اقش مەديا نارىعىنىڭ الىپتارى 6 ۇلكەن كونگلومەراتقا بىرىكتىرىلگەن. ءبىر سوزبەن ايتقاندا، اقش مەينستريم مەديا رەسۋرستارى 6 ميللياردەر نەمەسە ميللياردەرلەردىڭ التى قۇرامىنىڭ باقىلاۋىندا. ال ولار ءوز ىشىندە pro-democrat جانە pro-republican بولىپ جىكتەلەدى. ياعني، ءبىر بولىگى دەموكراتتاردى قولداسا، ەكىنشىسى رەسپۋبليكالىقتاردىڭ جاعىندا. سودان، اقش-تا مەديا رەسۋرستارعا قاتىستى ۇكىمەت تسەنزۋراسى جوق، تەك كورپوراتيۆتى تسەنزۋرا بار دەپ ايتا الامىز.

ايتا كەتسەك، اقش-تىڭ قازىرگى پرەزيدەنتى دونالد ترامپ رەسپۋبليكالىقتار اتىنان سايلانعان. كەشە اقش پرەزيدەنتى ءوزىنىڭ قۋاتتى تۆيتتەرىندە Google كومپانياسىنىڭ قىتاي تىڭشىلارىمەن بايلانىسى بار بولۋى مۇمكىن ەكەنىن جازىپ، ءوز ادمينيستراتسياسىنا تەكسەرۋ ۇيىمداستىرۋدى تاپسىرىپ وتىر. ول ءوز ارگۋمەنتىن FoxNews ارناسىنىڭ پيتەر تيل ەسىمدى سيليكوندى القاپتاعى الىپ ينۆەستورلاردىڭ بىرىمەن بولعان سۇقباتقا سۇيەنە وتىرىپ جازعان. ال پيتەر ءتيلدىڭ ترامپتىڭ باياعىدان قولدايتىنىن ەسكەرسەك، بۇل ارنايى ۇيىمداستىرىلعان شابۋىل بولۋى مۇمكىن. ءدال وسىنداي قارسى ارگۋمەنتپەن CNN, The New York Times, Bloomberg, The Wall Street Journal باسىلىمدارى جازىپ وتىر. سەبەبى بۇلاردىڭ بارلىعى pro-democrat سانالادى.