مەرزىمىنەن بۇرىن سايلاۋ وتكىزۋ جونىندە زاڭ جوباسى وكىلدەر پالاتاسىندا داۋىس بەرۋگە شىعارىلىپ، ونى 438 دەپۋتات – باسقارۋشى كونسەرۆاتيۆتى پارتيانىڭ وكىلدەرىمەن قاتار وپپوزيتسيالىق لەيبوريستتەر دە قولدادى. زاڭ جوباسىنا ەندى لوردتار پالاتاسى دا داۋىس بەرۋى كەرەك.
پرەمەر-مينيستر بوريس دجونسون برەكزيت ماسەلەسى بويىنشا تۇيىقتان شىعۋدىڭ جالعىز جولى پارلامەنت سايلاۋىن وتكىزۋ دەپ مالىمدەگەن.
وسىعان دەيىن ونىڭ پارلامەنتتى تاراتۋ بويىنشا ۇسىنىسى وتپەي قالعان.
ەۋروپا وداعى برەكزيتتىڭ مەرزىمىن الداعى 31 قاڭتارعا دەيىن جىلجىتتى. دجونسون وعان دەيىن سايلاۋ وتكىزۋ كەرەكتىگىن، ەگەر كونسەرۆاتورلار جەڭىسكە جەتسە، ەو-دان شىعۋ تۋرالى كەلىسىم راتيفيكاتسيالانادى دەيدى. قازىرگى پارلامەنت كەلىسىمدى قابىلداعان ەمەس.
Abai.kz
