قازاقستانداعى جوو رەيتينگى
«اتامەكەن» ۇلتتىق كاسىپكەرلەر پالاتاسى ەكى جىل قاتارىنان قر ءبىلىم جانە عىلىم مينيسترلىگىمەن بىرلەسىپ، قازاقستاندىق جوعارى وقۋ ورىندارىنىڭ ءبىلىم بەرۋ باعدارلامالارىنا تاۋەلسىز باعالاۋ جۇرگىزىپ كەلەدى.
ەلىمىزدىڭ جوعارى وقۋ ورىندارىنىڭ جۇيەسىندە وتكىزىلەتىن رەيتينگ – جوعارى وقۋ ورنىنىڭ باسەكەلى ارتىقشىلىقتارىن انىقتاۋ، ونىڭ بەدەلىن كوتەرۋ جانە ءبىلىم بەرۋ قىزمەتتەرىنىڭ ۇلتتىق جانە حالىقارالىق نارىقتارىندا ونىڭ ابىرويىن كوتەرۋگە باعىتتالعان.
بيىلعى جىلعى رەيتينگ قورىتىندىلارىن تانىستىرعان پالاتا مەن بعم وكىلدەرى ءوز پىكىرلەرىن جاريا ەتتى. «رەيتينگ 17 كريتەري بويىنشا جۇرگىزىلدى، ولار: جۇمىسپەن قامتىلعان تۇلەكتەردىڭ پايىزى جانە ولاردىڭ ورتاشا ايلىق ەڭبەكاقىسى («ەڭبەك رەسۋرستارىن دامىتۋ ورتالىعى» اكتسيونەرلىك قوعامى ۇسىنعان مالىمەت), وقۋ اياقتاعان سوڭ جۇمىس ىزدەۋ ۇزاقتىعى، سونداي-اق، باعدارلامالاردىڭ وزەكتىلىگىن باعالاۋ»، – دەيدى اتامەكەندىكتەر.
ءبىلىم بەرۋ باعدارلامالارىنىڭ نەگىزىنە - بيزنەستىڭ جوو تۇلەكتەردىڭ ناقتى بىلىمىنە، ىسكەرلىگىنە جانە داعدىلارىنا دەگەن قاجەتتىلىگى الىنۋى ءتيىس، ياعني، ءبىلىم بەرۋ باعدارلامالارىن جۇمىس بەرۋشىلەردىڭ ۇسىنىستارىن ەسكەرە وتىرىپ دايىنداۋ قاجەت دەگەن قورىتىندى جاسالىپ وتىر. ويتكەنى، ءدال وسى ءتاسىلدى قولداناتىن جوعارى وقۋ ورىندارى رەيتينگ ناتيجەلەرى بويىنشا ۇزدىكتەردىڭ قاتارىندا كەلەدى.
ماسەلەن، رۋدنىي يندۋستريالدىق ينستيتۋتىن «جىلۋ ەنەرگەتيكاسى» ماماندىعى بويىنشا بىتىرگەن تۇلەكتەر 100% جۇمىسقا ورنالاسادى. بۇل كورسەتكىش ل. ن. گۋميلەۆ اتىنداعى ەۇۋ-مەن سالىستىرعاندا، ءبىرشاما جوعارى (69%). نەگە؟ ويتكەنى اتالمىش وقۋ ورنى ERG كومپانياسىمەن تىعىز بايلانىستا جۇمىس ىستەيدى جانە جۇمىس بەرۋشىمەن بىرگە ءبىلىم بەرۋ باعدارلامالارىن جاساپ، ءوز تۇلەكتەرىنىڭ جۇمىسقا ورنالاسۋىنا كەپىلدىك بەرەدى. بۇل تەزيس ءبىلىم بەرۋ باعدارلامالارىنىڭ وزەكتىلىگى ءۇشىن بەرىلەتىن باللدى راستايدى. قازىرگى كەزدە رۋدنىي يندۋستريالدىق ينستيتۋتىنىڭ "جىلۋ ەنەرگەتيكاسى" ماماندىعى بويىنشا ءبىلىم باعدارلاماسى قول جەتكىزۋگە بولاتىن 5 باللدىڭ 4,8 ۇپايىن يەمدەنىپ وتىر.
