الماتى. 13 شىلدە. قازاقپارات ء/نازيرا ەلەۋحان/ - الماتىداعى 28 گۆارديالىق پانفيلوۆشىلار اتىنداعى ساياباقتا 316-شى (8 گۆارديالىق) اتقىشتار ديۆيزياسىنىڭ قۇرىلعانىنا 70 جىل تولۋىنا وراي «پانفيلوۆ ديۆيزياسىنىڭ كۇنى» اتتى مەموريالدىق پاتريوتتىق اكتسيا ءوتتى.

«اقپاراتتىق باستاما» كورپوراتيۆتىك قورىنىڭ ۇيىمداستىرۋىمەن وتكەن  شاراعا قر قورعانىس مينيسترلىگىنىڭ وكىلدەرى، ۇلى وتان سوعىسىنىڭ ارداگەرلەرى، جەرگىلىكتى اتقارۋشى ورگاندارىنىڭ وكىلدەرى، رەسەي جانە قىرعىز رەسپۋبليكالارى ەلشىلىكتەرىنىڭ باس كونسۋلدارى، رەسەيلىك، قازاقستاندىق جانە قىرعىز قوعامدىق ۇيىمدارى مەن جاستار بىرلەستىكتەرى، سونىمەن قاتار، پانفيلوۆشى-جاۋىنگەرلەردىڭ تۋعان-تۋىستارى مەن نەمەرەلەرى قاتىستى.

اكتسياعا قاتىسۋشىلار  داڭق مەموريالىنا، باۋىرجان مومىشۇلى ەسكەرتكىشتەرىنە، 28 پانفيلوۆشى-جاۋىنگەرلەردىڭ اتاۋلى بەلگىلەرىنە گۇلشوقتارىن قويىپ، اسپانعا - «كەڭەس وداعىنىڭ باتىرى» اتاعىنا يە بولعان جاۋىنگەرلەردىڭ سانى بويىنشا - 37 اۋە شارلارىن جىبەردى.

شارانىڭ سالتاناتتى بولىمىندە ءسوز سويلەگەن  قر ەڭبەك سىڭىرگەن قايراتكەرى، پولكوۆنيك،  پروفەسسور، رەسەي اسكەري اكادەمياسىنىڭ كوررەسپوندەنت-مۇشەسى  كيم سەرىكباەۆ قازاقستاندىق باتىرلاردىڭ  ماسكەۋدى قورعاۋ بارىسىندا كورسەتكەن ەرلىگى مەن  باتىلدىعىن ەسكە سالدى. ارداگەر سونىمەن قاتار،  بارلىق تاريحشىلاردى  ۇلى وتان سوعىسىنداعى تاريحي فاكتىلەردى بۇرمالاماۋعا شاقىردى.

الماتى. 13 شىلدە. قازاقپارات ء/نازيرا ەلەۋحان/ - الماتىداعى 28 گۆارديالىق پانفيلوۆشىلار اتىنداعى ساياباقتا 316-شى (8 گۆارديالىق) اتقىشتار ديۆيزياسىنىڭ قۇرىلعانىنا 70 جىل تولۋىنا وراي «پانفيلوۆ ديۆيزياسىنىڭ كۇنى» اتتى مەموريالدىق پاتريوتتىق اكتسيا ءوتتى.

«اقپاراتتىق باستاما» كورپوراتيۆتىك قورىنىڭ ۇيىمداستىرۋىمەن وتكەن  شاراعا قر قورعانىس مينيسترلىگىنىڭ وكىلدەرى، ۇلى وتان سوعىسىنىڭ ارداگەرلەرى، جەرگىلىكتى اتقارۋشى ورگاندارىنىڭ وكىلدەرى، رەسەي جانە قىرعىز رەسپۋبليكالارى ەلشىلىكتەرىنىڭ باس كونسۋلدارى، رەسەيلىك، قازاقستاندىق جانە قىرعىز قوعامدىق ۇيىمدارى مەن جاستار بىرلەستىكتەرى، سونىمەن قاتار، پانفيلوۆشى-جاۋىنگەرلەردىڭ تۋعان-تۋىستارى مەن نەمەرەلەرى قاتىستى.

اكتسياعا قاتىسۋشىلار  داڭق مەموريالىنا، باۋىرجان مومىشۇلى ەسكەرتكىشتەرىنە، 28 پانفيلوۆشى-جاۋىنگەرلەردىڭ اتاۋلى بەلگىلەرىنە گۇلشوقتارىن قويىپ، اسپانعا - «كەڭەس وداعىنىڭ باتىرى» اتاعىنا يە بولعان جاۋىنگەرلەردىڭ سانى بويىنشا - 37 اۋە شارلارىن جىبەردى.

