10 تامىز ساع.10.30-دا قر ۇلتتىق اكادەميالىق كىتاپحاناسىندا اقىن، اعارتۋشى جانە فيلوسوف اباي قۇنانبايۇلىنىڭ تۋعان كۇنىنە وراي پوەتيكالىق مۋزىكالىق مارافون  وتەدى.

ءىس-شارانىڭ ماقساتى: ابايدىڭ رۋحاني قۇندىلىقتارىن، قازاقتىڭ ۇلى اقىننىڭ وتكەنى مەن بۇگىنىن بەينەلەيتىن شىعارماشىلىق مۇراسىن كەڭىنەن ناسيحاتتاۋ، ونىڭ سوزدەرى ەشقاشان ولمەيتىن ۇرپاقتارىنا قالدىرعان مۇرا رەتىندە حالىق جادىندا قالادى.

مەرەكەلىك جيىن بارىسىندا «ۇلى دالانىڭ دانا ويشىلى – اباي» جانە «عاسىرلار ۇندەستىگىندەگى رۋحاني مۇرا» يلليۋستراتسيالىق-كىتاپ كورمەلەرى، «Abai پوەمالارى. ولەڭدەرى مەن اۋدارمالارى. قارا سوزدەر. اندەرى» جانە «اباي-چەللەندج» كىتاپتارىنىڭ تۇساۋكەسەرى، ۇلى ابايدىڭ ولەڭدەرىن جانە اندەرىن وقۋ، «قۇنانباي» كينو كورسەتىلىمى، «اباي ۇلتتىڭ رۋحاني گيپپوكراتى» اتتى دوڭگەلەك ۇستەل، «اباي بەينەسى سۋرەتكەرلەر كوزىمەن» اتتى سۋرەت كورمەسى ۇيىمداستىرىلادى.

بۇل شارا اباي كۇنبايۇلىنىڭ مەرەيتويى قارساڭىندا وتكىزىلىپ وتىر. قر پرەزيدەنتى قاسىم-جومارت توقاەۆ 2019 جىلدىڭ 30 مامىرىندا بىرىككەن ۇلتتار ۇيىمىنىڭ ءبىلىم، عىلىم جانە مادەنيەت ۇيىمى (يۋنەسكو) جانە حالىقارالىق تۇركى مادەنيەتى ۇيىمىنىڭ (TURKSOY) قامقورلىعىمەن وتەتىن اباي قۇنانبايۇلىنىڭ 175 جىلدىعىن مەرەكەلەۋ تۋرالى جارلىققا قول قويدى. بۇل تۋرالى ق.توقاەۆ ءوز سوزىندە بىلاي دەدى:

–اباي، شىن مانىندە، قازاق بولمىسىنىڭ ايناسى. اقىننىڭ دارا تۇلعاسى – حالقىمىزدىڭ رۋحانياتىن الەمگە تانىتاتىن تەڭدەسى جوق قۇندىلىق.

ءىس-شاراعا جازۋشى، قر مەملەكەتتتىك سىيلىعىنىڭ جانە «قۇرمەت» وردەنىنىڭ يەگەرى قاجىعالي مۇحامەتقاليەۆ، فولكلورتانۋشى، فيلولوگيا عىلىمدارىنىڭ دوكتورى، پروفەسسور شاكىر ىبىراەۆ، عالىم، مەملەكەت جانە قوعام قايراتكەرى، تاريح عىلىمدارىنىڭ دوكتورى، پروفەسسور ومىرزاق وزعانباەۆ، جازۋشى، پۋبليتسيست، قازاقستاننىڭ ەڭبەك سىڭىرگەن قايراتكەرى الدان سمايىل، اقىن،  قازاقستان جازۋشىلار وداعىنىڭ مۇشەسى باقىتجان توباياقوۆ، اقىن، قازاقستان جازۋشىلار وداعى نۇرسۇلتان قالاسى فيليالىنىڭ باسشىسى داۋلەتكەرەي كاپۇلى، «قازاق ادەبيەتى» گازەتىنىڭ باس رەداكتورى داۋرەن قۋات، جۋرناليست جانە جازۋشى، «ايقىن» گازەتىنىڭ باس رەداكتورى نۇرتورە ءجۇسىپ، اقىن، اۋدارماشى، قر ۇلتتىق اكادەميالىق كىتاپحاناسىنىڭ عالىم-حاتشىسى تورەگەلدى راحمان، تانىمال تەلەجۇرگىزۋشى، جۋرناليست دانا نۇرجىگىت سونداي-اق، ءانشى، رەسپۋبليكالىق جىرشىلار بايقاۋىنىڭ لاۋرەاتى، جاس جىرشى اينۇر قونىسباەۆا، ءانشى، اكتەر، قر جاستار وداعى سىيلىعىنىڭ لاۋرەاتى، مادەنيەت سالاسىنىڭ ۇزدىگى نۇراي تاناباەۆ، ءداستۇرلى ءانشى، اكتەر اسقار مۇقيات، اكتەر، قازاقستاننىڭ ەڭبەك سىڭىرگەن قايراتكەرى نۇركەن وتەۋىلوۆ، شىعارماشىلىق جانە زيالى قاۋىم وكىلدەرى، اۋدارماشىلار، ادەبيەتتانۋشىلار مەن ادەبيەت سىنشىلارى، عالىمدار مەن زەرتتەۋشىلەر، تاريحشىلار مەن مادەنيەتتانۋشىلار، ءداستۇرلى انشىلەر مەن تەاتر ارتىستەرى، كىتاپحانا قىزمەتكەرلەرى، قالا تۇرعىندارى مەن قوناقتارى، باق وكىلدەرى جانە ت.ب. قاتىسادى.

Abai.kz