الايدا جۇمىس بەۋشىلەردى ءبىلىم باعدارلامالارىنىڭ وزەكتىلىگى، جالپى العاندا، 32 پايىزعا عانا قاناعاتتاندىرادى (666 ءبىلىم بەرۋ باعدارلاماسى).
«قر-دىڭ 60-تام استام جوعارى وقۋ ورنى بولاشاق جۇمىسسىزداردى دايىندايدى دەسە دە بولادى. كەيبىر جوعارى وقۋ ورنى ساپالى ءبىلىم بەرۋگە تىرىسپايدى، ەسەسىنە ديپلومداردى باسىپ شىعارىپ، تەز اقشا تابۋدا. ويتكەنى بىلىمگە ەمەس، قۇجاتقا سۇرانىس بار»، – دەپ قورىتىندى جاسايدى زەرتتەۋ توبى.
«اتامەكەن» مۇنداي بەتالىسپەن كۇرەس رەتىندە اكىمشىلىك ءادىستى ۇسىنادى، ياعني وقۋ ورىندارى بولاشاق جۇمىسسىزداردى دايىنداماۋى ءۇشىن ولاردىڭ ليتسەنزيالارىن قايتارىپ الۋ قاجەت. سونىمەن قاتار رەيتينگ ناتيجەسى مەملەكەتتىك ءبىلىم بەرۋ گرانتتارىن ءبولۋ كەزىندە ەسكەرەلۋى ءتيىس. ولجاس ورداباەۆتىڭ ايتۋىنشا، ناشار ماماندى دايىندايتىن جوعارى وقۋ ورنىنا مەملەكەتتىك قاراجات بولىنبەۋى كەرەك. ياكي، «اتامەكەن» ۇكپ مەملەكەتتىك ءبىلىم بەرۋ گرانتتارىن ءبولۋ ەرەجەلەرىنە وزگەرىستەردى ەنگىزۋدى ۇسىنادى (قر بعم-نىڭ №122 بۇيرىعى): ەگەر جوو رەيتينگتىڭ تومەنگى بولىگىندە بولسا، كوميسسيا مۇنداي ءبىلىم ورداسىنا مەملەكەتتىك تاپسىرىس بويىنشا وقىتۋ قۇقىعىنان ايىرۋعا قۇقىلى.
سونداي-اق زەرتتەۋ ايشىقتاعان تاعى ءبىر تۇجىرىم - ءبىلىم بەرۋ گرانتتارىنىڭ ماقساتقا ساي قولدانىلماۋى. ءبىلىم بەرۋ جانە اگرارلىق باعىتتارداعى تۇلەكتەردىڭ ماماندىق بويىنشا جۇمىسىنىڭ تومەن پروتسەنتى بايقالادى. ماسەلەن، 2018 جىلى 2886 جاس مامان ءبىلىم بەرۋ گرانتى نەگىزىندە ءبىلىم باعىتى بويىنشا وقۋ ورنىن اياقتادى. الايدا 1010 تۇلەك قانا (35%) ماماندىق بويىنشا جۇمىسقا ورنالاستى، ال 1255 (43%) ماماندىعى بويىنشا جۇمىس جاسامايدى، 621 (22 %) تۇلەك مۇلدەم جۇمىس ىستەمەيدى. اگرارلىق باعىت بويىنشا 1552 تۇلەك ءبىتىردى، ونىڭ ىشىندە 169 (11%) ءوز ماماندىعى بويىنشا جۇمىسقا ورنالاسقان بولسا، 954 (61%) ماماندىعىنا ساي جۇمىس ىستەمەيدى، 429 (28%) جۇمىسقا ورنالاسپاعان. ەگەر مىسال رەتىندە وقۋ اقىسىنىڭ ورتاشالانعان ءبىر جىلدىق مولشەرىن الساق – 350 مىڭ تەڭگە، وندا مەملەكەت ءبىلىم باعىتى بويىنشا 2,6 ملرد. تەڭگە, اگرارلىق باعىت بويىنشا 2 ملرد. تەڭگە ءتيىمسىز جۇمساعان بولىپ تۇر. دال وسىنداي بەتالىس اقىلى ءبولىمنىڭ تۇلەكتەرىندە دە بايقالدى، وسىدان مەكتەپ تۇلەكتەرىنىڭ اراسىندا كاسىپتىك باعدارلاۋ جۇمىستارى از جۇرگىزىلەدى، تۇلەكتەرمەن جانە ولاردىڭ اتا-انالارىمەن جۇرگىزىلەتىن جۇمىستىڭ تيىمدىلىگى تومەن، سونداي-اق مەكتەپ پەن جوعارى وقۋ ورىندارىنىڭ اراسىندا ءوزارا بايلانىس جوق دەگەن قورىتىندى جاساۋعا بولادى.
