سارسەنبى, 19 اقپان 2020
46 - ءسوز 1068 14 پىكىر 21 قاڭتار, 2020 ساعات 14:28

ەلىمىزدەگى بارلىق ەكونوميكالىق رەفورمالار رەسەيدەن كوشىرىلگەن

Economic Analysis of Russia

سيۋزان لينز ەسىمدى پروفەسسوردىڭ رەسەي ەكونوميكاسى جايلى لەكتسياسىن تىڭداپ وتىرىپ، قازاقستان ويىما كەلە بەردى. ەلىمىزدەگى بارلىق دەرلىك ەكونوميكالىق رەفورمالار مەن باعدارلار رەسەيدەن كوشىرىلگەن ەكەن. قازاقستان-2050, ۇزدىك 50, سوسىن 30 ەل قاتارىنا كىرۋ دەگەن سياقتى امبيتسيالار (پۋتين بيلىككە كەلگەن جىلدارى 10 جىل ىشىندە رەسەيدى 20 دامىعان ەل قاتارىنا كىرگىزۋدى جوسپارلاعان ەكەن), شاعىن جانە ورتا بيزنەستى دامىتۋ، كەدەيلىكتى ازايتىپ، جۇمىسسسىزدىقتى جويۋعا باعىتتالعان بارلىق ەكونومەتريالىق ەسەپتەردىڭ بارلىعى ورىستاردان كوشىرىلىپتى.

MSU پروفەسسورىنىڭ ايتۋىنشا، رەسەيدىڭ قازىرگى ەكونوميكالىق ءجۇرىسى 2000-جىلداردىڭ باسىندا ءتيىمسىز ەكەندىگى بەلگىلى بولعان ەكەن. بىراق سوندا دا ەش وزگەرتىلمەپتى. سەبەبى ول وليگارح-تارعا ءتيىمدى. ولاردىڭ مونوپوليالىق بيزنەسىنە ءتيىمدى ەكەن.

ال رەسەيدىڭ قازىرگى ديدجيتال ترانفورماتسياسى، كولەڭكەدەگى ەكونوميكامەن كۇرەس، بەيرەسمي جۇمىسپەن قامتۋدى جويۋ سىندى باعىتتارى دا قازاقستاندا ءجۇرىپ جاتىر. ءتىپتى دامۋ باعىتىنداعى كريپتوۆاليۋتانى دامىتۋعا تىرىسۋى دا قازاقستانداعى AIFC توڭىرەگىندە سايد ەففەكت بەرىپ جاتىر.

قازاقستاندا وسىدان 4 جىل بۇرىن جۇمىسسىزدار سانىن انىقتاۋ ءادىسىن وزگەرگەنى ەستەرىڭىزدە بولار. مىسالى، ءسىز الدىمەن جۇمىس بابىمەن بيرجاعا كەلەسىز. سوسىن ورتالىق ماماندارى سىزگە كەلەسى 10 كۇن ىشىندە جۇمىس تابۋعا تىرىسادى. ال ءسىز ءار ءۇش كۇن سايىن جۇمىس ىزدەپ جاتقانىڭىزدى كورسەتۋ ءۇشىن ورتالىققا كەلىپ، تىركەۋدى جاڭارتىپ وتىرۋىڭىز كەرەك (بىرىنشىدەن ەشكىم بيرجاعا بارىپ، جۇمىس سۇرامايدى. سوسىن ءار ءۇش كۇن سايىن ەشكىم بارىپ، تىركەۋىن جاڭارتپايدى). ەگەر كەلمەسەڭىز، ءسىزدى جۇمىسسىز دەپ سانامايدى. وسىلاي ۇكىمەت قازاقستانداعى جۇمىسسىزدار كورسەتكىشىن ازايتىپ ءجۇر. بۇل رەسەي ۇكىمەتىندەگى ەكونوميستەردەن كوشىرىلگەن ەكەن.

جالپى قازاقستان ەكونوميكاسىن، ماكروەكونوميكا جانە ميكروەكونوميكانىڭ نە ەكەنىن ۇعىنۋ ءۇشىن وسى سەمەستردە "Economic Analysis of Russia" ساباعىنا جازىلدىم. بۇل ماگيسترلىك دەڭگەيدەگى ساباق بولعانى ءۇشىن جانە مەن ەكونوميكا فاكۋلتەتىنەن بولماعانىم ءۇشىن رۇقسات الۋ قيىنداۋ بولدى. "ەكونوميكا تاقىرىبىندا بىرقاتار ماقالا جازدىم، ورىس ءتىل ءبىلۋىم مەنى رەسەي مەن تمد ەلدەرىننىڭ ەكونوميكاسىنا اناليز جاساۋعا ءبىر تابان جاقىنداتادى" دەپ ارەڭ پرەرەكۆيزيتتەردى الدىردىم.

ەگەر قىزىق كورسەڭىزدەر، ءار لەكتسيانى قىسقا-قىسقا وسىندا جازىپ تۇرامىن. ءسىزدىڭ ويىڭىزشا، قازاقستان مەن رەسەي ەكونوميكاسى اراسىندا مەن كەلتىرگەن ۇقساستىقتاردان باسقا، تاعى قانداي بىرىڭعاي كوشىرمەلەر بار؟

جولداس ءورىسبايدىڭ الەۋمەتتىك جەلىدەگى جازباسىنان

Abai.kz

14 پىكىر