مەملەكەت باسشىسى قاسىم-جومارت توقاەۆ قورعانىس ءمينيسترى نۇرلان ەرمەكباەۆتى قابىلدادى.

قاسىم-جومارت توقاەۆقا قازاقستان قارۋلى كۇشتەرىنىڭ اسكەري دايىندىق جاعدايى، سونداي-اق، ارىس قالاسىن قالپىنا كەلتىرۋ جۇمىستارىنىڭ بارىسى تۋرالى مالىمەت بەرىلدى. سونىڭ ىشىندە قازاقستان پرەزيدەنتىنە قالا اۋماعىنداعى وق-ءدارى قالدىقتارىن ىزدەۋ، تازارتۋ شارالارى، سونداي-اق، ارىستاعى اسكەري قالاشىقتى قالپىنا كەلتىرۋ جۇمىستارى جونىندە باياندالدى. قورعانىس ءمينيسترىنىڭ ايتۋىنشا، بۇگىنگە دەيىن اسكەري قويمالاردان ءۇش مىڭ تونناعا جۋىق وق-ءدارى قاۋىپسىز جەرلەرگە شىعارىلعان.

قاسىم-جومارت توقاەۆ جارىلىس سالدارىن جويۋ جانە وق-دارىلەردى شىعارۋ جۇمىستارىنىڭ ۋاقتىلى اتقارىلۋىن قامتاماسىز ەتۋدى، سونداي-اق، قازا بولعانداردى، قۇتقارۋ جانە قالپىنا كەلتىرۋ جۇمىستارى كەزىندە ەرەكشە كوزگە تۇسكەن اسكەري قىزمەتشىلەر مەن ءتيىستى قىزمەت وكىلدەرىن ماراپاتتاۋدى تاپسىردى.

سونىمەن قاتار، مەملەكەت باسشىسىنا كەزەڭدەرىنىڭ ءبىر بولىگى قازاقستان اۋماعىندا وتەتىن الداعى اسكەري ويىندارعا دايىندىق بارىسى تۋرالى مالىمەت بەرىلدى.

Abai.kz