جۇما, 29 ناۋرىز 2024
ساڭلاق 5129 1 پىكىر 30 ماۋسىم, 2019 ساعات 22:37

قىزىلوردالىق «قايسار» جەڭىسكە جەتتى

جاس شابۋىلشى وركەن ماحان

قازاقستان پرەمەر ليگاسىنىڭ 16-شى تۋر ويىندارى ءوتتى. كەزەكتى تۋر اياسىندا شىمكەتتكە قوناققا بارعان قىزىلوردالىق «قايسار» اسا ماڭىزدى ءۇش ۇپاي ولجالاپ قايتتى.

تۋرنيرلىك كەستەدە قاتار تۇرعان كوماندالاردىڭ كەزدەسۋى قاشان دا التى ۇپايعا باعالانادى. ەگەر تىكەلەي باسەكەلەسىڭدى سۇرىندىرە الساڭ ءوز ۇپايىڭدى كوبەيتىپ، ونىكىن ازايتاسىڭ دەگەن ءسوز بۇل.

بۇگىنگى كەزدەسۋ دە ءدال وسىنداي ماڭىزعا يە ەدى. وتكەن تۋردا «تارازبەن» تەڭ ويناپ، قىزىلوردالىقتار بۇگىن تاعى جەڭىلسە «ورداباسىمەن» ۇپاي ايىرماسى الشاقتاپ كەتەر ەدى. وسىنى جەتە تۇسىنگەن  ستويچو ملادەنوۆ شاكىرتتەرى جيناقى ونەر كورسەتتى. كونگولىق شابۋىلشىسى مبومبو العاش بولىپ ەسەپ اشتى. بىراق، ءبىرىنشى تايىم سوڭىنا قاراي الاڭ يەلەرى ساپىنان تاڭعىلىشباي ەسەپتى تەڭەستىرىپ تاستاعان. ال الاڭعا 90-شى مينۋتتا شىققان جاس شابۋىلشى وركەن ماحان ويىن اياقتالار ساتتە گول سوعىپ كەتتى. وسىلايشا، 21 جاستاعى ويىنشى كومانداسىنا اسا ماڭىزدى ءۇش ۇپاي سىيلادى.

ون التى تۋردان كەيىن «قايسار» مەن «ورداباسى» 30 ۇپايدان ەنشىلەپ، 4-5 ورىنداردى ءبولىسىپ تۇر. شىمكەنتتىكتەردىڭ سوققان گولى كوپ بولعاندىقتان عانا «قايساردان» جوعارى ورنالاسقان. ونىڭ ۇستىنە، «قايساردىڭ» ەل چەمپيونى  «استانادان» ەكى، ءۇشىنشى ورىندا تۇرعان «قايراتتان» ءبىر ويىنى كەم. دەمەك، سول ەكى ماتچتا قورجىنعا تولىق التى ۇپاي سالسا، تۋرنيرلىك كەستەدە ەكىنشى ورىنعا بىراق شىعادى. جاقىندا عانا قازاقستان كۋبوگىنىڭ فينالىنا جولداما العان قىزىلوردالىق كوماندا، ەل چەمپيوناتىندا دا جاقسى ونەر كورسەتىپ ءجۇر.

«ورداباسى» - «قايسار» 1:2 (1:1)

گولدار: مبومبو 37’، جانعىلىشباي 40’، 90+6' ماحان

«ورداباسى»: نەپوگودوۆ (ق), فونتانەللو (ك) پاۋلو، مەحانوۆيچ، دياكاتە، ماحلانگۋ، داۋتوۆ، ەرلانوۆ، تولەبەك، دوسماعامبەتوۆ، جاڭعىلىشباي.

«قايسار»: يسلامكۋلوۆ (ق), گراف، لامانج، دجون، مبومبو، امىرسەيىتوۆ، گۋرمان، ماروچكين، نارزىلداەۆ، تاعىبەرگەن (ك), م.حايرۋللين.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594