جالپى العاندا، قازاقستان قوعامىندا جوعارى بىلىمگە دەگەن ۇلكەن سۇرانىستىڭ بولۋى جانە ەڭبەك نارىعىندا ماماندارعا قاجەتتىلىكتىڭ ارتۋى قوعامنىڭ جانە جەكە تۇلعانىڭ ءارتۇرلى ۋنيۆەرسيتەتتەردەگى ءبىلىم ساپاسى تۋرالى قولجەتىمدى جانە سەنىمدى اقپاراتقا دەگەن قىزىعۋشىلىعىن تۋدىراتىنى تۇسىنىكتى. ءبىلىم بەرۋ نارىعىندا ۋنيۆەرسيتەتتەردىڭ باسەكەلەستىگى كۇشەيىپ كەلەدى. عىلىم مەن ءبىلىمنىڭ كوممەرتسياليزاتسياسى جاعدايىندا ۋنيۆەرسيتەتتەرگە، ءتىپتى ستۋدەنتتەرگە ينۆەستيتسيالاۋعا دايىن ينۆەستورلار پايدا بولىپ جاتىر، الايدا شەشىم قابىلداۋ ءۇشىن ءارتۇرلى ۋنيۆەرسيتەتتەردەگى زەرتتەۋ دەڭگەيى مەن ءبىلىم بەرۋ قىزمەتىنىڭ ساپاسى تۋرالى وبەكتيۆتى مالىمەتتەرگە مۇقتاج. بۇل رەيتينگتىك زەرتتەۋ – وسى قاجەتتىلىكتىڭ ورنىن تولتىرادى.
90 ماماندىق بويىنشا رەيتينگتەر ءارى مينيسترلىككە، ءارى ابيتۋريەنت پەن ونىڭ اتا-اناسىنا، ءارى جوو ءوزارا باسەكەلەستىگىنە، ءارى الەۋەتتى جۇمىس بەرۋشى رەتىندەگى بيزنەسكە پايدالى بولماق.
ماماندىقتار جانە وڭىرلەر بويىنشا رەيتينگتەردى جەلتوقسان ايىنىنڭ ورتاسىنان باستاپ «اتامەكەننىڭ» سايتىنان قاراۋعا بولادى.
انىقتاما ءۇشىن:
رەيتينگتى قالىپتاستىرۋ بارىسىندا 90 ماماندىق قامتىلدى، 2000 ءبىلىم بەرۋ باعدارلاماسى باعالاندى، قر-دىڭ بارلىق وڭىرىندەگى 700 ساراپشى 6000 ساراپتامالىق قورىتىندى شىعاردى.
رەيتينگ 17 كريتەري بويىنشا جۇرگىزىلدى، ولاردىڭ ىشىندە: جۇمىسپەن قامتىلعان تۇلەكتەردىڭ پايىزى جانە ولاردىڭ ورتاشا ايلىق ەڭبەكاقىسى، وقۋ اياقتاعان سوڭ جۇمىس ىزدەۋ ۇزاقتىعى، سونداي-اق، باعدارلامالاردىڭ وزەكتىلىگىن باعالاۋ بار.
جۇرگىزىلگەن رەيتينگ بارىسىندا تۇلەكتەردىڭ جۇمىسقا تۇرۋ دەڭگەيى 74%-دى قۇرايتىنى انىقتالدى، تۇلەكتەردىڭ ورتاشا ايلىق ەڭبەكاقىسى – 103 285 تەڭگە.
