىلا المايتىن، قۇلداردا عانا بولاتىن  تاۋەلدىلىك سيندرومى.  اتى-جوندەرىنەن «-وۆ، -وۆا، -ەۆ، -ەۆا» سياقتى رەسەي تاڭعان قۇلدىق تاڭبا، قۇلدىق جالعاۋدان 1997 جىلى زاڭىمىز شىقسا دا، 15 جىلدان بەرى ارىلا الماي جۇرگەندەر دە قۇلدار. ارينە، جوعارىدا ايتقانداي، مەملەكەتتىك ءتىلدىڭ ارتىقشىلىعىن تانىتاتىن  زاڭ قابىلداماي،  بارلىق ارەكەتتەر ادىمىن ەركىن اشا المايدى... تاعى دا قايتالايمىز، مەملەكەتتىك ءتىل دەگەن ءسوز - ول ءتىلدىڭ وزگە تىلدەردەن ارتىقشىلىعى، ياعني قازاقشالاساق، ۇستەمدىگى دەگەن ءسوز. بۇل بارلىق دامىعان مەملەكەتتەر ءۇشىن اركىم الىپپەدەي بىلۋگە ءتيىستى ارتىقشىلىق! بىزدەن باسقا بارلىق تمد مەملەكەتتەرى، تيتەي قىرعىز دا، تاجىكتەر دە، شىن مانىندە تاۋەلسىزدىك العان ەلدەر رەسەي ءتىلىن پايدالانبايدى. بۇنى ءبىز كۇنىگە ءجۇز رەت، مىڭ رەت قايتالاي بەرۋگە ءتيىسپىز!

انا ءتىلىن بىلمەۋ دە،

انا تىلىندە سويلەمەۋ دە - ۇلتقا ساتقىندىق!

ءسىزدىڭ مەكەمەڭىزدەگى انا ءتىلىن - مەملەكەتتىك ءتىلدى بىلمەيتىن،

توپاس باسشىلار مەن قىزمەتكەرلەر كىمدەر؟

بىلتىر الەمنىڭ 56 ەلىنە توراعا بولعان ەل قازاقستان بولسا دا، ەقىۇ-نىڭ بۇكىل جۇمىسىندا دا، ءوز استانامىزداعى سامميتتە دە ايدالاداعى رەسەي ءتىلى ۇستەمدىك قۇردى. ەندى مۇنداي توراعالىق كەلە مە، كەلمەي مە، ءبىر قۇداي بىلەدى. قازاقتىڭ استاناسىندا قازاقستان  پرەزيدەنتى رەسەي تىلىندە سويلەگەنىنە كۇيىپ كەتكەن بولۋ كەرەك، (بىزدەن باسقا ەشبىر ەل رەسەيدى ءپىر سانامايدى) ءوز تىلىندە سويلەۋگە مۇلدە قۇقى جوق بىرىككەن ۇلتتار ۇيىمى باس حاتشىسى  پان گە مۋك  كارىس تىلىندە باستادى ءسوزىن...  شاماسى، قازاقتاردىڭ ەگەر ەسىندە قالسا، ءوز تىلدەرى دە بار ەكەنىن ەستەرىنە تۇسىرەيىن دەگەنى شىعار... راسىن ايتۋ كەرەك، پرەزيدەنتىمىز بىلتىر گەرمانگنياعا بارعاندا قازاقشا سويلەگەنىن كورىپ... كوزىمىزدەن جاس شىعىپ كەتە جازدادى... ءيا، ودان سوڭ استاناداعى ازيادانىڭ  عاجايىپ اشىلۋ سالتاناتى تازا قازاق تىلىندە ءوتتى. تەك اعىلشىن تىلىندە جۇگىرتپە جولدار ءجۇرىپ وتىردى. كەشە عانا وتكەن يسلام كونفەرەنتسياسىندا پرەزيدەنت ن.نازارباەۆ تەك قازاق تىلىندە سويلەدى. قانشاما قازاققا جۇمىس تابىلدى.  ۇلتتىڭ ەڭسەسى كوتەرىلىپ قالدى. بۇل ەندى مەملەكەتتىك ءتىلدى بىلمەيتىن، بىلەتىن بارلىق باسشىلارعا ۇلگى بولۋى ءتيىس ەدى...

