مەملەكەت باسشىسى قاسىم-جومارت توقاەۆتىڭ قازاقتىلدى قانداي گازەتتەردى وقيتىنى بەلگىلى بولدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Egemen Qazaqstan گازەتىنە بەرگەن سۇحباتىندا ايتتى، - دەپ حابارلايدى تengrinews.kz ءتىلشىسى.

بەس تىلدە ەركىن سويلەيتىن مەملەكەت باسشىسى قازاق تىلىندەگى بىرنەشە باسىلىمدى كۇندەلىكتى وقىپ وتىرادى ەكەن.

"Egemen Qazaqstan, "ايقىن", "استانا اقشامى" گازەتتەرىن كۇندەلىكتى وقيدى. ولاردان باسقا "قازاق ادەبيەتى", "انا ءتىلى", "تۇركىستان", "جاس قازاق", "الماتى اقشامى" سەكىلدى اپتالىقتاردى قاراپ، باقىلاپ وتىرادى. ەگەر جاقسى ماقالالار، سۇحباتتار شىقسا، اسىقپاي وقىپ، استىن سىزىپ، ءتىپتى كەيبىرىنە قاتىستى بۇرىشتاما سوعىپ جاتادى", - دەدى بەرىك ءۋالي.

ونىڭ ايتۋىنشا، توقاەۆ مەرزىمدى باسىلىمدارعا شىققان سىني نەمەسە پروبلەمالىق ماقالالاردى وقىپ، قۇزىرلى ورگاندارعا ارنايى تاپسىرمالار بەرەدى ەكەن.

سونداي-اق پرەزيدەنتتىڭ ءباسپاسوز حاتشىسى توقاەۆتىڭ تەلەحابارلاردى دا ءجيى قاراپ تۇراتىنىن ايتتى. اتاپ ايتقاندا، مەملەكەت باسشىسى "1-ستۋديا", "دارا جول" باعدارلامالارىنا جوعارى باعا بەرگەن. سونىمەن قاتار، ول "تاڭشولپان" باعدارلاماسىنىڭ دا تۇراقتى كورەرمەنى ەكەن.

بەرىك ءۋاليدىڭ سوزىنشە، قاسىم-جومارت توقاەۆ پرەزيدەنتتىك قىزمەتتەگى ءتورت ايىندا وتاندىق جانە شەتەلدىك باق-قا 10 سۇحبات بەرگەن. ەڭ العاشقىسى پرەزيدەنت بولىپ سايلانعاننان كەيىن ەgemen Qazaqstan مەن "ايقىن" رەسپۋبليكالىق گازەتتەرىنە بەرگەن سۇحباتى. كەيىن رەسەيلىك "كوممەرسانت", "روسسيسكايا گازەتا" باسىلىمدارى، "روسسيا" تەلەارناسى، وزبەكستاننىڭ "ۋزا" ۇلتتىق اقپاراتتىق اگەنتتىگى، امەريكالىق White House Chronicle تەلەحابارى، Wall Street Journal گازەتى، يزرايلدىك Israel Hayom باسىلىمى، Euronews تەلەارناسى مەن Bloomberg اگەنتتىگىنە سۇحبات بەرگەن.

ايتا كەتەيىك، 21 شىلدەدە "پرەزيدەنت 2.0" دەرەكتى ءفيلمى جاريالانعان بولاتىن. مۇندا پرەزيدەنتتەن رەسەيلىك جۋرناليست الەكسەي پيۆوۆاروۆ سۇحبات العان. دەرەكتى فيلم "31 ارنادان" كورسەتىلگەن ەدى. سۇحبات بارىسىندا توقاەۆ وتباسىندا بولعان قايعىلى وقيعا جايلى ايتقان بولاتىن.

Abai.kz