ديپلومدى الۋ ۋاقىتىنان باستاپ جۇمىستى ىزدەۋ ۇزاقتىعى ورتا ەسەپپەن 3,5 ايدى قۇرايدى، «كولىك قۇرىلىسى» ماماندىعى بويىنشا تۇلەكتەر تەز جۇمىس تابادى – 2 اي، ال «شەتەلدىك فيلولوگيا»، «ستوماتولوگيا»، «كەدەن ءىسى» ماماندىقتارىنىڭ تۇلەكتەرى جۇمىس ىزدەۋگە 5 ايدان اسا ۇزاق ۋاقىت جۇمسايدى
توپ 10 جوعارعى وقۋ ورنى
كوشباسشى ورىندارعا ماماندىقتار بولىنىسىندە ءبىلىم بەرۋ باعدارلامالارىنىڭ ەڭ كوپ سانىن ۇسىنعان جانە ولاردىڭ ساپالى ورىندالۋىن، ولاردىڭ مازمۇندىق رەسىمدەلۋىن كورسەتكەن، ساراپتامالىق قاۋىمداستىقتىڭ باعالاۋى بويىنشا زاماناۋي بەتالىستاردى ەسكەرە وتىرىپ، ولاردى جاڭارتا بىلگەن جوعارى وقۋ ورىندارى الدى، بۇل وقۋ ورىندارىنىڭ تۇلەكتەرىنە ەڭبەك نارىعىندا سۇرانىس وتە جوعارى جانە ت.ب.
بۇل ورايدا،
كازگيۋ ۋنيۆەرسيتەتى
حالىقارالىق اقپاراتتىق تەحنولوگيالار ۋنيۆەرسيتەتى
سۇلەيمان دەميرەل اتىنداعى ۋنيۆەرسيتەت
قازاقستان-بريتان تەحنيكالىق ۋنيۆەرسيتەتى
م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى سەكىلدى وقۋ ورىندارى 2018 جىلعى رەيتينگتە دە كوشباسشى ورىندارعا يە بولعان.
اۋتسايدەرلەر قاتارى
وكىنىشكە وراي، كوپتەگەن ولشەمدەر بويىنشا ءوز جولىن باسقالارعا بەرگەن وقۋ ورىندارى دا بولدى. ءبىلىم بەرۋ باعدارلامالارىن تالداۋ ولاردا قايتالاناتىن مودۋلدەردىڭ بارىن ايقىندادى. سونداي-اق ماماندىققا تىكەلەي قاتىسى جوق مودۋلدەر بارشىلىق، تەوريا مەن پراكتيكانىڭ اراسىندا بايلانىس جوق. تىم وسال ءبىلىم بەرۋ باعدارلاماسى. ءبىلىم بەرۋ باعدارلامالارى پاندەرىنىڭ سيللابۋستارى ستۋدەنتتەرگە اقپارات كوزدەرىن تاڭداۋعا مۇمكىندىك بەرمەيدى. ادەبيەت ءتىزىمى شەكتەلگەن، كەيبىر پاندەر بويىنشا سالالار بويىنشا ءتيىستى قاتىناستاردى رەتتەيتىن نورماتيۆتىك قۇقىقتىق اكتىلەرگە سىلتەمەلەر بەرىلمەگەن.
سونىمەن، ەڭ تومەن ورىندارعا يە بولعان جوعارى وقۋ ورىندارىنىڭ اراسىندا مىنا ۋنيۆەرسيتەتتەر:
سىرداريا ۋنيۆەرسيتەتى
SilkWay حالىقارالىق ۋنيۆەرسيتەتى
قازاقستاننىڭ تەڭىز ۋنيۆەرسيتەتى
وڭىرلىك الەۋمەتتىك-يننوۆاتسيالىق ۋنيۆەرسيتەتى
ورتالىق ازيا ۋنيۆەرسيتەتى
استانا ۋنيۆەرسيتەتى
ا. قۋاتبەكوۆ اتىنداعى حالىقتار دوستىعى ۋنيۆەرسيتەتى
بولاشاق ۋنيۆەرسيتەتى
تۇلەكتەردىڭ جۇمىسقا ورنالاسۋى بويىنشا تومەن پروتسەنت
تالداۋ دەرەكتەرى بويىنشا تۇلەكتەردىڭ ماماندىق بويىنشا جۇمىسقا ورنالاسۋ كورسەتكىشى 50% تومەن بولعان 61 وقۋ ورنى انىقتالدى. وسى تىزىمنەن 12 وقۋ ورنىنىڭ جۇمىسقا ورنالاسۋ پروتسەنتى 50% تومەن ماماندىقتاردىڭ ەڭ كوپ سانى (3-15 ماماندىق) بار.