پرەزيدەنتتەن باستاپ، ۇكىمەت،  پارلامەنت توراعالارىنان  باستاپ، مينيسترلەر، اكىمدەردەن، بارلىق باسشىلاردان باستاپ، تەك مەملەكەتتىك تىلدە سويلەسە، بىرىنشىدەن، ميللياردتار جۇمسالسا دا، ماڭدىماي جاتقان (سەبەبى قاجەتتىلىك جوق) مەملەكەتتىك ءتىل داميدى. ەكىنشىدەن، مەملەكەتتىك ءتىلدى بىلەتىن قانشاما قازاق پەن قازاقستاندىققا جۇمىس تابىلادى. „ورىسشاعا اۋدارىپ اكەل" دەپ، ومالىپ وتىراتىن توپاستار ورىن بوساتادى...سوندا ورىس تىلىندە سويلەۋ، ياعني قازاق تىلىندە سويلەمەۋ دەگەن ءسوز - قازاق تىلىنە، سول ارقىلى ءوز ەلىندە قازاققا جۇمىس بەرمەۋ دەگەن ءسوز! ياعني، بۇل ۇلتقا جاۋلىق ەمەس پە؟ سوندا ۇلتقا، ياعني مەملەكەتكە ەڭ الدىمەن مەملەكەتتىك ءتىلدى بىلمەيتىن شەنەۋنىكتەر، مينيسترلەر، اكىمدەر، دەپۋتاتتار، ۇلتتىق كومپانيا جەتەكشىلەرى، بارلىق باسشىلار جاۋ دەگەن ءسوز عوي! ال ونداي توپاس جاۋلاردى قۇرتۋ كەرەك ەمەس پە؟ كورنەكتى ورىس جازۋشىسى ك.پاۋستوۆسكي : «انا ءتىلىن بىلمەۋ-ۇلتقا جاسالعان وپاسىزدىق» دەپ جازدى سول كەزدىڭ وزىندە... ءبىزدىڭ ورىسشىل، ورىس بولىپ كەتكەن ماڭگۇرتتەرىمىز نەگە وسى ورىس دانىشپانىنىڭ ءسوزىن ەسكەرمەيدى...  ءبىز بۇل  انا ءتىلىن بىلمەيتىن جانە انا تىلىندە سويلەمەيتىن وپاسىز، ساتقىنداردى، ياعني جاۋلاردى جازالاپ، جاۋاپقا تارتپاي-اق قويايىق، العاشقىدا... ولار ءوز ەرىكتەرىمەن ورىندارىن بوساتسىن!  سوندا وزگە ۇلت وكىلدەرى لەزدە مەملەكەتتىك ءتىلدى ۇيرەنىپ الادى.  قازاقتىڭ اقشاسىنا شىعىپ جاتقان وزگە ءتىلدى، پيعىلى ناشار، باسبۇزار باسىلىمدار نەگىزگى ۇلتتى نەگىزسىز كەلەمەجدەپ، "كيىز ءۇي- بومجداردىڭ باسپاناسى" دەگەندەي... نامىسقا تيەر سوزدەر جاريالامايدى...

تاۋەلسىزدىگىنە 20 جىل تولىپ وتىرعان قازاقستاندا ءوز انا ءتىلىن، ياعني مەملەكەتتىك ءتىلدى بىلمەيتىن توپاستار مەن جاۋلارعا ورىن جوق!

ال ولار كىمدەر؟ اتتارىن اتاپ، تۇستەرىن تۇستەپ، ءتىزىمىن جاريالايىق؟ ماسانوۆ مارقۇم بولىپ كەتتى...   ەرلان ىدىرىسوۆ پەن ءاڭۋار سايدەنوۆتەردەن  باسقا كىم بار؟ تاۋەلسىزدىكتىڭ مەرەكەلى 20 جىلدىعىندا „شىرىگەن جۇمىرتقا" سىيلىعىنىڭ جاڭا لاۋرەاتتىعىنا كىمدەر تالاسا الادى؟.. „قازاق ءتىلى دامىماي جاتىر"-دەپ اتتان سالىپ، كوميسسيالار قۇرامىنا كىرىپ، وزدەرى بالالارىن ورىس تىلىندەگى مەكتەپكە بەرەتىندەر كىمدەر؟ ءسىزدىڭ مەكەمەڭىزدەگى انا ءتىلىن - مەملەكەتتىك ءتىلدى بىلمەيتىن، توپاس  باسشىلار مەن قىزمەتكەرلەر كىمدەر؟

ءۇن قوسىڭىزدار، وقىرمان قاۋىم! ەڭ ۇتىمدى ۇسىنىس جاساعاندار مەن وتكىر وي يەلەرىنە  سىيلىعىمىز دا بار...

قازىبەك يسا

«جاس قازاق ءۇنى» گازەتى

www.qazaquni.kz