"رەسەي بيلىگى ازاماتتاردىڭ پىكىر ءبىلدىرۋ قۇقىقتارىن شەكتەپ وتىر" دەلىنگەن اقش-تىڭ ماسكەۋدەگى ەلشىلى تاراتقان مالىمدەمەدە.

ەو سىرتقى ىستەر مەكەمەسىنىڭ وكىلى مايا كوتسيانچيچتىڭ مالىمدەۋىنشە، ەو رەسەيدەن اكتسيادا ۇستالعان 600 ادامنىڭ تەز ارادا بوساتىلۋىن تالاپ ەتەدى. شۆەتسيا ءسىم باسشىسى مارگوت ۆالستريوم رەسەي بيلىگىن تاۋەلسىز كانديداتتاردى سايلاۋعا قاتىستىرۋعا شاقىرعان..

اكتسيا بارىسىندا 600 ادام ۇستالعانىن رەسەي ءىىم حابارلاعان. "وۆد-ينفو" سايتىنىڭ مالىمەتى بويىنشا، ميتينگتە 1001 ادام ۇستالعان. بۇنىڭ الدىندا بۇل سايت 828 ادام ۇستالعانىن حابارلاعان. ولاردىڭ كوبىسى بوستاندىققا شىققان. جەكسەنبى كۇنى تاڭەرتەڭ پوليتسيا بولىمشەلەرىندە 19 ادام قالعان.

بەس ادام اۋرۋحاناعا تۇسكەنى حابارلاندى.

ماسكەۋدە نارازىلىق اكتسياسى تاۋەلسىز كانديداتتاردى ماسكەۋ قالالىق دۋماسىن سايلاۋعا قاتىستىرماي قويعان سوڭ باستالدى. ماسكەۋ ورتالىعىندا ەڭ ءىرى نارازىلىق اكتسياسى 27 شىلدەدە ءوتتى. سول كەزدە 1300 ادام ۇستالعان ەدى.

Abai.kz