استانالىق ايماقتاعى  اقمولا وبلىسىندا   تاۋەلسىز قازاقستاننىڭ نەگىزگى مەملەكەت قۇرۋشى ۇلتىن مازاققا اينالدىرۋ اكتسياسى ءجۇرىپ جاتقان سەكىلدى. قازاقتىڭ اقشاسىنا شىعىپ جاتقان مەملەكەتتىك باسىلىمداردا   قازاقتىڭ ەڭ اسىل مۇراسى، قاسيەتتى قاراشاڭىراعى  سانالاتىن  كيىز ءۇيدى «بومجدار باسپاناسى» دەۋ قازاقتى قورلاۋ دەپ قابىلدانۋى ءتيىس. كوكشەتاۋ قالاسىنداعى «ستەپنوي ماياك» گازەتىندە ورىن العان بۇل ماسقارا وقيعانىڭ ءىزى سۋىماي جاتىپ، جاڭا «جانجال» بۇرق ەتە قالدى. بۇل دا اقمولا وبلىسىنا قارايتىن بۋراباي اۋدانىنداعى «لۋچ»، «سەلسكايا نوۆ»، «بۋراباي» گازەتتەرىنىڭ باستارى ىستەمەيتىن باسشىلارى  الاشتىڭ ۇلى اقىنى ماعجان جۇماباەۆتىڭ تەگىن «پياتنيتساباەۆ» دەپ اۋدارىپتى...  ادامنىڭ اتىن وزگە تىلگە اۋداراتىن الەمدە جوق مۇنداي توپاستىقتى كىم كورگەن؟! ولار وندا جانسىز كومپيۋتەردى ورىندارىنا باس رەداكتور ەتىپ قالدىرسىن...

ەندەشە، «جاس قازاق ءۇنى» گازەتى دە ورىس ەسىمدەرىن تۇگەل اۋدارىپ جاريالايتىن بولادى... بۇعان بارلىق قازاقتىلدى باق قوسىلادى دەپ ويلايمىن...

استانالىق ايماقتاعى  اقمولا وبلىسىندا   تاۋەلسىز قازاقستاننىڭ نەگىزگى مەملەكەت قۇرۋشى ۇلتىن مازاققا اينالدىرۋ اكتسياسى ءجۇرىپ جاتقان سەكىلدى. قازاقتىڭ اقشاسىنا شىعىپ جاتقان مەملەكەتتىك باسىلىمداردا   قازاقتىڭ ەڭ اسىل مۇراسى، قاسيەتتى قاراشاڭىراعى  سانالاتىن  كيىز ءۇيدى «بومجدار باسپاناسى» دەۋ قازاقتى قورلاۋ دەپ قابىلدانۋى ءتيىس. كوكشەتاۋ قالاسىنداعى «ستەپنوي ماياك» گازەتىندە ورىن العان بۇل ماسقارا وقيعانىڭ ءىزى سۋىماي جاتىپ، جاڭا «جانجال» بۇرق ەتە قالدى. بۇل دا اقمولا وبلىسىنا قارايتىن بۋراباي اۋدانىنداعى «لۋچ»، «سەلسكايا نوۆ»، «بۋراباي» گازەتتەرىنىڭ باستارى ىستەمەيتىن باسشىلارى  الاشتىڭ ۇلى اقىنى ماعجان جۇماباەۆتىڭ تەگىن «پياتنيتساباەۆ» دەپ اۋدارىپتى...  ادامنىڭ اتىن وزگە تىلگە اۋداراتىن الەمدە جوق مۇنداي توپاستىقتى كىم كورگەن؟! ولار وندا جانسىز كومپيۋتەردى ورىندارىنا باس رەداكتور ەتىپ قالدىرسىن...

ەندەشە، «جاس قازاق ءۇنى» گازەتى دە ورىس ەسىمدەرىن تۇگەل اۋدارىپ جاريالايتىن بولادى... بۇعان بارلىق قازاقتىلدى باق قوسىلادى دەپ ويلايمىن...

اقمولا وبلىسىنى اكىمى سەرگەي كىشىشىركەۋشى ءوز وڭىرىندە قانداي وتتى ويىن وينالىپ جاتقانىنا نازار اۋدارىپ، باسشىلىق باقىلاۋدى شۇعىل قولعا الۋى ءتيىس! شاماسى، كوكشەتاۋ مەن بۋرابايدىڭ اتالمىش گازەتتەرى وزدەرىن ارىستان جۋان مەن الەكساندر سەرگەيۇلى زەڭبىرەكتىڭ  وتانى رەسەيدە ءجۇرمىز دەپ ويلاپ قالسا كەرەك... قازاقستاننىڭ تاۋەلسىزدىك العانىنا بيىل 20 جىل تولىپ وتىرعانىن ماسكەۋدەگىلەر عانا ەمەس، ءوزىمىزدىڭ ورىستار مەن ءورىستىلدى «قارا ورىستار» دا سەزىنبەيتىن سەكىلدى... ەندەشە، سەزىندىرۋ كەرەك! ول ءۇشىن  مەملەكەتتىك ءتىل تۋرالى، ادام، جەر-سۋ  اتتارىنىڭ اۋدارىلمايتىنى جايلى تۇعىرى مىقتى زاڭدار كەرەك. ول زاڭداردى پارلامەنتتە وتىرعان دەپۋتات ۆلاديمير جاقسىەمەستەر جاقسى ەتىپ دايىنداپ، قابىلداسىن! زاڭدىلىعى تالاسقا تۇسسە، كونستيتۋتسيالىق كەڭەس توراعاسى يگور يۆانۇلى  ءمۇيىز «مۇيىزدەپ»، تەكسەرۋدەن وتكىزىپ السىن.

وسىنداي نەگىزگى ۇلتقا نەگىزسىز ءتيىسىپ، ۇلتتىق قۇندىلىقتارىمىزدى اياققا تاپتاۋ ويىنىنان  وت شىعىپ كەتسە، قايتەمىز... ول جالىن «بىزدە ۇلتارالىق تاتۋلىق ورناعان» دەگەن ۇرانداردى ورتەپ،  باعىنباي كەتۋى مۇمكىن. ايتقان جەردەن اۋلاق، ونداي توتەنشە جاعداي ورناي قالسا، توتەنشە جاعدايلار ءمينيسترى ۆلاديمير كەلەكە كەلسە دە، كەلەكە بولادى، بەرەكە بولمايدى... قوستاناي وبلىسى اكىمى سەرگەي جۇدىرىق تا جۇرتىن جۇدىرىقتاي جۇمىلدىرىپ، بارلىعى قازاقشا سويلەۋدى تەزدەتۋى كەرەك.

قازاقستان قازىر تاۋەلسىز ەل! ياعني، ەندى ءبىز ءبىر كەزدەگى قوجايىنىمىز رەسەي پرەزيدەنتى دميتري اناتوليۇلى ايۋدىڭ الدىندا قويان، پرەمەرى ۆلاديمير جولبالاعا قولبالا ەمەسپىز! ويتكەنى بيىل ەشقانداي بالاماسىز ەڭ ۇلى مەرەكەمىز تاۋەلسىزدىككە 20 جىل تولادى!

«جاس قازاق ءۇنى» گازەتى №22-23