جۇما, 29 ناۋرىز 2024
3525 0 پىكىر 28 ماۋسىم, 2019 ساعات 11:10

شوكەەۆ: ارىس تۇرعىندارى ۇيلەرىنە ورالادى

تۇركىستان وبلىسىنىڭ اكىمى ومىرزاق شوكەەۆ جارىلىس بولىپ، تۇرعىندارى جاپپاي كوشىرىلگەن ارىس قالاسى ەرتەڭ، 28 ماۋسىم كۇنى اشىلاتىنىن حابارلادى.

- پرەمەر-مينيسترمەن، قورعانىس مينيسترىمەن سويلەستىم. تاڭعى ساعات سەگىزدەن باستاپ قالا اشىلادى. ەرتەڭ (28 ماۋسىم) تاڭەرتەڭگى 6.00-دەن باستاپ "اقمەشىتتىڭ" الدىنا اۆتوبۋستار كەلە باستايدى، - دەيدى شوكەەۆ.

شوكەەۆ ارىستىڭ اشىلاتىنىن شىمكەنتكە كوشىرىلگەن قالا تۇرعىندارىنىڭ نارازىلىعى كۇشەيگەن تۇستا حابارلاپ وتىر. بۇعان دەيىن، 25 ماۋسىمدا قازاقستاننىڭ ىشكى ىستەر ءمينيسترىنىڭ ورىنباسارى يۋري يلين "ارناۋلى كوميسسيا قۇرىلادى. ازاماتتار قالاعا قاۋىپ سەيىلگەنىنە قاراي قايتادى" دەگەن.

"ارىستا ەشقانداي رادياتسيا جوق. سىزدەرگە ءۇي سالىپ [ارىستان] بەرەدى. سوسىن ونى ساتاسىزدار ما، جوق پا، وزدەرىڭىز شەشەسىز", - دەپ مالىمدەدى شوكەەۆ.

بۇگىن، 27 ماۋسىمدا جارىلىس بولعان كۇنى شىمكەنتكە باس ساۋعالاپ كەلگەن جۇزدەگەن ارىس تۇرعىنى "اقمەشىت" مەشىتى الدىنداعى تەمىرلان كوشەسىن جاپقان. نارازىلار "وزدەرىن ءتورت رەت جارىلىس بولعان ارىس قالاسىنان باسقا جاققا كوشىرۋدى، تۇركىستان، شىمكەنتتەن ءۇي نە جەر بەرۋدى" دەپ تالاپ ەتتى. تاڭەرتەڭ 11.00 شاماسىندا باستالعان نارازىلىق شەرۋگە ۇلاسىپ، ارىستىقتاردىڭ ءبىر بولىگى شىمكەنت ورتالىعىنا جەتتى.

24 ماۋسىم كۇنى تاڭەرتەڭ ارىستاعى اسكەري وق-ءدارى قويماسىندا الدىمەن ءورت شىعىپ، كەيىن جارىلىستار بولعان. دەنساۋلىق ساقتاۋ مينيسترلىگىنىڭ دەرەگىنشە، جارىلىستان ءۇش ادام مەرت بولىپ، 160-تان استام ادام زارداپ شەككەن.

قازاقستان ۇكىمەتىنىڭ حابارلاۋىنشا، جارىلىس بولعان كۇنى 39 مىڭ ادام ءوز كۇشىمەن قالانى تاستاپ شىققان، 3500 ادام تۇركىستان وبلىسى اكىمدىگى ۇسىنعان اۆتوبۋستارمەن شىمكەنتكە جەتكەن.

شىمكەنتتەن 97 شاقىرىم جەردە جاتقان ارىس قالاسىندا 45 مىڭعا جۋىق ادام تۇرادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555