ەلىمىزدە كوپبالالى، از قامتىلعان وتباسىلاردىڭ الەۋمەتتىك ماسەلەلەرىن شەشۋ ءۇشىن مەملەكەت تاراپىنان بىرنەشە ناقتى قادامدار جاسالىپ جاتىر. ماسەلەن، قاراعاندى وبلىسىندا كوپبالالى انالاردى باسپانامەن قامتۋ جۇمىستارى كەشەندى تۇردە جۇرگىزىلىپ كەلەدى.

وسىعان سايكەس، قاراعاندى وبلىسى، شەت اۋدانىنىڭ اقادىر اۋىلىندا 11 جانۇيا تۇرعىن ۇيمەن قامتىلىپ، باسپانالى بولدى. بۇل - قر تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆتىڭ قازاقستان حالقىنا ارعانا “بەس الەۋمەتتىك باستاماسى” نەگىزىندە ىسكە اسىپ وتىر. ول باستاماعا سايكەس، ء“اربىر وتباسى ءۇشىن تۇرعىن ءۇي ساتىپ الۋدىڭ جاڭا مۇمكىندىكتەرىن”  قاراستىرۋ، سول ارقىلى حالىقتىڭ باسپاناعا مۇقتاجدىعىن شەشۋ قاراستىرىلعان بولاتىن. وسى باستامانىڭ نەگىزىندە اقادىر كەنتىنىڭ كوپبالالى بىرنەشە وتباسى تۇرعىن ۇيمەن قامتاماسىز ەتىلدى. كوپبالالى وتباسىلارعا بەرىلگەن جەر ۇيلەردىڭ ءاربىرىنىڭ اۋماعى 100 شارشى مەتردەن اسادى. سونىمەن قاتار، ءاربىر باسپانانىڭ ءىشى تولىق جيھازبەن قامتاماسىز ەتىلگەن. ال، اتالعان ۇيلەردى كوپبالالى جانۇيالارعا “اسانا موتورس” كومپانياسى سىيعا تارتقان.

اقادىرلىق اعايىنعا تۇرعىن ءۇي كىلتتەرىن ءوڭىر باسشىسى ەرلان قوشانوۆ پەن “استانا موتورس” كومپانياسىنىڭ پرەزيدەنتى نۇرلان سماعۇلوۆ تاپسىردى.

وبلىس اكىمىنىڭ ايتۋىنشا، بيىل قاراعاندى وبلىسىندا پاتەر كەزەگىندە تۇرعان تۇرعىنداردان 700 وتباسى باسپانا كىلتىن الادى. تۇرعىن ۇيمەن قامتىلعانداردىڭ ۇشتەن ءبىرى جەكە كاسىپكەرلەردىڭ كومەگىمەن ءۇي العان. سونداي-اق، ەلباسى ن.نازارباەۆتىڭ تاپسىرماسىنا سايكەس وڭىردەگى كوپبالالى وتباسىلارعا ايرىقشا كھڭىل ءبولىنىپ وتىرعان كورىنەدى. الايدا، ولار ءۇشىن ەڭ ماڭىزدى ماسەلە – تۇرعىن ءۇي ماسەلەسى ەكەنىن ەسكەرسەك، بۇل ماسەلەنىڭ وڭ شەشىم تابۋىنا جەرگىلىكتى كاسىپكەرلەردىڭ كومەگى وراسان زور.

جالپى، ەلىمىز ەگەمەندىك العان جىلداردان بەرى مەملەكەت تاراپىنان كاسىپكەرلەردى قولداۋ ماقساتىندا ىرگەلى جۇمىستار اتقارىلدى. بۇگىندە كاسىبى ورگە دومالاپ، اياتارىنان تۇرعان سول ازاماتتار ەندى مەملەكەتكە كومەكتەسەتىن ۋاقىت كەلدى.

-ءبىزدىڭ ۇرپاعىمىز وسىنداي ءار ءىسى ەلگە ۇلگى بولار ازاماتتاردى كورىپ ءوسۋى كەرەك. بۇل تۇرعىدا ەلباسىمىزدىڭ “تۋعان جەر” باعدارلاماسى كوپكە ۇلگى بولادى. ونداعى ءار ادامنىڭ ءوز جەرىنە، ەلىنە كومەك كورسەتۋ قاجەتتىگى ناقتى مىسال رەتىندە كەلتىرىلگەن،- دەدى ءوڭىر باسشىسى ەرلان قوشانوۆ.

ايتا كەتەيىك، تۇرعىن ۇيلەردىڭ اۋماعى باسپاناعا قونىستانعان تۇرعىنداردىڭ شارۋشالىقىپەن اينالىسۋى ءۇشىن ىڭعايلى. ياعني، ءاربىر جەكە جەر تەلىمى بار قونىستانۋشى باۋ-باقشا ەگىپ، باعباندىقپەن اينالىسا الادى.

