سەنبى, 21 قىركۇيەك 2019
1125 3 پىكىر 6 قىركۇيەك, 2019 ساعات 10:34

قىزىلوردا وبلىسى اكتيۆىنىڭ وتىرىسىندا العاشقى كەزەكتە ورىندالاتىن باستى مىندەتتەر تالقىلاندى

مەملەكەت باسشىسى قاسىم-جومارت توقاەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارناعان تۇڭعىش جولداۋىندا ەل ومىرىندەگى تۇيتكىلدى ماسەلەلەردىڭ ءتۇرلى شەشىمدەرىن نۇسقاعان ەدى. سونىمەن قاتار، پرەزيدەنت ۇكىمەتكە، سالالىق مينيسترلىكتەرگە، اكىمدەرگە جانە جاۋاپتى تۇلعالارعا ەل ەكونوميكاسىن سەرپىندى دامىتۋ بويىنشا زور مىندەتتەر جۇكتەپ، ناقتى ناتيجەگە قول جەتكىزۋدى تاپسىردى. بۇل باعىتتا سىر وڭىرىندە دە اۋقىمدى جۇمىستار اتقارىلاتىنى بۇگىنگى وبلىس اكتيۆىندە ايتىلدى. وبلىس اكىمى قۋانىشبەك ىسقاقوۆ وبلىس اكتيۆىن جيناپ، ايماقتا العاشقى كەزەكتە ورىندالاتىن باستى مىندەتتەردى تالقىلادى.

اكتيۆ وتىرىسىنا  قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى سارقۇلوۆ ۇلان سەرىكۇلى، جەرگىلىكتى ءماسليحات دەپۋتاتتارى، قۇقىق قورعاۋ ورگاندارى مەن مەملەكەتتىك مەكەمە باسشىلارى، ارداگەرلەر، قوعامدىق كەڭەس مۇشەلەرى، ساياسي پارتيالار مەن ازاماتتىق قوعام ينستيتۋتتارىنىڭ جانە بۇقارالىق اقپارات قۇرالدارىنىڭ وكىلدەرى قاتىستى.

ايتا كەتۋ كەرەك، الەۋمەتتىك سالانى كەڭىنەن قامتىعان، ءمانى مەن ماڭىزى ايرىقشا بۇل جولداۋدى ەل ەرەكشە ىقىلاسپەن قابىلداۋدا.

«ءوز كەزەگىندە ءاربىر وتانداسىمىزدىڭ ءال-اۋقاتىن جاقسارتۋ مەن ەلىمىزدى الەمدىك كوشباسشى مەملەكەتتەر قاتارىنا قوسۋ - قاسىم-جومارت كەمەلۇلىنىڭ باستى نازارىنداعى ماسەلە ەكەندىگىنە تاعى ءبىر كوزىمىز جەتتى.  سوندىقتان ءسات سايىن قۇبىلىپ، گەوساياسي جاعدايدىڭ جىلدام وزگەرىستەرگە ۇشىراپ جاتقان كەزىندە پرەزيدەنتتىڭ تاپسىرمالارى مەن باستامالارىن بۇلجىتپاي ورىنداپ، سىر ەلىنىڭ اۋىزبىرلىگى مەن سىن ساعاتتا سىر بەرمەيتىن يگى قاسيەتىن كورسەتۋىمىز قاجەت. بۇل ورايدا، ءبىزدىڭ ەندىگى مىندەت – الەۋمەتتىك-ەكونوميكالىق جاعدايدى جاقسارتۋ ارقىلى تۇراقتىلىق پەن تاتۋلىقتى نىعايتۋ»،-دەدى ايماق باسشىسى.

مەملەكەت باسشىسى 2025 جىلعا قاراي ىشكى جالپى ءونىمنىڭ جىل سايىنعى تۇراقتى ءوسىمىن 5 پايىزعا جانە ودان دا جوعارى دەڭگەيگە جەتكىزۋگە بولاتىنىن، سونداي-اق ەلباسى ۇسىنعان 2050 جىلعا دەيىنگى ۇزاق مەرزىمدى دامۋ ستراتەگياسىنا جانە ۇلت جوسپارىنا سايكەس بىرقاتار قۇرىلىمدىق مىندەتتەردى ىسكە اسىرۋدى تاپسىردى.

«پرەزيدەنتىمىز يندۋستريالاندىرۋدىڭ ءۇشىنشى بەسجىلدىعىن جۇزەگە اسىرۋ بارىسىندا بۇرىن جىبەرىلگەن قاتەلىكتەر مەن ولقىلىقتاردى ەسكەرۋ قاجەتتىگىن اتاپ ءوتتى. جالپى، يندۋستريالاندىرۋ باعدارلاماسىنىڭ  ءى جانە ءىى بەسجىلدىعى اياسىندا وڭىرىمىزدە قۇنى  150 ملرد تەڭگەنى قۇرايتىن 24 جوبا ىسكە اسىرىلىپ، 1,6 مىڭ جۇمىس ورنى اشىلدى. ناتيجەسىندە، ونەركاسىپ ونىمىندەگى وڭدەۋشى ونەركاسىپتىڭ ۇلەسى 2010 جىلى 4,3 پايىزدان  2018 جىلى 12,6 پايىزعا جەتتى، ياعني بۇل كورسەتكىش 3 ەسەگە ارتتى. سونىمەن قاتار، شيكىزاتتىق ەمەس ەكسپورت كولەمى سوڭعى 3 جىلدا 3 ەسەگە ءوستى. ەكىنشى بەسجىلدىق اياسىندا 28 جوبانىڭ 7 ىسكە قوسىلدى، جىل سوڭىنا دەيىن تاعى  4 جوبا جۇمىسىن باستايدى»،-دەدى وبلىس اكىمى.