بۇل باعىتتا ەڭ كەلەڭسىز جاعداي مىنا وقۋ ورىندارىندا قالىپتاستى:
- SilkWay حالىقارالىق ۋنيۆەرسيتەتءى - 6 رەيتينگ بويىنشا
- سىرداريا ۋنيۆەرسيتەتءى – 5 رەيتينگ بويىنشا
- حالىقارالىق گۋمانيتارلىق-تەحنيكالىق ۋنيۆەرسيتەتءى – 5 رەيتينگ بويىنشا
- وڭىرلىك الەۋمەتتىك-يننوۆاتسيالىق ۋنيۆەرسيتەت – 4 رەيتينگ بويىنشا
- ورتالىق ازيا ۋنيۆەرسيتەتءى - 4 رەيتينگ بويىنشا
- شىمكەنت ۋنيۆەرسيتەتءى - 3 رەيتينگ بويىنشا
- استانا ۋنيۆەرسيتەتءى - 3 رەيتينگ بويىنشا
سونداي-اق تالداۋ كەزىندە مىنا وقۋ ورىندارىندا ماماندىق بويىنشا 30%-دان تومەن جۇمىسقا ورنالاسۋ كورسەتكىشى انىقتالدى:
- د. قوناەۆ اتىنداعى ەۋرازيالىق زاڭ اكادەمياسى – حالىقارالىق 29%
- حالىقارالىق گۋمانيتارلىق-تەحنيكالىق ۋنيۆەرسيتەتءى – ينفورماتيكا (جاراتىلىس عىلىمدارى) 29%
- وڭىرلىك الەۋمەتتىك-يننوۆاتسيالىق ۋنيۆەرسيتەت – كاسىپتىك وقۋ 25%
- ورتالىق ازيا ۋنيۆەرسيتەتءى - ەكونوميكا 20%
تۇلەكتەردىڭ از سانى
2018 جىلى 5 تۇلەكتەن از كونتينگەنتى بار بب جالپى سانى 261 باعدارلاما قۇرادى.
ەڭ قولايسىز جاعداي مىنا وقۋ ورىندارىندا بايقالادى:
| № | جوو اتاۋى | 5 تۇلەكتەن<
ماماندىقتار سانى |
| 1 | ورتالىق ازيا ۋنيۆەرسيتەتى | 21 |
| 2 | ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى | 14 |
| 3 | قازاق ۇلتتىق اگرارلىق ۋنيۆەرسيتەتى | 12 |
| 4 | سەمەي ق. شاكارىم اتىنداعى جەزقازعان ۋنيۆەرسيتەتى | 11 |
| 5 | ءو.ا. بايقوڭىروۆ اتىنداعى جەزقازعان ۋنيۆەرسيتەتى | 11 |
| 6 | استانا ۋنيۆەرسيتەتى | 10 |
| 7 | اكادەميك ز.الدامجار اتىنداعى قوستاناي الەۋمەتتىك-تەحنيكالىق ۋنيۆەرسيتەتى | 9 |
| 8 | س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى | 9 |
ءبىلىم بەرۋ باعدارلامالارىنىڭ ەڭبەك نارىعىنىڭ تالاپتارىنا سايكەستىگى
2019 جىلعى رەيتينگتىڭ ناتيجەلەرىن تالداۋ قورىتىندىسى بويىنشا جۇمىس بەرۋشىلەردىڭ ءبىلىم بەرۋ باعدارلامالارىنىڭ ساپاسى مەن وزەكتىلىگىنە قاناعاتتانۋشىلىعى:
- جۇمىس بەرۋشىلەردىڭ تالاپتارىنا سايكەس كەلەدى: 32,6% وقۋ كەزىندەگى جۇمىس
كەلەسى انىقتالعان فاكتور – وقۋ كەزىندە جۇمىس ىستەۋ. كۇندىزگى وقۋ ءبولىمى تۇلەكتەرىنىڭ 13% (8110 ادام) 2-كۋرستان باستاپ تۇراقتى تۇردە جۇمىس جاسادى. اتالعان ولشەمشارت بويىنشا كورنەكتى مىسالدار قىزىلوردا قالاسىنىڭ بولاشاق ۋنيۆەرسيتەتىندە (تۇلەكتەردىڭ جالپى سانى – 3340, ولاردىڭ ىشىندە وقۋ كەزىندە جۇمىس ىستەگەندەر – 984, ونىڭ ىشىندە 248 – 1990 جىلدان بۇرىن تۋعاندار), قازاقستاننىڭ يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتىندە (تۇلەكتەردىڭ جالپى سانى – 2542, ونىڭ ىشىندە وقۋ كەزىندە جۇمىس ىستەيتىندەر – 1283, ونىڭ ىشىندە 418 – 1990 جىلدان بۇرىن تۋعاندار), قازاقستاننىڭ تەڭىز ۋنيۆەرسيتەتىندە (تۇلەكتەردىڭ جالپى سانى – 129, ونىڭ ىشىندە وقۋ كەزىندە جۇمىس ىستەيتىندەر – 83, ونىڭ ىشىندە 59 – 1990 جىلدان بۇرىن تۋعاندار) جانە ت.ب.
