جۇما, 29 ناۋرىز 2024
2310 0 پىكىر 22 ماۋسىم, 2019 ساعات 23:50

ەلباسى جولداۋىنا ساي سپورتتىق نىساندار كوپتەپ سالىنۋدا

ەلباسىمىز نۇرسۇلتان ءابىشۇلى نازارباەۆتىڭ وتكەن جىلعى 5 قازانداعى جولداۋىندا قازاقستان حالقىنىڭ ءومىر ءسۇرۋ دەڭگەيىن جوعارلاتۋدى تاپسىردى. اتالعان جولداۋدىڭ ءىى تارماعى "حالىقتىڭ تۇرمىس ساپاسىن ارتتىرۋ" دەپ اتالادى. وسى تاراۋدىڭ جەتىنشى تارماعىندا "وڭىرلىك دەڭگەيدەگى رەزەرۆتەردى تاۋىپ، بۇقارالىق سپورت پەن دەنە شىنىقتىرۋدىڭ قولجەتىمدىلىگىن ارتتىرۋ قاجەت" دەلىنگەن.

ەلباسى جولداۋىندا "ۇكىمەتكە جانە اكىمدەرگە كەم دەگەندە 100 دەنە شىنىقتىرۋ-ساۋىقتىرۋ كەشەنىن سالۋدى تاپسىرامىن" دەدى. سونىمەن قاتار، ءار وڭىردە قولدانىستاعى، اسىرەسە مەكتەپتەردەگى سپورت عيماراتتارىن ءتيىمدى پايدالانا وتىرىپ، دەنە شىنىقتىرۋمەن اينالىسۋ ءۇشىن اۋلالاردى، پاركتەردى، ساياباقتاردى جابدىقتاۋ قاجەت ەكەنىن ايتتى.

ەلباسىنىڭ وسى تاپسىرماسىنا ساي ەلىمىزدىڭ وبلىس، قالا، اۋداندارىندا، ءتىپتى، اۋىلداردا دا جاڭا سپورتتىق كەشەندەر مەن ءتۇرلى نىساندار سالىنىپ جاتىر. وسىنىڭ ءبارى ەل حالقىنىڭ تۇرمىس ورەسىن كوتەرىپ، سالاۋاتتى ءومىر سالتىن ۇستانۋى ءۇشىن قولعا الىنىپ جاتقان شارالار ەكەنسىز ءسوزسىز.

ەلىمىزدىڭ ءار وڭىرىندە ەلباسى جولداۋىنا ساي سپورتتىق نىساندار سالىنىپ جاتىر دەدىك. ول نىساندار جايلى بۇعان دەيىن دە جازدىق، بۇدان كەيىن دە اقپاراتتار بەرەتىن بولامىز. ءبىزدىڭ بۇگىن ايتپاعىمىز قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن اشىلعان سپورت كەشەنى جايلى بولىپ وتىر.

ەلباسى نۇرسۇلتان نازارباەۆ 21 ماۋسىم كۇنى الماتى وبلىسى، قاراساي اۋدانى، شامالعان اۋىلىندا ورنالاسقان «ۇشقوڭىر» سپورت كەشەنىنىڭ اشىلۋ راسىمىنە قاتىستى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ءباسپاسوز قىزمەتىنىڭ حابارلاۋىنشا، ەلباسى «ۇشقوڭىر» سپورت كەشەنىنىڭ اشىلۋىمەن وسى وڭىردەگى بارلىق تۇرعىنداردى قۇتتىقتاي وتىرىپ، اتالعان سپورتىق نىساننىڭ ەل ومىرىندەگى ماڭىزىن اتاپ ءوتتى. سپورتتىق كەشەن وڭىردەگى جاستاردىڭ الاڭسىز دەنە شىنىقتىرىپ، تاربيەلى، ساۋ دەنەلى ازامات بولىپ قالىپتاسۋى ءۇشىن ۇلكەن ماڭىزعا يە بولماق.

نۇرسۇلتان نازاباەۆ، قازاقستاننىڭ تۇڭعىش پرەزيدەنتى:

«ءبىز بۇگىن اۋدانداعى بىرەگەي سپورت كەشەنىن اشتىق. دەنى ساۋدىڭ – جانى ساۋ. قازىرگى زاماندا دەنى ساۋ ادام عانا تابىسقا جەتەدى. سوندىقتان، ءبىز بۇل نىساندى جاستارىمىز ءۇشىن ارنايى سالدىق».

نۇرسۇلتان نازارباەۆ، سونىمەن قاتار، ەلىمىزدىڭ ءار وڭىرىندەگى الەۋمەتتىك ينفراقۇرىلىمدى دامىتۋ ىسىندە «تۋعان جەر» باعدارلاماسىن قولعا الۋدىڭ اسا ماڭىزدى ەكەنىن ايتتى.

