سارسەنبى, 19 اقپان 2020
1940 0 پىكىر 20 قاڭتار, 2020 ساعات 10:08

شىڭعىس ايتماتوۆتىڭ قىزى پرەزيدەنتكە اشىق حات جاريالادى

ء“ۇمىت 2020” قوزعالىسىنىڭ جەتەكشىسى شىرىن ايتماتوۆا پرەزيدەنتكە اشىق حات جاريالاپ، قوزعالىس وكىلدەرىنىڭ قۋعىن كورىپ جاتقانىن مالىمدەدى.

ول قوزعالىستىڭ قاندايدا ءبىر ساياسي امبيتسياسى جوق ەكەنىن، ەلدەگى كوررۋپتسيالىق ءىس-ارەكەتتەردى اشكەرەلەۋدى عانا كوزدەيتىنىن ءبىلدىرىپ، پرەزيدەنت سوورونباي جەەنبەكوۆتەن ءوزىن قابىلداۋىن سۇرادى.

- ءبىزدىڭ بىرقاتار مۇشەلەرىمىزدى قاماپ، مۇلكىمىزدى رەيدەرلىك باسىپ الۋ ارەكەتىمەن بىرگە اڭدۋ ءجۇرىپ جاتىر. ءسىز ءسوز بوستاندىعىن قورعاپ، ۇرىلارمەن كۇرەستى توقتاتپايتىنىڭىزدى ايتقانسىز. بىراق ەلدە جاعداي كەرىسىنشە بولىپ جاتىر. سىزدەن وتىنەرىم، ء“ۇمىت 2020” قوزعالىسى وكىلى رەتىندە قابىلداڭىز. سىزبەن ەلدەگى رەپرەسسيالار جانە ءسوز بوستاندىعىنا قاتىستى بەتپە-بەت سويلەسكىم كەلەدى، - دەلىنگەن اشىق حاتتا.

ء“ۇمىت 2020” قوزعالىسى وسىعان دەيىن بىرقاتار كوررۋپتسيالىق ىستەرگە قاتىستى ءوزىنىڭ زەرتتەۋىن جۇرگىزگەن. ونىڭ ىشىندە مەملەكەتتىك كەدەن قىزمەتىنىڭ بۇرىنعى توراعاسىنىڭ ورىنباسارى بولعان رايمبەك ماترايموۆتىڭ مۇلكى جانە تابىسى تۋرالى زەرتتەۋ جۇرگىزىپ، "#REاكتسيا" ميتينگىنە بەلسەندى ءتۇردى قاتىسقان.

سودان بەرى قوزعالىس وكىلدەرى قۋعىندالىپ كەلە جاتقانىن ايتادى.

Abai.kz

0 پىكىر