رەيتينگ جۇرگىزۋ كەزىندە انىقتالعان سايكەسسىزدىكتەر
- كازۋيتس: قازىرگى تاڭدا كۇندىزگى وقۋ بولىمىندەگى ءبىلىم الۋشىلاردىڭ سانى – 1528 ادام. بۇل رەتتە، 1-كۋرستا – 3, 2-كۋرستا – 6, 3-كۋرستا – 5, 4-كۋرستا – 1513.
بىرقاتار جوعارى وقۋ ورىندارى بەلگىلى ءبىر ماماندىق بويىنشا بۇكىل قازاقستان بويىنشا جالپى تۇلەكتەردىڭ سانىنان تۇلەكتەردىڭ تىم جوعارى ۇلەسىنە يە.
- كازۋيتس (زاڭتانۋ) – 699 ادام (قر تۇلەكتەرىنىڭ جالپى سانىنان 13%);
انىقتاما: 2018 جىلى كازگيۋ-دا زاڭتانۋ ماماندىعى بويىنشا تۇلەكتەردىڭ سانى 185 بولدى.
- وڭىرلىك الەۋمەتتىك-يننوۆاتسيالىق ۋنيۆەرسيتەت (مەكتەپكە دەيىنگى وقۋ) – 1077 ادام (27%)
انىقتاما: 2018 جىلى اباي اتىنداعى قازۇپۋ-دا «مەكتەپكە دەيىنگى وقۋ جانە تاربيە بەرۋ» ماماندىعى بويىنشا تۇلەكتەردىڭ سانى 18 ادام بولدى.
- كازۋيتس (اۆتوماتتاندىرۋ جانە باسقارۋ) – 510 ادام (32%);
انىقتاما: 2018 جىلى ەۇۋ-دا «اۆتوماتتاندىرۋ جانە باسقارۋ» ماماندىعى بويىنشا 393 تۇلەك ءبىتىردى.
- بولاشاق ۋنيۆەرسيتەتى (پەداگوگيكا جانە پسيحولوگيا) – 393 ادام (24%).
انىقتاما: 2018 جىلى قازاق ۇلتتىق قىزدار پەداگوگيكالىق ۋنيۆەرسيتەتىندە پەداگوگيكا جانە پسيحولوگيا ماماندىعى بويىنشا تۇلەكتەردىڭ سانى 37 ادام بولدى.
وقۋ كەزىندەگى تۇراقتى جۇمىس (كۇندىزگى وقۋ نىسانى) – دارىستەرگە قالاي بارعان دەگەن ساۋال تۋدىرادى:
- كازۋيتس: 2595 ادام قۇرايتىن جالپى تۇلەكتەردىڭ سانىنان –1070 (41,2%);
- بولاشاق ۋنيۆەرسيتەتى: 2972 ادام قۇرايتىن جالپى تۇلەكتەردىڭ سانىنان – 709 (23,8%).
