جۇما, 24 مامىر 2024
46 - ءسوز 5614 2 پىكىر 3 ماۋسىم, 2019 ساعات 10:30

مۇحاممەد ءاليدىڭ شىندىعى

الەمگە ايگىلى بوكسشى مۇحاممەد ءالي وسىدان تۋرا 3 جىل بۇرىن 3 ماۋسىمدا 74 جاسىندا ومىردەن وزعان ەدى. ول داڭقتى بوكسشى عانا ەمەس، اقىن دا بولعان ەكەن. سونىسىمەن دە ماقتاناتىن. ولەڭدەرىنىڭ كوبىن شارشى الاڭعا شىعار الدىندا جازعان. جىرلارىندا جەكپە-جەك تۋرالى، قارسىلاسى جايلى، جەڭىسكە جەتۋى حاقىندا تولعاعان. ول ءسويتىپ جەڭىمپاز بولۋعا ميىن دا جاتتىقتىرعان. سونىڭ ارقاسىندا شىعار، 3 دۇركىن الەم چەمپيونى اتاندى. كەزىندە وكسفورد ۋنيۆەرسيتەتى پوەزيا پروفەسسورى دەگەن اتاق تا بەرگەن. 1968 جىلى ءبىر ولەڭىن يوسيف برودسكي اۋدارعانى بەلگىلى. مۇحاممەد ءالي ومىردە كوپ قيىندىق، كوپ ادىلەتسىزدىك كوردى. ءۇنسىز قالمادى. ۋاقىتىندا ءوز شىندىعىن ايتا ءبىلدى. بويىنا باتىرلىق تا، اقىندىق تا دارىعان دارا تۇلعا. مۇسىلماندىعى بولەك اڭگىمە. جانى ءجانناتتا بولسىن! كوپكە تانىمال ءبىر ولەڭىن اۋدارعان ەدىم. قابىل الىڭىزدار!

شىندىق

شىندىقتىڭ ءجۇزى - اشىق ءتۇر،
جاينايدى كوزى شاشىپ نۇر.
بىرەۋلەر اۋزىن بۋعانمەن،
باسى ونىڭ جۇرتتان اسىپ تۇر.

شىندىقتىڭ اسقاق - كەۋدەسى،
قاراسىن تۋرا پەندەسى.
جوق ودا كۇمان، قورقىنىش،
جوق ونىڭ تايلاس، تەڭدەسى.

شىندىقتىڭ ءسوزى - ولەڭ-ءدۇر،
شىڭىراۋ-داۋسى تەرەڭ كىل.
زاڭى بار قاراپايىم ءبىر:
نە جاساساڭ دا كەمەل قىل!

شىندىقتىڭ جانى - ۇلىلىق،
جۇرەگى تولعان جىلىلىق.
اقىلى - تازا، جاۋىن مەن
داۋىلدا قالماس قىرىلىپ.

شىندىقتىڭ ءتانى - دەرەكتەر،
كۇنادان ءبىزدى بولەكتەر.
قانقۇيلى تالاي سوعىستا
جەڭىسكە بولعان سەبەپكەر.

شىندىقتىڭ كەيپى - امبيە،
رۋحى - قۇداي، ماڭگى يە.
دانالىق - اساتاياق قوي،
وعان دا قونعان سان كيە.

شىندىقتىڭ جىرى - ماڭگىلىك،
ءومىردى سۇرەر جاڭعىرىپ.
اقىرعا دەيىن شىدايدى ول،
وشپەس ءىز ارتقا قالدىرىپ!

اسىلبەك جاڭبىربايدىڭ facebook پاراقشاسىنان

Abai.kz

2 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2295
ادەبيەت

«سولاي ەمەس پە؟»

عابباس قابىشۇلى 2643
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2735
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1736