بۇگىن قر ۇكىمەتى وتىرىسىنىڭ قورىتىندىسى بويىنشا وتكەن ءباسپاسوز كونفەرەنتسياسى اياسىندا ءبىلىم جانە عىلىم ءمينيسترى ا. ايماعامبەتوۆ بىرىڭعاي ۇلتتىق تەستىلەۋ قورىتىندىلارى بويىنشا مەكتەپتەر رەيتينگىنەن باس تارتۋ كوزدەلىپ وتىرعانى تۋرالى ايتىپ بەردى.

مينيستر وسى ۇسىنىسىن قر ۇكىمەتىنىڭ وتىرىسى كەزىندە وڭىرلەردىڭ اكىمدەرىنە باعىتتادى.

«بۇگىن ۇكىمەت وتىرىسىندا بايانداما جاساي وتىرىپ،  مەن وبلىستار مەن رەسپۋبليكالىق ماڭىزى بار قالالاردىڭ، ەلوردانىڭ اكىمدەرىنەن بىرىڭعاي ۇلتتىق تەستىلەۋ قورىتىندىسى بويىنشا رەيتينگ جۇرگىزبەۋلەرىن سۇرادىم.  بىز مۇنداي رەيتينگتىڭ قاجەتى جوق دەپ سانايمىز»، — دەدى ا. ايماعامبەتوۆ.

ءبىلىم جانە عىلىم ءمينيسترى مۇنداي رەيتينگ وبەكتيۆتى ەمەس جانە مەكتەپتەردىڭ ازىرلىك دەڭگەيىن كورسەتپەيدى دەپ سانايدى.

«ەگەر بۇرىن ۇبت بىردەن ەكى فۋنكتسيانى: مەكتەپتەگى قورىتىندى اتتەستاتتاۋ مەن جوو-عا ءتۇسۋدى قامتىسا، قازىر ولار ءبولىنىپ، بۇعان تەك جوعارى وقۋ ورنىنا تۇسكىسى كەلەتىندەر عانا ەرىكتى تۇردە قاتىساتىن بولدى.  سوندىقتان جوعارى وقۋ ورنىنا ءتۇسۋ ناتيجەلەرى بويىنشا رەيتينگ جۇرگىزۋدىڭ، مەكتەپتەرگە باعا بەرۋدىڭ قاجەتى جوق دەپ ويلايمىن»، — دەدى ا. ايماعامبەتوۆ.

سونىمەن قاتار مينيستر اتاپ وتكەندەي، وقۋشىلاردىڭ جەتستىكتەرىن باعالاۋدىڭ باسقا دا كورسەتكىشتەرى، مۇمكىندىكتەرى مەن تەتىكتەرى بار.

«ارينە، مۇنداي كورسەتكىشتەر بويىنشا بەلگىلى ءبىر قورىتىندى جاساۋعا بولادى، بىراق ءبىز مەكتەپ تۋرالى ايتساق، رەيتينگ ۇعىمىنىڭ ءوزى كۇردەلى پروتسەسس. بۇل ەڭ الدىمەن تاربيەلەۋ، وقىتۋ پروتسەسى. بۇل ءتۇرلى پروتسەستەر، سوندىقتان ولاردى قانداي دا ءبىر تەتىك ارقىلى باعالاۋ ءبىرشاما ادىلەتسىز. بۇل جەردە كەشەندى ءتاسىل قاجەت»، — دەدى ا. ايماعامبەتوۆ.

ا. ايماعامبەتوۆتىڭ ايتۋىنشا، بيىل باكالاۆريات ءۇشىن 53 785 گرانت ءبولىندى. وتكەن جىلعىداي، ماگيستراتۋرا ءۇشىن 13 مىڭنان استام گرانت قالىپ وتىر. 2 312 گرانت دوكتورانتۋراعا بولىنەدى.

سونىمەن قاتار ءباسپاسوز كونفەرەنتسياسى بارىسىندا مينيستر ءبىلىم جانە عىلىم مينيسترلىگىنىڭ  Telegram-كانالارقىلى ۇبت ناتيجەلەرىن الۋ مۇمكىندىكتەرى جايلى ايتىپ بەردى.

«ءبىزدىڭ وزىمىزدە Telegram-كانال بار، تەستىلەۋ ناتيجەلەرىن سول ارقىلى الۋعا بولادى. وتكەن جىلى ءبىز بۇل ءراسىمدى العاش رەت ىسكە قوسىپ كوردىك. سونىمەن قاتار ءبىز تەستىلەۋ راسىمىندە ورىن العان قانداي دا ءبىر بۇزۋشىلىقتار تۋرالى اقپاراتتى جىبەرۋگە بولاتىن Telegram-كانالدى اشۋدى جوسپارلاپ وتىرمىز. ءبىز بۇل حابارلامالاردى بىردەن الىپ، سول بويىنشا بىردەن شارالار قابىلداي الامىز»، — دەدى مينيستر.

ءباسپاسوز كونفەرەنتسياسى سوڭىندا ۆەدومستۆو باسشىسى ابيتۋريەنتتەر مەن اتا-انالارعا تىلەگىن جەتكىزدى.

«بىرىڭعاي ۇلتتىق تەستىلەۋ — بۇل وتە ماڭىزدى ەمتيحان. ءارى، تىم قاربالاس دۇنيە. ارينە، ءبارى كوپ نارسەگە قول جەتكىزۋدى ارماندايدى، بىراق ەڭ باستىسى قوبالجىماۋ كەرەك. سىزدەر ازىرلەندىڭىزدەر. كوپشىلىگىڭىز بۇل تەستىلەۋدەن وتتىڭىزدەر. مەكتەپتە سىزدەرگە قاجەتتى ءبىلىمدى بەردى. سوندىقتان جاقسىلاپ ۇيىقتاپ، ەمتيحان تاپسىرامىن دەگەن ويدان ءبىر ءسات سەرگىگەن ءجون»، — دەدى ا. ايماعامبەتوۆ.

مينيستر ۇبت كەزىندە تىيىم سالىناتىن زاتتار تۋرالى دا ايتىپ بەردى.

«ادام شپارگالكانى، ۇيالى تەلەفونىن نەمەسە باسقا قۇرىلعىنى وزىمەن بىرگە الىپ كىرگەندە، ونىڭ كوڭىلى باسقا جاققا الاڭدايدى. ول مۇنى قالاي الىپ وتسەم دەگەن ويمەن نازارىن باسقا نارسەگە اۋدارادى. ودان كەيىن باسقالار بايقاماۋ ءۇشىن قالاي الىپ شىعىپ، قالاي پايدالانسام دەپ الاڭدايدى. مۇنىڭ ءبارى كۇيزەلىس تۋدىرادى جانە تۇلەككە ەش كومەكتەسپەيدى. مەن ادام وزىنە-ءوزى سەنىپ، دايىندالىپ، وقۋى كەرەك دەپ سانايمىن»، — دەدى  مينيستر.

سونىمەن قاتار ول تۇلەكتەرگە ۇبت-عا تەستىلەر بويىنشا ەمەس، باعدارلاما ماتەريالدارى بويىنشا دايىندالۋ كەرەكتىگى تۋرالى كەڭەس بەردى.

«بارلىق اتا-انالار مەن تۇلەكتەر ساتتىلىك تىلەيمىن»، — دەپ تۇيىندەدى مينيستر.

پرەمەر-ءمينيسترىنىڭ ءباسپاسوز قىزمەتى

Abai.kz