جۇما, 29 ناۋرىز 2024
46 - ءسوز 6502 23 پىكىر 22 مامىر, 2019 ساعات 10:39

بيلىكتىڭ جۇرت الدىنداعى رەيتينگى كۇن سايىن قۇلاپ بارادى

جۋىردا استانا ەكونوميكالىق فورۋمى ءوتتى. بالا كەزىمدە پۋشكيننىڭ "پير ۆو ۆرەميا چۋمى" اتتى قىسقا تۋىندىسىن وقىپ ەدىم. چۋمانىڭ ءورشىپ تۇرعان ءساتى. تولعان ولىك. ال ءبىر ۇيدە بىرنەشە اپەندى جينالىپ، كەڭ داستارحاندا تويلاتىپ جاتادى.

قىزىق. بۇل تۋىندى بۇگىن نەگە ەسىمە ءتۇستى ەكەن؟! بالكي ءبىزدىڭ قوعام سول تۋىندىداعىداي كۇي كەشۋدە مە؟

استانا ەكونوميكالىق فورۋمىنا الەمنىڭ ىعاي-سىعايلارى جينالدى. ءبىزدىڭ بىلعارى كرەسلودا وتىرعانداردىڭ ءبارى سوندا ءجۇردى. ءزاۋلىم ساراي، ادەمى كولىكتەر، قىمبات كيىمدەر مەن اشەكەيلەر، ادەمى سوزدەر. ال سول ساتتە دالادا انالار نارازىلىق ءبىلدىرىپ، شۋلاپ جاتتى. ءبىر سوزبەن ايتقاندا پۋشكيننىڭ "پير ۆو ۆرەميا چۋمى" تۋىندىسى شىنايىلىققا اينالعانداي بولدى.

قازاقتىڭ تەڭ جارتىسى باسپاناسىز. حالىقتىڭ 70%-ى 70 مىڭ تەڭگە الىپ وتىر. اۋىز سۋ، گاز، جىلۋ جەتىسپەۋشىلىگى جىلدا كورىنەدى. جول ساپاسى، دەنساۋلىق ساقتاۋ ءماز ەمەس. الەۋمەتتىك جاعداي دا وڭىپ تۇرعان جوق. 21 مىڭ تەڭگەنىڭ جىرى ماناس ىرىنان ۇزاق بولىپ كەتتى. سونىڭ ءبارىن ىسىرىپ قويىپ، 1,4 ملرد تەڭگەگە فورۋم وتكىزۋ داراقىلىق پا، دانالىق پا؟!

ەكونوميكاسى ناشار ەلدىڭ ەكونوميكالىق فورۋمدار وتكىزە بەرۋى ءسال كۇلكىلى. 2008 جىلى قۇرىلعان اەف-كە وسى ۋاقىتقا دەيىن 100-دەن استام ەلدەن 8 مىڭنان اسا ادام قاتىسقان. ولار نە شەشتى؟! قىمبات قوناقۇيدە تەگىن جاتىپ، سپيكەرلەر بالەنباي مىڭ دوللار الىپ، فورۋمعا شاشىلعان ملردتاردان باسقا ارينە.

بيلىك ءداپ قازىر جاتسا دا، تۇرسا دا حالىقتىڭ جاعدايىن قالاي جاسايمىن دەپ زىر جۇگىرۋ كەرەك. جۇرت الدىنداعى رەيتينگى كۇن سايىن قۇلاپ بارادى. كاددافي رەجيمىنىڭ قۇلاۋى رەيتينگ قۇلاۋدان باستالعانىن ۇمىتپاۋ كەرەك. بيلىكتەن ناقتى، شىنايى ارەكەتتەر كۇتەمىز. حالىقتىڭ جاعدايىن جاساڭدار!

اسحات قاسەنعاليدىڭ facebook پاراقشاسىنان

Abai.kz

23 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564