مەملەكەت باسشىسى يسلام دامۋ بانكى توبىنىڭ پرەزيدەنتى باندار حادجارمەن كەزدەستى.

قاسىم-جومارت توقاەۆ يسلام دامۋ بانكى توبىنىڭ «استانا» حالىقارالىق قارجى ورتالىعىن باسقارۋ جونىندەگى كەڭەستىڭ وتىرىسىنا قاتىسۋى جانە باندار حادجاردىڭ كەڭەس مۇشەسى لاۋازىمىنا تاعايىندالۋى قازاقستانداعى يسلامدىق قارجىلىق قىزمەتتى دامىتۋعا ەلەۋلى ۇلەس قوساتىنىنا سەنىم ءبىلدىردى.

– قازاقستاننىڭ تۇڭعىش پرەزيدەنتى مەن ۇكىمەتى يسلامدىق قارجىلاندىرۋدى دامىتۋعا زور كوڭىل ءبولىپ وتىر. بىزدە يسلام بانكى مەن قارجى مەكەمەلەرىنىڭ قىزمەتى ءۇشىن بارلىق جاعداي جاسالعان. وسى باعىتتىڭ تابىستى بولاتىنىنا سەنىمدىمىن، – دەدى مەملەكەت باسشىسى.

كەزدەسۋ بارىسىندا تاراپتار «استانا» حالىقارالىق قارجى ورتالىعىنىڭ جۇمىسىنا يسلام دامۋ بانكىنىڭ قاتىسۋ ماسەلەسى، سونىڭ ىشىندە باسقا دا يسلامدىق قارجى ينستيتۋتتارىن تارتۋ، «استانا» حالىقارالىق قارجى ورتالىعىنىڭ بازاسىندا يدب قۇرىلىمدارىن ورنالاستىرۋ، وسى ورتالىقتىڭ بيرجاسىندا يسلام وبليگاتسيالارىن شىعارۋ جونىندە پىكىر الماستى.

Abai.kz