مەملەكەت باسشىسى باقىت سۇلتانوۆتى قابىلدادى
قاسىم-جومارت توقاەۆ ساۋدا جانە ينتەگراتسيا ءمينيسترى باقىت سۇلتانوۆتى قابىلدادى.
مەملەكەت باسشىسىنا جاڭادان قۇرىلعان مينيسترلىكتىڭ جۇرگىزىپ جاتقان جۇمىستارى، شتات قۇرامىنىڭ جاساقتالۋى جانە ءتيىستى نورماتيۆتىك-قۇقىقتىق بازا دايىنداۋ جونىندە مالىمەت بەرىلدى.
قازاقستان پرەزيدەنتى مينيسترگە بىرقاتار مىندەت جۇكتەدى.
– ۇلتتىق مۇددەلەردى قورعاۋ ءۇشىن ورتالىق جانە جەرگىلىكتى اتقارۋشى ورگانداردى ۇيلەستىرۋگە جانە ەۋرازيالىق ەكونوميكالىق وداق، قحر جانە ورتالىق ازيا نارىقتارىنداعى تاۋارلارىمىزدى ىلگەرىلەتۋگە كۇش سالۋ قاجەت. ەكسپورتقا شىعارۋشىلاردى قولداۋ ءۇشىن ولارعا كورسەتىلەتىن قىزمەت تۇرلەرىن «ءبىر تەرەزە» قاعيداتى بويىنشا جۇمىلدىرۋ كەرەك. ىشكى نارىقتى قورعاۋ جانە ونى ساپالى ءارى قولجەتىمدى تاۋارلارمەن تولتىرۋ ماسەلەلەرى حالىقتىڭ الەۋمەتتىك-ەكونوميكالىق جاعدايىمەن جانە ەل ەكونوميكاسىنىڭ دامۋىنا تىكەلەي بايلانىستى. سوندىقتان، زاماناۋي فورماتتاعى نارىقتى دامىتۋ جانە اقشاسىز تولەم مەحانيزمىن كەڭەيتۋ ماسەلەلەرى بويىنشا جەرگىلىكتى اتقارۋ ورگاندارىمەن ءوزارا ءىس-قيمىلدار جۇرگىزۋ ماڭىزدى، – دەدى قاسىم-جومارت توقاەۆ.
Abai.kz
