دۇيسەنبى, 26 تامىز 2019
1090 3 پىكىر 9 تامىز, 2019 ساعات 10:26

پرەزيدەنتتىك كادرلىق رەزەرۆكە بىلىكتى جاس ماماندار تارتىلاتىن بولادى

اعىمداعى جىلدىڭ 7 تامىزىندا وڭىرلىك كوممۋنيكاتسيالار قىزمەتىندە قر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەسىنىڭ ءتورايىمى ن. جاننازاروۆانىڭ جانە قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماڭعىستاۋ وبلىستىق فيليالىنىڭ ديرەكتورى ا. دەمەۋوۆانىڭ قاتىسۋىمەن بريفينگ وتكىزىلدى.

بريفينگ بارىسىندا اۋماقتىق دەپارتامەنت باسشىسى پرەزيدەنتتىك كادرلىق رەزەرۆكە ىرىكتەۋ مەحانيزمدەرى  بويىنشا اقپارات بەردى.

اۋماقتىق دەپارتامەنت باسشىسى پرەزيدەنتتىك كادرلىق رەزەرۆتىڭ ماقساتى مەن مىندەتىنە توقتالىپ ءوتتى. ياعني، كادرلىق رەزەرۆتى بولاشاقتا مەملەكەتتىڭ تىزگىنىن ۇستايتىن جاس شاماسى 35-تەن اسپاعان جانە ەڭبەك ءوتىلى 5 جىلدان كەم ەمەس ماماندارعا جوعارى لاۋازىمدارعا تاعايىندالۋعا مۇمكىندىك بەرەتىن جاڭاشىل ينستيتۋت دەپ ايتۋعا بولادى.

بۇل رەتتە، ايتا كەتۋ قاجەت، پرەزيدەنت تاعايىندايتىن مەملەكەتتىك ساياسي قىزمەتشىلەر ىرىكتەۋگە قاتىسپايدى.

ازاماتتار پرەزيدەنتتىك كادر رەزەرۆىنە  ءۇش جىلدىق مەرزىمگە الىنادى. وسى كەزەڭنىڭ ىشىندە ءتيىستى بوس ورىن بولعان جاعدايدا ادام ساياسي نەمەسە جوعارى باسقارۋشى اكىمشىلىك لاۋازىمىنا، ۇلتتىق باسقارۋشى حولدينگتەردىڭ نەمەسە كومپانيالاردىڭ جوعارى باسقارۋشى لاۋازىمىنا تاعايىندالۋى مۇمكىن.

پرەزيدەنتتىك رەزەرۆتەن تاعايىنداۋدى كوزدەيتىن لاۋازىمدار قىزمەتتىڭ باعىتتارىن ەسكەرۋىمەن توپتاستىرىلعان:

لاۋازىمداردىڭ سالالىق توبى:

مينيسترلەر، ولاردىڭ ورىنباسارلارى، وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرىنىڭ ءبىرىنشى ورىنباسارلارى مەن ورىنباسارلارى;

ورتالىق اتقارۋشى ورگاندار كوميتەتتەرىنىڭ توراعالارى;

ۇلتتىق باسقارۋشى حولدينگتەردىڭ باسقارمالارىنىڭ، ۇلتتىق حولدينگتەردىڭ، ۇلتتىق كومپانيالاردىڭ توراعالارى جانە مۇشەلەرى;

سالالىق لاۋازىمداردىڭ توبى قىزمەتتىڭ مىناداي باعىتتارىن قامتيدى:

ەكونوميكالىق ساياسات جانە مەملەكەتتىك جوسپارلاۋ;

الەۋمەتتىك ساياسات;

ينفراقۇرىلىمدى جانە رەزەرۆتى دامىتۋ;

سىرتقى ساياسات;

قۇقىقتىق ساياسات پەن قاۋىپسىزدىك.

وڭىرلىك لاۋازىمداردىڭ توبى:

وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى;

وبلىستىق ماڭىزى بار قالالاردىڭ، وبلىستار اۋداندارىنىڭ جانە قالالارداعى اۋدانداردىڭ اكىمدەرى;

اكىمشىلىك لاۋازىمداردىڭ توبى:

ورتالىق اتقارۋشى ورگانداردىڭ جاۋاپتى حاتشىلارى;

ورتالىق مەملەكەتتىك ورگانداردىڭ اپپارات باسشىلارى;

جاۋاپتى حاتشى لاۋازىمى ەنگىزىلمەگەن ورتالىق اتقارۋشى ورگاندار اپپاراتتارىنىڭ باسشىلارى;

وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى اپپاراتتارىنىڭ باسشىلارى.

پرەزيدەنتتىك رەزەرۆكە كانديدات  بىرقاتار كەزەڭدەردەن وتەدى. اتاپ ايتقاندا،

- قاتىسۋ ءۇشىن قۇجاتتاردى تاپسىرۋ. قۇجاتتاردى تاپسىرۋ ءراسىمى اۆتوماتتاندىرىلعان. ۇسىنىلعان مالىمەتتىڭ جانە قۇجاتتاردىڭ شىنايلىعى ىرىكتەۋدىڭ ءاربىر كەزەڭىندە تەكسەرىلەدى.

