مينيسترلىك شاعىمنىڭ قۇنىن 180 ميلليون دوللاردان استام سوماعا باعالايدى.
شاعىمدا كومپانيالار قازاقستانداعى ارىس جانە ارال مۇناي-گاز كەنىشتەرىن يگەرۋ مەن پايدالانۋ بويىنشا كونتسەسسيا كەلىسىمىنىڭ بۇزىلعانى، اقش پەن قازاقستان اراسىندا جاسالعان كەلىسىم-شارتتاعى ىنتالاندىرۋ جانە ينۆەستيتسيانى بىرىگىپ قورعاۋ بويىنشا شاعىم يەلەرىنىڭ قۇقىعى بۇزىلعانى، فيدۋتسيارلىق مىندەتتەمەلەردىڭ ورىندالماۋى، ادىلەتسىز بايۋ، فاكتىلەردى بۇرمالاۋ جانە نەمقۇرايلىق تۋرالى جازعان.
Law360 سايتىنا سىلتەمە جاساعان Informburo.kz جاڭالىقتار اگەنتتىگىنىڭ حابارلاۋىنشا، ارال كەنىشىن يگەرۋ جانە پايدالانۋ بويىنشا جوبا "ينۆەستورلاردىڭ مىندەتتەرىن ورىنداماۋىنا بايلانىستى" 2005 جىلى توقتاتىلعان. ال ارىس كەنىشى بويىنشا كونتسەسسيا كەلىسىمىن قازاقستان ەكىنشى تاراپتىڭ كەلىسىمىنسىز 2010 جىلى بۇزعان. اۋەل باستا بۇل كونتسەسسيا 25 جىل كۇشىندە بولادى جانە ميلليارد دوللاردان استام پايدا اكەلەدى دەگەن جوسپار بولعان.
ادىلەت مينيسترلىگىنىڭ حابارلاۋىنشا، سوت اقش-تىڭ "شەتەلدىك تاۋەلسىز يممۋنيتەت تۋرالى" زاڭىنا سۇيەنە وتىرىپ "قۇزىرەتى بولماعاندىقتان" شاعىمدى قاناعاتتاندىرماعان. سوت ۇكىمى 26 ساۋىردە شىققان. كومپانيالار سوتقا شاعىمدى 2010 جىلى تۇسىرگەن.
قازاقستاندا 2014 جىلى مۇناي جانە گاز مينيسترلىگى، يندۋستريا جانە جاڭا تەحنولوگيالار، قورشاعان ورتا جانە سۋ رەسۋرستارى مينيسترلىكتەرى تاراتىلىپ، ولاردىڭ وكىلەتى جاڭادان قۇرىلعان ەنەرگەتيكا مينيسترلىگىنە بەرىلگەن.
Abai.kz
