سەيسەنبى, 17 قىركۇيەك 2019
927 0 پىكىر 19 تامىز, 2019 ساعات 10:17

پمۋ جانە Astana HUB ىقتىماقتاستىق جونىندەگى مەموراندۋمعا قول قويدى

پاۆلودار قالاسىنداعى ينۆەستورلار ۇيىندە «زاماناۋي اقپاراتتىق تەحنولوگيالار جانە بيزنەس» اتتى ءىى ايماقتىق ءىت فورۋم ءوتتى.

شاراعا قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ، وبلىس اكىمى بولات باقاۋوۆ، ايتي-تەحنولوگيالار سالاسىنداعى ساراپشىلار قاتىستى.

قاتىسۋشىلار الدىندا قر سىرتقى ىستەر ءمينيسترىنىڭ ورىنباسارى ە. كوشەرباەۆ ءسوز الدى. مينيستر ورىنباسارى جوبالاردىڭ تيىمدىلىگىن تىلگە تيەك ەتىپع ولاردىڭ پايدالانۋ تيىمدىلىگى جونىندە ءسوز الدى.

«ەلەكتروبايك جاساۋ - ءبىر ءىس، بۇل ءىستى جاپپاي ونەركاسىپكە اينالدىرۋ كەرەك. حالىقارالىق تالاپتارعا سايكەس بيزنەس جوسپار ازىرلەپ، ينۆەستوراردى قىزىقتىرۋ كەرەك»، - دەيدى ە. كوشەرباەۆ.

فورۋم اياسىندا IT-جوبالار كورمەسى ۇيىمداستىرىلىپ، بولاشاقتا جۇزەگە اسىرىلماق. ولاردىڭ قاتارىندا پاۆلودار مەملەكەتتىك ۋنيۆەرسيتەتىنىڭ 13 جوباسى بار. اتاپ ايتقاندا، بوس ورىندارعا ۇمىتكەرلەردى تاڭداۋعا ارنالعان HRD Everest جۇيەسى،  «Student Servicing Center» – ستۋدەنتتەرگە ونلاين رەجيمدە قىزمەت كورسەتۋ، «OpenU» –ونلاين رەجيمدە ءبىلىم الۋ باعدارلاماسى، «Education Bot» – Telegram-بوت ءبىلىم بەرۋ سالاسىندا قىزمەت الۋ قوسىمشاسى.

سونىمەن قاتار، قاتىسۋشىلار اۋاعا مونيتورينگ جاساۋ يننوۆاتسيالىق جوباسىمەن تانىستى. جوبا وكپە اۋرۋلارىن ازايتۋ،  مەديتسينالىق دياگنوستيكالىق بىلەزىكتىڭ كومەگىمەن پاتسيەنتتىڭ دەنساۋلىعىن باقىلاۋ ماقساتىن كوزدەيدى. مامانداردىڭ نازارىنا

«تور» ەلەكتر موتوتسيكلى، سۇرىپتىق فاسوندى پروكاتتى ءوندىرۋ تەحنولوگيالارى ۇسىنىلدى.

فورۋم باراسىندا Astana Hub باس ديرەكتورى حاب Joseph Kenneth Ziegler جانە پمۋ عىلىمي جۇمىس جانە يننوۆاتسيالار جوننىدەگى پرورەكتورى، ب.ع.ك. پروفەسسور نۇرلان ەرجانوۆ تەحنوپارك پەن ۋنيۆەرسيتەت اراسىنداعى ىنتىماقتاستىق مەوموراندۋمىنا قول قويدى.

فورۋم شەڭبەرىندە حاكاتوندار سەرياسىنىڭ جەڭىمپازدارى ماراپاتتالدى. جۇلدە قورى 1,5 ملن. تەڭگەنى قۇرادى.

Abai.kz

0 پىكىر