كەشكى وقۋ نىسانى تۇلەكتەرىنىڭ كوپ سانى:
- وڭىرلىك الەۋمەتتىك-يننوۆاتسيالىق ۋنيۆەرسيتەت: 9393 ادام قۇراعان تۇلەكتەردىڭ جالپى سانىنان – 6453 ادام (69%) – كەشكى ءبولىمنىڭ تۇلەكتەرى;
- بقيتۋ – 3356 تۇلەكتەن – 1550 (46%) – كەشكى ءبولىمنىڭ تۇلەكتەرى.
1990 جىلدان ۇلكەن تۇلەكتەردىڭ سانى (كۇندىزگى ءبولىم)
- كازۋيتس – 706 ادام (2542 تۇلەكتەن، 28%)
- بولاشاق ۋنيۆەرسيتەتى – 529 ادام (3340 تۇلەكتەن، 16%)
- م.دۋلاتوۆ اتىنداعى قينەۋ – 257 ادام (485 تۇلەكتەن، 53%)
اككرەديتتەۋدىڭ بولۋى، ونىڭ ىشىندە شەتەلدىك
قازاقستاننىڭ ونىمدەرىن، ونىڭ ىشىندە ءبىلىم بەرۋ قىزمەتتەرىنىڭ نارىعىن حالىقارالىق نارىققا شىعارۋدىڭ ءوسىپ كەلە جاتقان قاجەتتىلىگىن ەسكەرە وتىرىپ، قازاقستاننىڭ وقۋ ورىندارى حالىقارالىق اسپەكتىلەردىڭ (پروفەسسور-وقىتۋشىلىق قۇرامنىڭ قۇرىلىمىنا شەتەلدىك مامانداردى شاقىرۋدان باستاپ باسقا ەلدەردىڭ جوعارى وقۋ ورىندارىمەن ىنتىماقتاستىق تۋرالى شارتتاردى جاساسۋعا دەيىن) سول نە باسقا كۇيىندە ءوز قىزمەتتەرىندە ورىن الاتىنىن ەسكەرۋگە ءتيىس. دەگەنمەن بۇل باعىتتا قازاقستاندىق جوعارى وقۋ ورىندارىن، حالىقارالىق ءبىلىم كەڭىستىگىندە ولاردىڭ ءبىلىم بەرۋ باعدارلامالارىن حالىقارالىق تانۋ جانە اككرەديتتەۋ مىندەتىنىڭ ەرەكشە ماڭىزدىلىعى بار.
109 جوعارى وقۋ ورنىنان نەبارى 30 وقۋ ورنى عانا وزدەرىنىڭ ءبىلىم بەرۋ باعدارلامالارىن شەتەلدىك اككرەديتتەۋ اگەنتتىكتەرىندە اككرەديتتەۋ راسىمىنەن وتكىزدى. جالپى العاندا، 2036 ءبىلىم بەرۋ باعدارلاماسىنان 194 باعدارلاما عانا شەتەلدىك اككرەديتتەۋدەن وتكەن. قالعان وقۋ ورىندارى ءبىلىم بەرۋ باعدارلامالارىن قازاقستاندىق اككرەديتتەۋ اگەنتتىكتەرىندە اككرەديتتەدى (1611 باعدارلاما) جانە 255 ءبىلىم بەرۋ باعدارلاماسى مۇلدەم اككرەديتتەۋدەن وتپەگەن.
اۆتوماتتاندىرۋ
2019 جىلى بجججب ينتەگراتسيالانىپ Platonus نەگىزىندە رەيتينگتى قۇرۋ جانە باعالاۋدى جۇزەگە اسىرۋ بويىنشا ءراسىم اۆتوماتتاندىرىلادى. جوعارى وقۋ ورىندارى اقپاراتتى بجججب كومەگىمەن ۇسىناتىن بولادى.
اۆتوماتتاندىرۋ مىنالاردى قامتاماسىز ەتۋگە مۇمكىندىك بەرەدى: ساپانى ارتتىرۋ، پروتسەستى وڭتايلاندىرۋ، جەدەلدىك، اشىقتىق، ايقىندىلىق، بىرىڭعاي ورتالىقتاندىرىلعان دەرەكتەر قورى.
«اتامەكەن» ۇكپ،
قوعاممەن بايلانىس دەپارتامەنتى.
Abai.kz