- كانديداتتاردىڭ تەوريالىق بىلىمدەرىن تەستىلەۋدەن وتكىزۋ. تەستىلەۋدەن ءوتۋ ءراسىمى اۆتوماتتاندىرىلعان، ونلاين-رەجيمىندە وتكىزىلەدى. تەستىلىك تاپسىرمالار كانديداتتىڭ تەوريالىق تايىندىعىن، تالدامالىق  جانە سىن تۇرعىسىنان ويلاۋ دەڭگەيىن انىقتاۋعا باعىتتالعان.

ىرىكتەۋدىڭ كەلەسى كەزەڭىنە جىبەرىلەتىن ەڭ جوعارى ناتيجەلەردى كورسەتكەن كانديداتتاردىڭ سانىڭ كادر رەزەرۆى جونىندەگى ۇلتتىق كوميسسياسى ايقىندايدى.

- بەرىلگەن تاقىرىپقا ەسسە جازۋ;

- سالالىق كوميسسيالاردىڭ الدىندا جوبانى ۇسىنۋ، بۇدان باسقا قۇندىلىقتاردى، موتيۆاتسيانى  جانە قۇزىرەتتەردى باعالاۋدان ءوتۋ، ساراپتامالىق كوميسسيادا اڭگىمەلەسۋدەن ءوتۋ، كادر رەزەرۆى جونىندەگى ۇلتتىق كوميسسيادا اڭگىمەلەسۋدەن ءوتۋ.

سپيكەردىڭ ايتۋىنشا، رەزەرۆتەگى ادامداردى لاۋازىمعا تاعايىنداۋدان بۇرىن قر پرەزيدەنتى جانىنداعى مەملەكەتتىك باسقارۋ اكادەمياسىندا وقىتۋدان وتكىزۋ كوزدەلەدى.

سونىمەن بىرگە، وقىتۋ شەڭبەرىندە اتالعان ادامدار حالىقپەن جۇمىس ىستەۋگە، حالىقتىڭ الدىندا سويلەۋگە، بەلگىسىزدىك جاعدايدا جۇمىس ىستەۋگە قاجەتتى قۇزىرەتتەردى ۇلعايتۋ ماقساتىندا مەملەكەتتىك ورگانداردا جانە ۇيىمداردا تاعىلىمدامادان وتەتىن بولادى.

دەپارتامەنت باسشىسىنىڭ ايتۋىنشا: «اگەنتتىكتىڭ اۋماقتىق  دەپارتامەنتىنىڭ نەگىزگى قىزمەتى مەملەكەت باسشىسىنىڭ مەملەكەتتىك قىزمەت جۇيەسىنىڭ تيىمدىلىگىن ارتتىرۋ بويىنشا تاپسىرمالارىن ورىنداۋعا باعىتتالعان».

بريفينگتىڭ ەكىنشى بولىگىندە ءسوز العان قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماڭعىستاۋ وبلىستىق فيليالىنىڭ ديرەكتورى ا.دەمەۋوۆا  فيليال تاراپىنان 2019 جىلى اتقارىلعان جۇمىستار جانە الداعى وقۋ كەزەڭىنە جوسپارلانعان ءىس-شارالار تۋرالى كەڭىرەك اقپارات بەرىپ ءوتتى. اكادەميا فيليالى قابىرعاسىندا العاشقى جارتىجىلدىقتا جالپى سانى 478 ادامدى قامتىعان بىلىكتىلىكتى ارتتىرۋ بويىنشا 17 كۋرس، ال قايتا دايارلاۋ بويىنشا 5 كۋرس ۇيىمداستىرىلدى. جىلدىڭ اياعىنا دەيىن سايكەسىنشە بىلىكتىلىكتى ارتتىرۋ بويىنشا 5 كۋرس، قايتا دايارلاۋ بويىنشا 5 كۋرس وتكىزىپ، 153 ادامدى قامتۋ جوسپارلانۋدا. سپيكەر، اسىرەسە باستى نازاردى مەملەكەتتىك قىزمەتشىلەر اراسىندا «رۋحاني جاڭعىرۋ» باعدارلاماسى شەڭبەرىندەگى تىڭ باستامالارعا اۋداردى (تەاتر قويىلىمدارىنا بارۋ، ولكەتانۋ اياسىندا تابيعاتقا شىعۋ، ت.ب.)

جالپى ايتقاندا، مەملەكەت باسشىسىنىڭ كاسىبي ءارى تۇتىنۋشىلاردىڭ سۇرانىمىنا ساي كەلەتىن مەملەكەتتىك قىزمەت جۇيەسىن جەتىلدىرۋگە باعىتتالعان باسىمدىقتارىن ورىنداۋ بويىنشا جۇمىس اگەنتتىكتىڭ اۋماقتىق دەپارتامەنتى جانە اكادەميانىڭ وبلىستىق فيليالىمەن ودان ءارى جالعاسىن تاباتىن بولادى.

قر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ءباسپاسوز قىزمەتى

Abai.kz    

3 پىكىر