اتالعان باسپانالاردىڭ بىرىنە يە بولعان ايزادا رىسپاەۆانىڭ ايتۋىنشا، تۇرعىن ۇيلەردىڭ وزىمەن قاتار اۋلاسى دا كەڭ. جانە، بالالاردىڭ ويناۋىنا ىڭعايلى ەتىپ جاسالعان. ال، ءۇيدىڭ سىرتىندا باۋ-باقشاعا ارنالعان جەر بار. وندا كوكونىس ەگىپ، باعباندىق جۇمىستاردى اتقارۋعا بولادى.

-ءبىز باسپانا كەزەگىندە 8 جىلداي تۇردىق. قازىر جاسىم 32 دە. 4 بالام بار. قاسيەتتى رامازان ايىندا ءزاۋلىم سارايداي باسپانانىڭ يەسى اتاندىق. ارينە قۋانىشتىمىز،. اسىرەسە، بالاپاندارىم ريزا. ويتكەنى ءۇيىمىز بالالاردىڭ مەكتەبىنە جاقىن، ورتالىقتا ورنالاسقان. ءبىز سياقتى كوپبالالى وتباسىلارعا كومەك كورسەتىپ وتىرعان مەملەكەتكە، “استانا موتورس” كومپانياسىنىڭ باسشىلارىنا كوپ راحمەت ايتامىن، - دەيدى ءتورت بالانىڭ اناسى ايزادا رىسپاەۆا.

بۇگىندە ەلىمىزگە كەڭىنەن تانىمال “استانا موتورس” كومپانياسى تەك كوپبالالى وتباسىلارعا عانا قولداۋ كورسەتىپ قويماي، جەرگىلىكتى مەكتەپتىڭ ءبىتىرۋشى تالانتتى تۇلەكتەرىنە قولداۋ كورسەتىپ وتىر. ەندى قاراعندىلىق جاس تۇلەكتەر ەلىمىزدىڭ ۇزدىك جوعارى وقۋ ورىندارىن تەگىن وقيتىن بولادى.

اتالعان كومپانيانىڭ ديرەكتورى نۇرلان سماعۇلوۆتىڭ ايتۋىنشا، “استانا موتورس” كومپانياسى قايىرىمدىلىق شارالارىمەن ۇنەمى اينالىسىپ كەلەدى. ادامدارعا كومەكتەسۋ بۇل كومپانيا وكىلدەرىنىڭ ءومىر سالتى.

-اقادىردا مەنىڭ اكەم بالالىق شاعىن وتكىزگەن. بۇل جەر – مەنىڭ اتا-بابامنىڭ كىندىك قانى تامعان جەر. دەمەك، مەنىڭ دە كىشى وتانىم. مەنىڭشە، تابىسقا جەتكەن كەز-كەلگەن ازامات تۋعان جەرىنىڭ الدىنداعى پەرزەنتتىك پارىزىن وتەۋى ءتيىس. ال، بۇگىن مەن ءوزىمنىڭ تۋىستارىما ءوول ۇشىن سوزىپ جاتقانىما قۋانىشتىمىن،-دەدى كومپانيا باسشىسى.

بۇل كومپانيا 2011 جىلى اقادىر تۇرعىندارى ءۇشىن بالالار مەن جاسوسپىرىمدەرگە ارنالعان سپورت مەكتەبىن سالعان. وندا بالالاردىڭ ءجۇزۋ، كۇرەسپەن اينالىسۋعا ارنالعان زال بار. سونداي-اق، اتالعان نىساندا قازاقشا كۇرەس، سامبو، فۋتبول چەمپيوناتتارى مەن دزيۋدو جارىستارى وتەدى.

ال، قاراعاندى وبلىستىق اكىمدىگىنىڭ اقپاراتىنا سايكەس، بيىل اقادىر اۋىلىندا 70 پاتەرلى باسپانا قالپىنا كەلتىرىلىپ، پايدالانۋعا بەرىلگەن بولاتىن. ولاردىڭ ىشىندە كوپبالالى وتباسىلار دا قامتىلعان. بۇگىندە ولاردىڭ بارلىعى باسپانا كەزەگىندە تۇر.

سونىمەن قاتار، بيىل اقادىر كەنتىندە تاعى 32 پاتەرلى تۇرعىن ءۇي سالىنادى. ال، كەلەر جىلى قوسىمشا ەكى كوپقاباتتى تۇرعىن ءۇي پايدالانۋعا بەرلمەك.

وسىعان دەيىن، اتالعان ايماقتا 27 وتباسى قونىس تويىن تويلاعان. ولاردىڭ ىشىندە بالقاش، اباي، ساران سىندى قالالارمەن قاتار، قارقارالى، نۇرا تاعى باسقا اۋدان تۇرعىندارىنىڭ كوپبالالى وتباسىلارىنا پاتەر كىلتتەرى تاپسىرىلعان.

ال، ماۋسىم ايىنىڭ باسىنا قاراي قاراعاندىلىق 86 كوپبالالى وتباسى باسپانامەن قامتاماسىز ەتىلگەن. وبلىستىق اكىمدىكتىڭ اقپاراتىنا سايكەس، بيىل وڭىردە 560 كوپبالالى وتباسى تۇرعىن ءۇيدىڭ يەسى اتانباق.

Abai.kz