اقش پرەزيدەنتى دونالد ترامپ وسى وپەراتسيا بارىسىندا "يسلام مەملەكەتى" تەررور ۇيىمىنىڭ باسشىسى ءابۋ باكىر ءال-باعدادي ءولدى دەپ رەسمي تۇردە جاريالاعان ەدى.
"وپەراتسياعا قاتىستىق دەيتىن ەلدەردىڭ كوبەيۋى جانە ولاردىڭ قاراما-قايشى اقپاراتتارى مۇنداي وپەراتسيانىڭ شىن مانىندە بولعانىنا جانە ءساتتى وتكەنىنە كۇدىك تۋعىزادى",- دەيدى رەسەي قورعانىس مينيسترلىگىنىڭ رەسمي وكىلى كوناشەنكوۆ.
كوناشەنكوۆ رەسەي اسكەرىنىڭ اقش وپەراتسياسىنا قانشالىقتى اتسالىسقانى جايلى قورعانىس مينيسترلىگى بىلمەيتىنىن اتاپ ءوتتى. جەكسەنبى كۇنى ترامپ رەسەي اسكەرى وزدەرى باقىلايتىن اۋماق ۇستىنەن اقش تىكۇشاقتارىنىڭ ۇشىپ وتۋىنە مۇمكىندىك بەردى دەپ مالىمدەگەن بولاتىن.
كوناشەنكوۆ "يسلام مەملەكەتى" باسشىسىنىڭ "كەزەكتى ءولىمى" سيرياداعى جاعدايعا كۇرت اسەر ەتپەيدى دەپ مالىمدەدى. رەسەي قورعانىس مينيسترلىگى اقش-تان ءابۋ باكىر ءال-باعداديدىڭ ولگەنىن دالەلدەۋدى تالاپ ەتتى.
Abai.kz
