قر ۇكىمەتىنىڭ قاۋلىسىمەن مۇرات وتەمىسۇلى جۇرەبەكوۆ قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى لاۋازىمىنا تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى.

مۇرات جۇرەبەكوۆ 1978 جىلى اقتوبە وبلىسىندا دۇنيەگە كەلگەن. ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن، قازاقستان مەنەدجمەنت، ەكونوميكا جانە بولجامداۋ ينستيتۋتىن (ىسكەرلىك اكىمشىلەندىرۋ ماگيسترى (مۆا), Strathclyde ۋنيۆەرسيتەتىن (ەكونوميكا جانە باسقارۋ ماگيسترى), "باسقارۋشى قىزمەتكەرلەرگە ارنالعان باعدارلاما" ماماندىعى بويىنشا گارۆارد بيزنەس مەكتەبىن تامامداعان.

ءتۇرلى جىلدارى "قازترانسگاز" جاق، "ينتەرگاز ورتالىق ازيا" جاق، لوندون قالاسىنداعى "ادجيپ ككو", "قازمۇنايگاز" ۇك اق، "PSA" جشس قىزمەت ەتكەن.  2017-2019 جىلدارى - "PSA" جشس باس ديرەكتورى (مۇناي-گاز جوبالارى بويىنشا قر ۇكىمەتىنىڭ وكىلەتتى ورگانى).

Abai.kz