1 جەلتوقساننان باستاپ رەسەي فەدەراتسياسىندا اۆتوكولىكتەرگە ارنالعان جاڭا ۋتيلالىم مولشەرلەمەلەرى كۇشىنە ەندى، دەپ حابارلايدى BAQ.KZ ءتىلشىسى.

ۇكىمەتتە وتكەن بريفينگتە جۋرناليستەر يندۋستريا جانە قۇرىلىس ءمينيسترى ەرسايىن ناعاسپاەۆتان بۇل وزگەرىستىڭ قازاقستاندا وندىرىلەتىن كولىكتەردىڭ رەسەيگە ەكسپورتتالۋىنا قالاي اسەر ەتۋى مۇمكىن ەكەنىن سۇرادى.

جۋىردا رەسەي فەدەراتسياسىنىڭ ونەركاسىپ مينيسترىمەن كەزدەسىپ، بيۋدجەتكە تۇسەتىن الىم مولشەرلەمەلەرىنىڭ ءوسۋىن جانە وتاندىق وندىرۋشىلەردى قولداۋ شارالارىن تالقىلادىق. قازىرگى تاڭدا ءبىزدىڭ كولىكتەردى رەسەيگە جاپپاي شەكتەۋگە نەگىز بولاتىن العىشارتتاردى كورىپ تۇرعان جوقپىز. ينتەگراتسيالىق بىرلەستىكتەگى ارىپتەسىمىز قانداي دا ءبىر وزگەرىس قابىلداسا، ول بىزبەن تالقىلانادى. ءبىز بارلىق كەلىسىمدەر اياسىندا جۇمىس ىستەيمىز، سوندىقتان قازىرگى ۋاقىتتا الاڭداۋعا سەبەپ جوق، – دەدى مينيستر.

ناعاسپاەۆتىڭ ايتۋىنشا، ۋتيلالىم مولشەرلەمەلەرىنىڭ ءوسۋى باعاعا اسەر ەتۋى مۇمكىن. الايدا بۇل قازاقستان ءۇشىن كۇردەلى پروبلەما بولمايدى. ەل قولدانىستاعى كەلىسىمدەر شەڭبەرىندە وندىرىستىك جانە ەكسپورتتىق جوسپارلارىن قاجەتىنە قاراي رەتتەۋگە دايىن.

Abai.kz