نۇرسۇلتان نازاباەۆ، قازاقستاننىڭ تۇڭعىش پرەزيدەنتى:

«ءبىزدىڭ بالالىق شاعىمىزدا سپورتپەن شۇعىلدانۋ ءۇشىن مۇنداي جاعداي بولمادى. ال، قازىر جاستار ءۇشىن بارلىق مۇمكىندىك بار. كوپتەگەن تابىستى ازاماتتارىمىز تۋعان اۋىلى مەن اۋداندارىنا قولداۋ كورسەتەدى دەپ ويلايمىن. جاڭا سپورت كەشەنىندە جاتتىعاتىنداردىڭ اراسىنان بولاشاق چەمپيوندار شىعادى دەپ سەنەمىن. مەنىڭ وتباسىم جانە جاقىندارىم وسى سپورت كەشەنىن ارنايى سىزدەردىڭ يگىلىكتەرىڭىز ءۇشىن سالدى. سىزدەرگە زور دەنساۋلىق، اماندىق جانە باق-بەرەكە تىلەيمىن. بارشاڭىزدى تاعى دا سپورت كەشەنىنىڭ اشىلۋىمەن قۇتتىقتايمىن».

ءبىز ءسوز ەتىپ وتىرعان، ەلباسىنىڭ تىكەلەي باستاماسىمەن ىسكە قوسىلىپ وتىرعان سپورتتىق كەشەنى ءجۇزۋ باسسەينى، كۇرەس، تەننيس كورتى، بوكس، ترەناجەر زالدارى، كوپفۋنكتسيونالدى زالدار جانە باسقا دا سپورت ينفراقۇرىلىمدارىن قامتيدى. بۇل سپورتتىق نىسان وسى وڭىردەگى ەل حالقىنىڭ تۇرمىستىق ورەسىن كوتەرۋگە ۇلكەن ۇلەس قوسادى دەپ سەنەمىز.

ءبارىمىز بىلەتىندەي، قازاقستان الەمدەگى ءىرى سپورتتىق دەرجاۆالاردىڭ قاتارىنا جاتادى. بۇل سوزىمىزگە ءتورت جىلدا ءبىر وتەتىن وليمپيادا ويىندار، ازيا ويىندارى جانە جىلدا جالاۋى جەلبىرەيتىن ءتۇرلى الەم چەمپيوناتتارىنداعى جەتىستىكتەرىمىز بەن كورسەتكىشتەرىمىزگە قاراپ سەنىمدى تۇردە ايتا الامىز.

وسى جەتىستىكتەردىڭ ءبارى ەلباسى نۇرسۇلتان نازارباەۆتىڭ حالىقتىق سپورت پەن مادەنيەت سالاسىنا كوپتەپ كوڭىل ءبولىپ، قولداۋ كورسەتكەنىنىڭ ارقاسى دەپ بىلەمىز. شىنىن ايتۋ كەرەك، وليمپيادا ويىندارىندا الەمنىڭ ەڭ الپاۋىت دامىعان ەلدەرىنىڭ ءوزى جالپى كوماندالىق ەسەپتە قازاقستاننىڭ سوڭىندا قالىپ قويادى. ماسەلەن، 2012 لوندوندا وتكەن وليمپيادا ويىندارىندا جەرلەستەرىمىز جەتى التىن مەدال جەڭىپ الىپ، جالپى ەسەپتە ون ەكىنشى ورىننان كورىندى. سول كەزدە بۇكىل الەم بىزگە تاڭداي قاعا تامسانعان ەدى. وسىنىڭ ءبارى ەلىمىزدە سپورتقا ارنايى كوڭىل ءبولىنىپ، قولداۋ جاسالعانىنىڭ ارقاسى.

ءبىز «ۇشقوڭىر» سپورت كەشەنىنىڭ اشىلۋىن وسى سوزدەرىمىزدىڭ دالەلى رەتىندە ايتىپ وتىرمىز. ونىڭ ۇستىنە كەشەننىڭ اشىلۋىنا ەلباسى نۇرسۇلتان نازارباەۆتىڭ ءوزى كەلىپ قاتىسىپ وتىر. وسىدان-اق، ەلىمىزدە سپورتتىڭ قارىشتاپ دامۋىنىڭ سىرى نەدە ەكەنىن ايقىن اڭعارۋعا بولاتىن شىعار. شىنىن ايتقاندا، بىزبەن قاتارلاس كوپ ەل قازاقستاندا سپورتتىڭ مۇنشا تەز قانات جايعانىنا تاڭعالىسپەن قارايدى. ولاردىڭ ويىندا مۇلدە جۇزەگە اسپايتىن كەي ىستەر قازاقستاندا وڭاي ورىندالىپ جاتىر.

