ۇلتتىق قوعامدىق سەنىم كەڭەسىندە ايەلدەردىڭ زەينەت جاسىن تومەندەتۋ تۋرالى ۇسىنىس ايتىلعان.

ۇكىمەت باسشىسىنىڭ ءبىرىنشى ورىنباسارى امبە قارجى ءمينيسترى ءاليحان سمايىلوۆ بۇعان قاتىستى پىكىر ءبىلدىردى، دەپ حابارلايدى Dalanews.kz.

– بىلەسىزدەر وتكەندە زاڭناماعا وزگەرىس ەنگىزدىك. الداعى 10 جىلدا ايەلدەردىڭ زەينەتكە شىعۋ جاسىن جىل سايىن 6 ايعا كوتەرىپ، ونى 58-دەن 63 جاسقا دەيىن ۇزارتۋدى كوزدەپ وتىرمىز. بۇگىندەرى وسى تالاپتار جۇزەگە اسۋدا، – دەدى قارجى ءمينيسترى.

“بۇل تۇزەتۋلەر قايتا قارالۋى مۇمكىن بە؟” دەگەن ساۋالعا سمايىلوۆ:

“ۇلتتىق كەڭەس؟ ءيا، ۇسىنىستى ەستىدىك، نازارعا الامىز. الايدا كۇللى الەمدە ءازىر كەرىسىنشە بولىپ جاتىر عوي. الەمدىك تاجىريبەدە ايەلدەر 65-67 جاستىڭ شاماسىندا زەينەتكە شىعادى. نەگە دەسەڭىزدەر جاھان جۇرتىنىڭ ءومىر ءسۇرۋ دەڭگەيى جاقسارىپ، ءومىر ءسۇرۋ جاسى جىلدان جىلعا ۇزارىپ كەلەدى”، – دەپ جاۋاپ بەردى.

ال ۇلتتىق قوعامدىق سەنىم كەڭەسىندەگى وزگە دە ۇسىنىستاردى ازىرگى كۇنى قارجى مينيسترلىگىنىڭ ماماندارى قاراستىرىپ، جاۋاپ ازىرلەپ جاتىر ەكەن.

–  ونىڭ ىشىندە زەينەت جاسىنا قاتىستى ۇسىنىس تا بار. دەگەنمەن مىنانى تۇسىنىڭىزدەر، بارشا الەمدەگىدەي ءبىزدىڭ ەلدە دە ومىر ءسۇرۋ ۇزاقتىعى جىلدان جىلعا ارتۋدا. تيىسىنشە جاسى 65 -تەن اسقان ادامداردىڭ سانى كوبەيۋدە. ءبىز 65 جاستان اسقان ادامدار حالىقتىڭ 7% -نەن اسقاندا 70 جىل دەگەن مەجەنى ەڭسەرىپ قويعانبىز. بۇل ءبىزدىڭ ەمەس، بۇۇ ستاندارتتارى بويىنشا قارتايۋشى حالىققا جاتقىزىلادى. وسىنىڭ ءبارىن ەسەپكە الۋ قاجەت، – دەدى ول.

سمايىلوۆتىڭ ايتۋىنشا، قازاقستاندا جىل سايىن قارتتاردىڭ سانى ارتىپ كەلەدى.

“ەگەر ءبىز زەينەتاقى جۇيەسى تۇراقتى جانە زەينەتكەرلەردىڭ لايىقتى ءومىر ءسۇرۋىن قامسىزداندىرا السىن دەسەك، وندا ءبىز بۇكىل جۇيەنىڭ تۇراقتىلىعى تۇرعىسىنان بۇل ماسەلەنى قاراستىرۋىمىز كەرەك. قانشا ەڭبەككە جارامدى جاستاعى ازاماتتار جۇمىس ىستەيدى، زەينەتاقى جۇيەسىنىڭ ەسەبىنەن قانشا ازاماتتى قامتاماسىز ەتۋىمىز كەرەك. وسىنداي تالداۋلار مەن زەرتتەۋلەر ناتيجەسى الدىندا ءبىز قابىلداعان زاڭناماداعى وزگەرىستەرگە نەگىز بولعان”، – دەپ ءسوزىن قورىتىندىلادى قارجى ءمينيسترى.

Abai.kz