قازاقستاندىق قالالاردىڭ دامۋ تاجىريبەسى وزبەكستانداعى ARCHICA 2026 كورمەسىندە ۇسىنىلادى.

6-7 ساۋىردە تاشكەنتتە ARCHICA 2026 حالىقارالىق ساۋلەت كونگرەسىنىڭ ءبىرىنشى كەزەڭى وتەدى. ءىس - شاراعا قازاقستان دەلەگاتسياسى-وڭىرلىك اكىمدىكتەردىڭ، ساۋلەت جانە بەيىندىك ۇيىمداردىڭ وكىلدەرى، سونداي-اق ۋربانيستيكا جانە ەكولوگيا سالاسىنىڭ ساراپشىلار قاتىسادى.

ARCHICA- قالالاردى دامىتۋدىڭ پراكتيكالىق تەتىكتەرى تالقىلاناتىن الاڭ، ونىڭ ىشىندە  جوبالاۋ مەن ينۆەستيتسيالاۋدان باستاپ كليماتتىق بەيىمدەلۋگە جانە تۇراقتى ينفراقۇرىلىمعا دەيىنگى ماسەلەلەر قوزعالادى.

سوندىقتان قازاقستاندىق تاراپتىڭ  شاراعا قاتىسۋى تاجىريبە الماسۋعا قاراعاندا اۋقىمدىراق قاراستىرىلماق. قالالىق كوماندالار ءۇشىن بۇل ءوز ۇستانىمدارىن حالىقارالىق پراكتيكامەن سالىستىرىپ، سونىمەن بىرگە وسى جىلدىڭ 5-6 قازانىندا استانادا وتەتىن كونگرەستىڭ ەكىنشى كەزەڭىنە دايىندالۋ مۇمكىندىگى بولماق.

جالپى پىكىرتالاستىڭ  بيىلعى  باستى تاقىرىبى - "سۋ كودى". سۋ، كليمات جانە ولاردىڭ ساۋلەت پەن قالالىق ورتاعا اسەرى باستى نازاردا. ىسكەرلىك باعدارلاما قولدانبالى ماسەلەلەردى قامتىماق. اتاپ ايتقاندا، قالالاردىڭ بىرەگەيلىگىن قالىپتاستىرۋ، ساۋلەت جوبالارىنا ينۆەستيتسيالار تارتۋ، جوبالاۋ كەزەڭىندە كليماتتىق جانە سۋ فاكتورلارىن ەسەپكە الۋ، سونداي-اق جوبالاردى ىسكە اسىرۋدىڭ قۇقىقتىق جانە باسقارۋشىلىق اسپەكتىلەرى تۋرالى ءسوز ەتىلمەك.

شاراعا قاتىسۋشىلار وسى فاكتورلاردىڭ قالا قۇرىلىسى پرينتسيپتەرىن قالاي وزگەرتەتىنىن جانە قانداي شەشىمدەر قالالاردى جاڭا جاعدايلارعا بەيىمدەۋگە مۇمكىندىك بەرەتىنىن تالقىلايدى.

تالقىلاۋعا جەتەكشى حالىقارالىق جانە وڭىرلىك ساراپشىلار - ساۋلەتشىلەر، دەۆەلوپەرلەر، ينۆەستورلار، UN-Habitat قوسا العاندا، قالالىق اكىمشىلىكتەر مەن حالىقارالىق ۇيىمداردىڭ وكىلدەرى قاتىسادى.

سپيكەرلەر قاتارىندا - گارري دوببس (Harry Dobbs Design, ۇلىبريتانيا), يرينا ۆاگانوۆا (Orange Architects, نيدەرلاندى), الەكسەي بوەۆ (IDENTITY.IN, Neutelings Riedjik Architects, نيدەرلاندى), مەتتيۋ فرانتس (Frantz Slater Design Collective, ۇلىبريتانيا), لەسلي گرەي (Barker Langham, ۇلىبريتانيا), ماريا سۋلتانوۆا (ساد ستۋدياسى ، وزبەكستان), بوبير كلىچەۆ (ARC Architects, وزبەكستان).

ماسەلەلەردى تالقىلاۋعا جاڭا تاشكەنت قۇرىلىسى جونىندەگى ديرەكتسيا باسشىلىعى، سونداي-اق ورتالىق ازيادان كەلگەن ساراپشىلار، ونىڭ ىشىندە باس ساۋلەتشىلەر مەن "جاسىل" قۇرىلىس جانە ۋربان-ەكونوميكا ماماندارى قاتىسادى.

سونىمەن قاتار، ARCHICA 2026-عا قاتىسۋدى قازاقستان مەن وزبەكستاننىڭ مەملەكەتتىك ورگاندارىنىڭ وكىلدەرى راستادى: وزبەكستان رەسپۋبليكاسىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ءمينيسترىنىڭ ورىنباسارى داۆرونجون ءادىلوۆ; قازاقستان رەسپۋبليكاسى ونەركاسىپ جانە قۇرىلىس مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى باقىتجان جۇنىسبەكوۆ. سونداي-اق، كونگرەسكە جامبىل، قاراعاندى، پاۆلودار، اتىراۋ، قىزىلوردا وبلىستارى مەن تاراز جانە وسكەمەن قالالارىنىڭ ساۋلەت جانە قالا قۇرىلىسى باسقارمالارىنىڭ باسشىلىعى قاتىسادى; جامبىل، قىزىلوردا وبلىستارى مەن اتىراۋ قالاسىنىڭ اكىمدىكتەرى جانە باسقا دا كوپتەگەن مەملەكەت قايراتكەرلەرى.

كونگرەسس "نيپي استاناگەنپلان" جشس، وزبەكستان ساۋلەتشىلەر وداعى، استانا ۋربانيستيكا ورتالىعى، Habitat Academy جانە بۇۇ-نىڭ ەلدى مەكەندەر جونىندەگى باعدارلاماسىنىڭ (UN-Habitat) قولداۋىمەن وتۋدە.

ARCHICA 2026 كاسىبي ورتانى قالىپتاستىرادى، وندا تالقىلاناتىن يدەيالار  ولاردى ايماقتاعى قالالاردا ودان ءارى جۇزەگە اسىرۋمەن تىكەلەي بايلانىستى.

Abai.kz