وتكەن جولى «قازاقپارات» اگەنتتىگىنىڭ تىلشىلەرى تابان ەت، ماڭداي تەرلەرىنىڭ وتەۋى - اقادال ەڭبەك اقىلارىن ايلاپ الماعاندارىن اشىنا ايتقان. ونى دەر كەزىندە پورتالىمىز ماسەلە ەتىپ كوتەرگەن ەدى. (http://old.abai.kz/content/ermek-karabala-kazakparattyn-karny-ash). سودان ىلە-شالا اگەنتتىك قىزمەتكەرلەرى الدىنداعى جالاقى قارىزىن تۇگەل وتەمەسە دە تام-تۇمداپ، شاي-تۇزدىق اقشا بەرگەن ەدى. ەندى مىنە، جالاقى جىرى قايتا باستالىپتى.

وتكەن جولى «قازاقپارات» اگەنتتىگىنىڭ تىلشىلەرى تابان ەت، ماڭداي تەرلەرىنىڭ وتەۋى - اقادال ەڭبەك اقىلارىن ايلاپ الماعاندارىن اشىنا ايتقان. ونى دەر كەزىندە پورتالىمىز ماسەلە ەتىپ كوتەرگەن ەدى. (http://old.abai.kz/content/ermek-karabala-kazakparattyn-karny-ash). سودان ىلە-شالا اگەنتتىك قىزمەتكەرلەرى الدىنداعى جالاقى قارىزىن تۇگەل وتەمەسە دە تام-تۇمداپ، شاي-تۇزدىق اقشا بەرگەن ەدى. ەندى مىنە، جالاقى جىرى قايتا باستالىپتى.

ءسويتىپ، اقشا كۇتىپ سارعايعان «قازاقپارات» جۋرناليستەرىنىڭ ءتوزىمى تۇگەسىلىپ، بۇگىننەن باستاپ جۇمىس ىستەۋدەن باس تارتىپ جاتىر.  ءاسىلى، اگەنتتىك پەن قىزمەتكەرلەر اراسىنداعى كەلىسىم-شارت بويىنشا ەڭبەك اقى ءار ايدىڭ ونىندا بەرىلۋى كەرەك ەكەن. الايدا، جىل باسىنان بەرى جالاقىنىڭ كەشىكتىرىلۋى وسىمەن ءۇشىنشى رەت قايتالانىپ وتىر. انەۋگۇنى اگەنتتىكتىڭ الماتىداعى بولىمشەسىندەگى جۋرناليستەردىڭ جان ايقايىن جازعانىنا تىرس ەتپەگەن «قازاقپارات» ۇلتتىق اقپارات اگەنتتىگىنىڭ باسقارما توراعاسى داۋرەن دياروۆ استاناداعى اگەنتتىك تىلشىلەرىنە بەرگەن جالاقى ماسەلەسىنە قاتىستى تۇسىنىكتەمەسىندە: «عادىلبەك شالاحمەتوۆ باسقارعان كەزدەگى قارجىگەرلەردىڭ جىبەرگەن قاتەلىگىنەن اگەنتتىك بيۋدجەتكە 200 ملن. تەڭگە بەرەشەك بولىپ قالعان.  سونىڭ كەسىرىنەن ەسەپ-شوتتاردىڭ ءبارى جابىق. قازىر بۇرىنعى باسشىنىڭ تۇسىندا كەتكەن قارجىلىق قاتەلىكتەرگە بايلانىستى سوت پروتسەسى ءجۇرىپ جاتىر. ال، بايلانىس جانە اقپارات مينيسترلىگى اگەنتتىككە قاراجات اۋدارۋعا دايىن بولعانىمەن، ول اقشا اۋدارىلعان بويدا اۆتوماتتى تۇردە بيۋدجەتتىڭ قارىزىنا كەتەدى»، - دەپتى. توق ەتەرى اقشا جوق. جۋرناليستەرگە جالاقى دەپ "جىلاماڭدار" دەگەنگە ساياتىن تۇسىنىكتەمەسىندە دياروۆ مىرزا اگەنتتىك باسشىلارىنىڭ جالاقىلارى  دا ايلاپ كەشىگىپ جاتىر ما، جوق پا ول جاعىن ايتپاپتى...

ايتپاقشى، «قازاقپارات» بىرنەشە تىلدە اقپارات تاراتاتىن ءجۇز پايىز مەملەكەتكە تيەسىلى جالعىز اقپارات اگەنتتىگى. سول جالعىزدىڭ جاعدايى جىلارمان، قارىزدان كوزىن اشا الماي، تىلشىلەرىنە تيىن تاۋىپ بەرۋى مۇڭ بولىپ تۇر. بۇرىنعى باسشىنىڭ بوسقا كەتپەي 200 ملن. تەڭگە قارىز تاستاپ كەتە بارىپتى. اينالىپ كەلگەندە بار اۋىرتپالىق اگەنتتىكتىڭ وتىمەن كىرىپ، كۇلىمەن شىعىپ، ادال ەڭبەك ەتىپ وتىرعان جۋرناليستەرگە ءتۇسىپ وتىر.

«اباي-اقپارات»