جۇما, 29 ناۋرىز 2024
3543 1 پىكىر 30 قىركۇيەك, 2019 ساعات 11:37

وزبەكستان قاۋىپسىزدىك قىزمەتىنىڭ بۇرىنعى باسشىسى 18 جىلعا سوتتالدى

وزبەكستان مەملەكەتتىك قاۋىپسىزدىك قىزمەتىنىڭ بۇرىنعى توراعاسى يحتيور ابدۋللاەۆ 18 جىلعا سوتتالدى. وزبەكستان اسكەري سوتى 27 قىركۇيەكتە ابدۋللاەۆپەن قاتار 20-دان استام بۇرىنعى شەنەۋنىككە ۇكىم شىعارعان.

جوعارعى سوتتىڭ ءباسپاسوز قىزمەتىنىڭ حابارلاۋىنشا، ابدۋللاەۆقا "قىلمىستىق توپ قۇردى", "پارا الدى", "وزبەكستاننىڭ مۇددەسىنە قايشى كەلىسىم جاسادى", "بوپسالادى", "بوتەننىڭ مۇلكىن جىمقىردى", "كەدەن زاڭناماسىن بۇزدى", "قىزمەتتىك وكىلەتىن اسىرا پايدالاندى" جانە وزگە دە ايىپتار تاعىلعان.

سوت ۇكىمىنە سايكەس، بىرنەشە ادام ۇزاق جىلعا سوتتالعان:

  • مەملەكەتتىك قاۋىپسىزدىك قىزمەتى توراعاسىنىڭ بۇرىنعى ورىنباسارى جاحونگير يگاموۆ - 16 جىل;
  •  مەملەكەتتىك قاۋىپسىزدىك قىزمەتى توراعاسىنىڭ كەڭەسشىسى الىشەر يشانحودجاەۆ - 17 جىل;
  • تاشكەنت قالاسى پروكۋرورىنىڭ بۇرىنعى ورىنباسارى يوركين ابدۋللاەۆ - 14 جىل;
  • ادىلەت مينيسترلىگىنىڭ كادرلارمەن جۇمىس باسقارماسى توراعاسىنىڭ بۇرىنعى ورىنباسارى يوركين ابدۋللاەۆ - 8 جىل;
  • باس پروكۋروردىڭ بۇرىنعى ورىنباسارى گايرات حيدوياتوۆ – 5 جىل;
  • جوعارعى سوت توراعاسىنىڭ بۇرىنعى ورىنباسارى باحودير دەحكانوۆ – 5 جىل;
  • نامانگان وبلىسىنىڭ بۇرىنعى پروكۋرورى ۋلۋگبەك توشەۆ - 5 جىل;

جوعارعى سوت دەرەگىنشە، قالعان 15 سوتتالۋشىعا دا "جاساعان قىلمىس تۇرلەرى مەن زاردابىنا قاراي" ءتۇرلى جازا تاعايىندالعان. ولاردىڭ ناقتى قانشا جىلعا سوتتالعانى ايتىلمايدى.

بيىل 11 اقپاندا 52 جاستاعى يحتيور ابدۋللاەۆتىڭ دەنساۋلىق جاعدايىنا بايلانىستى قىزمەتىنەن بوساتىلىپ، ونىڭ ورنىنا وسى كەزگە دەيىن قورعانىس ءمينيسترى بولعان ابدۋسالوم ازيزوۆ تاعايىندالعانى حابارلانعان ەدى.

اقپاراتتا ابدۋللاەۆتىڭ ومىرتقاسىنا ەكى رەت وپەراتسيا جاساتقاننان كەيىن قىزمەتىنەن كەتكەنى ايتىلدى. 2018 جىلدىڭ 31 قاڭتارىندا مەملەكەتتىك قاۋىپسىزدىك قىزمەتىنىڭ باسشىسى بولىپ تاعايىندالعانعا دەيىن ابدۋللاەۆ وزبەكستان باس پروكۋرورى، پارلامەنتتىڭ جوعارعى پالاتاسىنىڭ مۇشەسى بولعان. باس پروكۋراتۋرا ونىڭ ۇستالعانىن تەك ءتورت اي وتكەن سوڭ راستادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564