ءبارىمىز بىلەتىندەي، بوكس سپورتى قازاقتىڭ وڭ جامباسىنا كەلەتىن سپورت ءتۇرى. ءدال وسى شويىن جۇدىرىقتى جىگىتتەرىمىز ءار وليمپيادا ويىندارىنان قۇر قول قايتقان ەمەس. باسى اتاقتى "بالقاش بارىسى" ۆاسيلي جيروۆتان باستاۋ الاتىن قازاق بوكسىنىڭ داڭقتى جولى بەكزات ساتتارحانوۆ، ەرماحان ىبرايىموۆتارمەن جالعاستى. افينادا باحتيار ارتاەۆ التىن السا، پەكيندە باقىت سارسەكباەۆتىڭ ءباسى باسقالاردان جوعارى بولدى. جوعاردا ءبىز ءسوز ەتكەن لوندون تورىندە سەرىك ساپيەۆ ەرلەسە، قازىرگە سوڭعى وليمپيادا برازيليادا وتكەن ءتورت جىلدىقتىڭ باستى دوداسىندا دانيار ەلەۋسىنوۆ باس جۇلدەگە قول جەتكىزدى. وليمپيادا ويىندارىندا ءبىر سپورتتان ءدال مىناداي تۇراقتى تۇردە التىن مەدال الۋ وعاي شارۋا ەمەس. ادەتتە، ءبىر كەزەك وليمپيادا كەزىندە كەي ەلدىڭ باعى جانىپ التىن العانىمەن، كەلەسى جولى مۇلدە تومەن كورسەتكىش كورسەتىپ جاتادى. ال قازاق وعلاندارى بوكستان ءار ءتورت جىل سايىن قورجىن باسىن مەدالگە تولتىرىپ قايتادى. ارينە، بۇنىڭ ءبارىن ءبىز قۇر ماقتان ءۇشىن ەمەس، سپورتتا جەتكەن جەتىستىكتەرىمىزدىڭ ايقىن دالەلى رەتىندە ايتىپ وتىرمىز.

بوكستا بولسىن، باسقا سپورتتا بولسىن تابىسقا جەتۋدىڭ كىلتى ساپالى ينفراقۇرلىمدار ەكەنى ءسوزسىز. ءبارىمىز بىلەتىندەي ەلباسىنىڭ باستاماسىمەن، ەلىمىزدىڭ كوپتەگەن اۋىل-اۋداندارىندا سپورت الاڭدارى اشىلىپ، پايدالانۋعا بەرىلۋدە. سونىڭ ارقاسىندا ەڭ شالعاي اۋىلداعى بالالاردىڭ ءوزى قالاعان سپورتىمەن اينالىسىپ، بولاشاقتا چەمپيون بولعا تالپىنىپ ءوسىپ كەلەدى.

ارينە بۇعان سەبەپ، ەلباسىنىڭ جىلدا حالىققا جولدايتىن جولداۋدارىندا ءسوز بولعان ارنايى تاسپىرمالارىنىڭ ارقاسى. ماسەلەن ءبىز ءدال قازىر ءسوز ەتىپ وتىرعان 2018 جىلى بەسىنشى قازاندا جاريالانعان جولداۋداعى تۇرمىس ساپاسىن ارتتىرۋ تاپسىرماسى اياسىنداعى سىرەسە مەكتەپتەردەگى سپورت عيماراتتارىن ءتيىمدى پايدالانىپ، دەنە شىنىقتىرۋمەن اينالىسۋ ءۇشىن اۋلالاردى، پاركتەردى، ساياباقتاردى جابدىقتاۋ كەرەك دەگەن ناقتى تاپسىرماسىنىڭ جەمىسى ەكەنى ءسوزسىز.

ءبىز بۇل ماتەريالىمىزدا ەلباسىنىڭ جولداۋداعى تاپسىرماسىنا ساي ەلىمىزدىڭ ءار وڭىرىندە سپورتتىق كەشەندەردىڭ جاپپاي سالىنىپ جاتقانى جايلى ايتتىق. مىسال رەتىندە ءدال كەشە عانا ەلباسىنىڭ ءوزى مۇرىندىق بولىپ پايدالانۋعا بەرىلگەن الماتى وبلىسى، قاراساي اۋدانى شامالعان اۋىلىندا ورنالاسقان «ۇشقوڭىر» سپورت كەشەنىنىڭ اشىلعانىن ايتتىق. ارينە، تىزە بەرسەك بۇنداي قۋانىشتى جاڭالىقتار مەن جاعىمدى اقپاراتتار جەتىپ ارتىلادى. الايدا ءبىز بۇگىن سونىڭ ءبارىن ءتىزىپ شىعۋدى ەمەس، ەلباسىنىڭ ءوزى باستاماشى بولعان ءبىر وقيعامەن ءسوزىمىزدى تۇيىندەۋدى ءجون كوردىك.

ءسوز سوڭىندا ايتارىمىز، ەلباسى ءوزى ايتقانداي ء"ال-اۋقاتىمىزدىڭ ەكىنشى ءبىر سيپاتى – ءومىر ءسۇرۋ دەڭگەيىنىڭ ارتۋى". سول سەبەپتى سپورتپەن اينالىسىپ، سالاۋاتتى ءومىر سالتىن ۇستانۋدىڭ ماڭىزى زور. ەلدەگى ءار تۇرعىن ءوز بەتىنشە سپورتپەن شۇعىلدانسا ەل حالقى ساۋ دەنەلى وزىق ۇلتقا اينالارى ءسوزسىز. ونداي ەلدەن حالىقارالىق دودالاردا توپ جاراتىن چەمپيوندار دا كوپتەپ شىقپاق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576