ۇقك سايتىندا جاريالانعان سۋرەتتە التى اۆتومات جانە ءبىر تاپانشا بەينەلەنگەن. سۋرەتتە ارنايى جاساق قىزمەتكەرلەرى ەكى ەر كىسىنى ۇستاپ الىپ بارا جاتقانى كورىندى. سۋرەتتە ادامداردىڭ تۇرلەرىن كورسەتپەگەن.
كوميتەت تاراتقان ءباسپاسوز حابارلاماسىندا "سەگىز كالاشنيكوۆ اۆتوماتى جانە ەكى تاپانشا ساتۋ ارەكەتى تىركەلگەنى", ارنايى وپەراتسيا الماتى مەن شىمكەنت قالالارىندا جۇرگىزىلگەنى ايتىلعان.
"ولاردىڭ كەيبىرەۋى زياندى ءدىني اعىم ۇستانادى، قىلمىس الەمىنىڭ دوكەيلەرىمەن بايلانىس ورناتقان" دەلىنگەن كوميتەت حابارلاماسىندا. ارنايى وپەراتسيالاردان قانشا ادام ۇستالعانى ايتىلمادى.
كوميتەتتىڭ ءباسپاسوز قىزمەتى قازاقستاندا زاڭسىز قارۋ ساتقان ءىرى قىلمىستىق توپ ۇستالدى دەپ حابارلادى، دەگەنمەن بۇل قارۋلار قاي ەلدەن كەلگەنى، ولاردىڭ كولەمى تۋرالى مالىمەت بەرىلمەدى.
Abai.kz