سونداي-اق, جەرگىلىكتى اتقارۋشى ورگاندارعا قويىلعان مىندەتتەردىڭ ءبىرى – شەتەلدەن تىكەلەي ينۆەستيتسيا تارتۋ. 

وسى ورايدا، وبلىستا ينۆەستيتسيا تارتۋدى جەتىلدىرۋ جونىندە ءىس-شارالار جوسپارى جۇزەگە اسىرىلىپ، 2016 جىلدان باستاپ ينۆەستيتسيالىق احۋالدى جاقسارتۋ جونىندەگى كەڭەس  جۇمىس جۇرگىزىپ جاتقانىن اتاپ وتكەن ءجون.

مەملەكەت باسشىسى قاسىم-جومارت كەمەلۇلى جولداۋدا الەۋمەتتىك جاڭعىرۋعا ەرەكشە ماڭىزدى ماسەلە تۇرعىسىنان توقتالدى. ءبىلىم سالاسى بويىنشا، ماماندار دايارلاۋ جۇيەسىنىڭ ناقتى ەڭبەك نارىعىنان تىس قالىپ، ەڭبەك رەسۋرستارىنىڭ بالانسىن ەسەپكە الماۋدىڭ ءتيىمدى ادىستەمەسى قالىپتاسپاعانىن اتادى. ەندىگى جەردە وقۋشىلاردىڭ قابىلەتىن ايقىنداپ، كاسىبي  باعىت-باعدار بەرۋدى مىندەتتەدى.

«وزدەرىڭىزگە بەلگىلى، ءۇش جىل قاتارىنان قىزىلوردالىق تۇلەكتەردىڭ ۋنيۆەرسيتەتتەر مەن كوللەدجدەرگە  ءتۇسۋ  كورسەتكىشى  97 پايىزعا  جەتتى. قازىرگى كەزدە وبلىستىڭ ەكونوميكاسىن بىلىكتى كادرلارمەن قامتاماسىز ەتۋ ماقساتىندا مەملەكەتتىك ءبىلىم بەرۋ تاپسىرىسى ايماقتىڭ ماماندارعا دەگەن سۇرانىسى نەگىزىندە ورنالاستىرىلۋدا. ناتيجەسىندە، 2019-2020 وقۋ جىلىندا 22 جاڭا ماماندىق اشىلدى. وبلىستىڭ ەڭبەك رەسۋرستارى بالانسىنا سايكەس كوللەدجدەردە «جاڭا ماماندىقتار اتلاسىن» زەردەلەي وتىرىپ، وڭىرگە قاجەتتى جاڭا ماماندىقتاردى اشۋدى جانە بىتىرۋشىلەردى تۇراقتى جۇمىسقا ورنالاستىرۋ بويىنشا جۇمىستار جۇرگىزۋدى جانداندىرۋىمىز قاجەت»،-دەپ اتاپ ءوتتى ايماق باسشىسى.

مەملەكەت باسشىسى ۇكىمەتتىڭ كەڭەيتىلگەن وتىرىسىندا جاستاردى بەلسەندى ۆولونتەرلىك جۇمىسقا تارتۋ قاجەتتىگىن ءسوز ەتىپ، بۇعان تەك كرەديتتەر مەن وقۋداعى جەڭىلدىكتەر ءۇشىن ەمەس، وزدەرىنىڭ جۇرەك قالاۋىمەن، شىنايى نيەتىمەن كەلۋى تيىستىگىن ەسكەرتكەن بولاتىن.

«ەرىكتىلىك - ءبىزدىڭ قوعامداعى ەرەكشە قۇرمەت تۇتۋعا لايىق ءىس. جاساعان جاقسىلىقتارى ءۇشىن وتەماقى مەن ماتەريالدىق قاجەتتىلىكتى تالاپ ەتپەيتىن «ەرىكتىلەر» قىزمەتىن جوعارى باعالاۋىمىز كەرەك. بۇل رەتتە، اتا-بابامىزدان كەلە جاتقان، «اسار»، «جىلۋ جيناۋ»، «كەۋسەن بەرۋ» سالتىمىزدى جانداندىرعانىمىز ءجون»،-دەدى ق.ىسقاقوۆ.

جيىن بارىسىندا ايماق باسشىسى جولداۋدان تۋىنداعان مىندەتتەردى جۇزەگە اسىرۋعا بايلانىستى ءتيىستى سالا باسشىلارىنا تاپسىرمالار بەردى.

سونىمەن قاتار، اكتيۆ وتىرىسىندا اكادەميك، قوعام قايراتكەرى دوسمانبەتوۆ باقبەرگەن سارسەنۇلى، Q-MED كلينيكاسى قوعامدىق قورىنىڭ جەتەكشىسى بازارباەۆا راۋشان احمەتۋللاقىزى جولداۋعا بايلانىستى ءوز پىكىرلەرىمەن ءبولىستى.

Abai.kz

3 پىكىر