بەيسەنبى, 1 قازان 2020
COVID-19 قازاقستاندا. جۇقتىرعاندار — 107979. جازىلعاندار — 102937. قايتىس بولعاندار — 1725
ەكونوميكا 3453 0 پىكىر 18 قاراشا, 2019 ساعات 12:50

كارىز جۇيەسىن تازالايتىن العاشقى وتاندىق بيوپرەپارات سىناقتان ءوتتى

 

نۇر-سۇلتاندا «يننوۆاتسيالاردى ىنتالاندىرۋ: عىلىم مەن بيزنەستىڭ كووپەراتسياسى» اتتى كونفەرەنتسيا وتۋدە. ءىس-شارا قازاقستانداعى عىلىمي جەتىستىكتەردى كوممەرتسيالاندىرۋدىڭ تابىستى تاجىريبەلەرىن تانىستىرۋ ءۇشىن ماڭىزدى وقيعالاردىڭ ءبىرى بولىپ سانالادى. كونفەرەنتسيا «ءونىمدى يننوۆاتسيالاردى ىنتالاندىرۋ» جوباسى اياسىندا قر ءبىلىم جانە عىلىم مينيسترلىگى دۇنيەجۇزىلىك بانكپەن بىرلەسىپ ۇيىمداستىرىلدى.
كونفەرەنتسيا بارىسىندا كولدەر مەن كاناليزاتسيالىق اعىنداردى تازالاۋ بويىنشا العاشقى وتاندىق بيوپرەپارات تانىستىرىلدى.
«دۇنيەجۇزىلىك بانك پەن قر بعم گرانتىنىڭ ارقاسىندا «ءونىمدى يننوۆاتسيالاردى ىنتالاندىرۋ» جوباسى اياسىندا ءبىز بەلسەندى ميكروورگانيزمدەر نەگىزىندە العاشقى وتاندىق «BioMix7BL» بيوپرەپاراتىن ازىرلەدىك. كولدەردى جانە كاناليزاتسيالىق اعىنداردى ورگانيكالىق لاستاعىشتاردان بيولوگيالىق تازارتۋ ءۇشىن «جاسىل» تەحنولوگيا ازىرلەندى. پرەپاراتتى سىناۋ «استانا سۋ ارناسى» كاناليزاتسيالىق تازارتۋ يماراتتارى مەن بالقاش بالىق شارۋاشىلىعى بازاسىندا جۇرگىزىلدى، وندا كۇكىرتسۋتەگىنىڭ سانى 22 ەسەگە قىسقاردى. پرەپارات اعىندى سۋلاردى ورگانيكالىق لاستاعىشتاردان تازارتۋدىڭ جوعارى دەڭگەيىن كورسەتتى»، - دەدى جوبا جەتەكشىسى اسلان تەمىرحانوۆ.
كونفەرەنتسيا شەڭبەرىندە سونداي-اق «ءونىمدى يننوۆاتسيالاردى ىنتالاندىرۋ» جوباسىنىڭ وپەراتسيالىق قىزمەتى ماسەلەلەرى بويىنشا پىكىرتالاس الاڭى ءوتتى، وندا عىلىم مەن بيزنەستىڭ تىعىز ءوزارا ءىس-قيمىلىنىڭ وزەكتى ماسەلەلەرى، سونداي-اق قازاقستاندىق عىلىمي جەتىستىكتەردى دامىتۋدىڭ ماڭىزدى فاكتورلارىنىڭ ءبىرى رەتىندە يننوۆاتسيالاردى ىنتالاندىرۋدى قولداۋ تالقىلاندى.

0 پىكىر