سەيسەنبى, 22 قازان 2019
ساياسي پورترەت 2312 7 پىكىر 18 شىلدە, 2019 ساعات 11:52

رايىمقۇلوۆا: ونەر تازا بولۋى كەرەك

قر مادەنيەت جانە سپورت ءمينيسترى اقتوتى رايىمقۇلوۆا حالىقارالىق بايقاۋلاردا جۇلدەگەر اتانعان جاستارمەن كەزدەستى.

كەزدەسۋگە «سلاۆيان بازارى – 2019» كونكۋرسىنىڭ جەڭىمپازى ءادىحان ماكين مەن ۋكراينادا وتكەن «مولودايا گيليچينا-2019» حالىقارالىق ءان بايقاۋىنىڭ باس جۇلدەسىن العان قۋانىش ەرزاتۇلى جانە ءى ورىن جۇلدەگەرلەرى مەرەكە كەنجەعۇل مەن «قازاق قىزدارى» تريوسى كەلدى.

«كۇللى الەمگە ۇلى دالا ەلىنىڭ ونەرى مەن مادەنيەتىن ناسيحاتتاپ جۇرگەن ەڭبەكتەرىڭىزگە شەكسىز العىسىمدى بىلدىرەمىن. قازاقتىڭ قوڭىر ءۇنى حالقىمىزدىڭ ماڭدايىنا بىتكەن باعى دەسەم، ارتىق ايتقانىم ەمەس. وزدەرىڭىز بىلەسىزدەر، امىرە قاشاۋباەۆ ءپاريجدى قالاي باعىندىرسا، ديماشىمىز ميللياردتاعان حالقى بار قىتايدى، كەيىنىرەك الەمدى مويىنداتتى. مىنەكەي، سىزدەر دە دارىندارىڭىزبەن كوزگە ءتۇسىپ، جۇلدەمەن كەلىپ وتىرسىزدار. شىن جۇرەكتەن قۋانىشتىمىن. بولاشاقتا الەم ساحنالارىندا بۇدان دا زور جەتىستىكتەرگە جەتەتىندەرىڭىزگە سەنىمدىمىن»، - دەدى اقتوتى رايىمقۇلوۆا.

سونىمەن قاتار، مادەنيەت جانە سپورت ءمينيسترى فونوگراممامەن ءان ايتۋىن شەكتەيتىن زاڭ جۋىق ارادا قولدانىسقا ەنگىزىلۋى مۇمكىن ايتتى. ونىڭ ايتۋىنشا، وزگە ەلدەردە توپ جارعان انشىلەرىمىز ءاندى جاندى داۋىستا ايتۋدىڭ وزەكتىلىگىن تانىتىپ وتىر.

"فونوگراممانىڭ ءار ءتۇرى بولادى. بىراق، ءبىزدىڭ مينيسترلىكتىڭ كوزقاراسى: ونەر تازا بولۋى كەرەك. جانە ەسترادادا ءان جاندى داۋىسپەن ايتىلۋى كەرەك, - دەدى مينيستر.

Abai.kz

7 پىكىر