شارانىڭ سالتاناتتى بولىمىندە ءسوز سويلەگەن  قر ەڭبەك سىڭىرگەن قايراتكەرى، پولكوۆنيك،  پروفەسسور، رەسەي اسكەري اكادەمياسىنىڭ كوررەسپوندەنت-مۇشەسى  كيم سەرىكباەۆ قازاقستاندىق باتىرلاردىڭ  ماسكەۋدى قورعاۋ بارىسىندا كورسەتكەن ەرلىگى مەن  باتىلدىعىن ەسكە سالدى. ارداگەر سونىمەن قاتار،  بارلىق تاريحشىلاردى  ۇلى وتان سوعىسىنداعى تاريحي فاكتىلەردى بۇرمالاماۋعا شاقىردى.

«پانفيلوۆشى -جاۋىنگەرلەردىڭ ەرلىگى - وتانعا دەگەن ءارتۇرلى ۇلت ادامدارىنىڭ شەكسىز ماحابباتىنىڭ مىسالى بولا الادى. ۇلى وتان سوعىسى جىلدارى ديۆيزيا قۇرامىندا كسرو-دان 36 ۇلت وكىلدەرى سوعىستى، ولاردىڭ ىشىندە قازاقتار، ورىستار، ۋكرايندىقتار، قىرعىزدار، ەۆرەيلەر، بەلارۋستار جانە باسقا ۇلت وكىلدەرى بولدى. سوندىقتان، پانفيلوۆ ديۆيزياسىنىڭ تاريحي مىسالىن نەگىزگە الا وتىرىپ قازاقستاندىق پاتريوتتىق رۋحتى تاربيەلەۋ كەرەك»،-دەيدى اكتسيانىڭ ۇيىمداستىرۋشىسى،  «اقپاراتتىق باستاما» كورپوراتيۆتىك قورىنىڭ ديرەكتورى  ميحايل تيۋنين.

ونىڭ ايتۋىنشا، الداعى ۋاقىتتا   پانفيلوۆشى-جاۋىنگەرلەردىڭ قاھارماندىق تاريحىنا ارنالعان كوپتەگەن شارالار، اكتسيالار مەن دوڭگەلەك ۇستەلدەر ۇيىمداستىرىلاتىن بولادى.

مەموريالدىق  اكتسيا «پانفيلوۆشى-جاۋىنگەرلەردى ەسكە الا وتىرىپ» اتتى دوڭگەلەك ۇستەل وتىرىسىمەن جالعاستى. وعان اسكەري قىزمەتكەرلەر، ارداگەرلەر، گەنەرال پانفيلوۆتىڭ تۋىسقاندارى مەن قوعامدىق ۇيىمداردىڭ وكىلدەرى قاتىسۋدا.

316-شى اتقىشتار ديۆيزياسى الماتى قالاسىندا 1941 جىلدىڭ شىلدە-تامىزىندا قۇرىلعان بولاتىن. ديۆيزيانىڭ جەكە قۇرىلىمى الماتى قالاسى، الماتى وبلىسى، قازاقستاننىڭ باسقا دا ايماقتارى جانە قىرعىز ەلىنىڭ اسكەري مىندەتتى تۇرعىندارىنان جاساقتالدى. 1941 جىلدىڭ قازان-قاراشاسىندا ماسكەۋدى قورعاۋ بارىسىندا كورسەتكەن ەرلىك پەن باتىلدىعى ءۇشىن ديۆيزياعا 8-ءشى گۆارديالىق اتقىشتار ديۆيزياسى اتى بەرىلدى، ال كەيىنىرەكتە ديۆيزياعا 1941 جىلدىڭ 18 قاراشاسىندا ماسكەۋ وبلىسىنىڭ ۆولوكولامسك قالاسىنىڭ تۇسىندا قازا تاپقان، ديۆيزيانىڭ تۇڭعىش كومانديرى يۆان ۆاسيلەۆيچ پانفيلوۆتىڭ اتى بەرىلدى. پانفيلوۆشى جاۋىنگەرلەر پسكوۆ وبلىسىن، لاتۆيانى، ليتۆانى نەمىس-فاشيستتىك جاۋلاپ الۋشىلارىنان قورعاۋعا قاتىستى. پانفيلوۆ ديۆيزياسى لەنين وردەنىمەن، ەكىنشى دارەجەلى سۋۆوروۆ وردەنىمەن  ماراپاتتالدى.