سەنبى, 28 ناۋرىز 2020
بيلىك 8202 0 پىكىر 17 ماۋسىم, 2014 ساعات 10:40

استانا عيماراتتارى: اقوردا

استانا. 16 ماۋسىم. Baq.kz – اقوردا دەگەن ايشىقتى اتاۋمەن قازاق تاريحىن بۇگىنگى زامانمەن ۇشتاستىرىپ تۇرعان وسىناۋ التىن شاڭىراق ەل ساۋلەت ونەرىنىڭ اسا ۇزدىگى. رەسمي تىلدە قازاقستان رەسپۋبليكاسى پرەزيدەنتىنىڭ رەزيدەنتسياسى دەلىنەتىن اسەم دە سالتاناتتى عيمارات – ساۋلەتشىلەردىڭ تىلىمەن ايتقاندا جاڭا اكىمشىلىك ورتالىقتىڭ جيناقتاۋشى تۇعىرى.

رەزيدەنتسيا وزىنە ەڭ تاياۋ دەگەن قۇرىلىستاردان 300 مەتر جەردە بيىكتىگى 6 مەتر جاساندى جوتانىڭ ۇستىندە وقشاۋ تۇر.

نەگىزى كەسكىن رەتىندە كلاسسيكالىق كۋبيكتىك فورما تاڭدالىپ الىنعان. عيمارات قابىرعالارعا سىڭىرىلگەن كولوننالار ارقىلى سالتاناتتى رەڭدە، سىرت قاراعاندا ءارى جەڭىل.

اقوردانىڭ اۋماقتى دا ەڭسەلى كۇمبەزى كوكسەڭگىرلەنىپ ارقا اسپانىمەن استاسىپ جاتىر. كۇمبەزدىڭ ۇشار بيىگىندە جەر شارى مۇسىندەلگەن، ودان جوعارىدا قاناتىن جايىپ جىبەرگەن قىران – تاۋەلسىز ەلدىڭ، ەڭسەسىن تىكتەگەن قازاق ۇلىسىنىڭ كەڭ الەمگە ەركىن قۇلاش ۇرعان شاعى. جەر شارىن سۇر جەبە كوتەرىپ تۇر. جەبە تاريحىن تالاي تار جول، تايعاق كەشۋىن باستان كەشىرگەن حالىقتىڭ قاھارماندىعىن، ايباتى مەن سۇڭقار سەستىلىگىن، مۇقالماس جىگەرىن بىلدىرسە، جۇمىر جەر ادامزاتتىڭ التىن ۇياسى ۇعىمىن ۇقتىرادى. جەر-انا ارداعىڭ دا، قاسيەتىڭ دە، قاستەرلىڭ دە، ول سوندىقتان دا بارىنەن بيىك قويىلعان.


عيماراتتىڭ بۇكىل بولمىس-بىتىمىنەن كوكىرەگى وياۋ قازىرگى تولقىن تىڭ مانەردى – ەۋرازيالىق ساۋلەتكەرلىك قولتاڭبانى تاني الار ەدى. شىعىستىڭ ساۋلەت ۇلگىسىمەن فاسادتار ارقىلى جاراسىمدىلىق تاپتان بۇل مانەردى باسقاشا اتاۋ مۇمكىن ەمەس. وسى جاعىنان كەلگەندە اقوردا قازاقستاندا جاڭا ساۋلەت باعىتىن تۋدىرا الاتىن اسا قۇندى ساۋلەت تۋىندىسى.

 

اقوردانىڭ ىشكى كەلبەتى دە ۇلتتىق ونەر مەن داستۇرگە مول. 

سالتاناتتى حولل.

 

قر پرەزيدەنتىنىڭ اتىنان رەسمي قابىلداۋلار وتكىزىلەتىن سالتاناتتى زال.

پرەزيدەنتتىڭ باق وكىلدەرىمەن كەزدەسۋ مەن پرەسس-كونفەرەنتسيا وتكىزۋگە ارنالعان زال.

قىسقى باق.

رەزيدەنتسيادا ەل پرەزيدەنتى جوعارى مارتەبەلى شەتەل قوناقتارىن باق وكىلدەرىن قابىلداپ، مەملەكەتتىك ناگرادالار تاپسىرادى، ماجىلىستەر مەن ءار ءتۇرلى سالتاناتتى جيىندار وتكىزەدى. 

دەرەككوز: "استانا". كىتاپ-البومى.

عابيت ماداليەۆ (فوتو)

Baq.kz

0 پىكىر