بۇگىن بەلگىلى قوعام قايراتكەرى، جۋرناليست جانبولات ماماي الماتىدا ءباسپاسوز جيىنىن وتكىزىپ، ساياسي پارتيا قۇراتىنىن مالىمدەدى.

- ءبىزدىڭ قوعامعا وزگەرىس كەرەك. بۇگىننەن باستاپ بەيبىت جيىنعا شىعىپ، ۇستالعان ساياسي تۇتقىندار بوساتىلۋى ءتيىس. كەز كەلگەن الاڭعا شىققان ادامدى قاماپ، اكىمشىلىك جاۋاپقا تارتىپ جاتىر. بۇل دۇرىس ەمەس. بەيبىت شەرۋ تۋرالى زاڭ وزگەرۋى ءتيىس. سودان كەيىن كونستيتۋتسيا تۋرالى زاڭ دا وزگەرۋى كەرەك. قازىرگى زاڭمەن ەشتەڭە وزگەرمەيدى. ەلدە بولىپ جاتقان جاعداي ءبارىمىزدى الاڭداتىپ وتىر. ءبىز پارلامەنتتىك مەملەكەت بولۋىمىز كەرەك.

ءدال قازىر بىزدە تىركەلگەن پارتيالار بولعانىمەنەن شىنايى وزگەرىستى قالايتىن پارتيا جوق. ءبىر عانا پارتيا بار، ول – «نۇر-وتان». قالعاندارى سونىڭ كلوندارى. الدا كەلە جاتقان سايلاۋعا قاتىسىپ، كۇش بولاتىن پارتيا جوق. ءبىز الدا قيىندىق بولاتىنىن بىلەمىز. وعان دايىنبىز. ءوز سوزىمىزدە تۇراتىندىعىمىزعا ءسوز بەرەمىن. ارىپتەستەرىمىزبەن كەلىسىپ، ساياسي پارتيا قۇرۋدى كوزدەپ وتىرمىز.

پارتيا قۇرۋ ءجاي ادىلەت مينيسترلىگىنە تىركەلۋ ەمەس. ول مۇددەلەس ازاماتتاردىڭ باس قوسىپ، قوعامدى وزگەرتىپ، بيلىككە كەلۋ. ءبىز وسىعان دايىنبىز. بۇگىنگى بيلىكتىڭ ساياساتىنا كوڭىلى تولمايتىن، ەلدە وزگەرىس بولعانىن قالايتىن ازاماتتاردىڭ ءبارى بىزگە قوسىلا الادى. بىزگە ەلباسى تۋرالى، قاۋىپسىزدىك كەڭەسىنىڭ توراعاسى تۋرالى زاڭنىڭ كەرەگى نە؟ ولاردىڭ ءبارىن وزگەرتۋىمىز كەرەك. كەرەك زاڭدارعا قولدانىستا ءجۇرۋى شارت، - دەدى جانبولات ماماي.

Abai.kz