ءبىز وقىعان جىلدارى ستۋدەنتتىك ستيپەنديا 3200 تەڭگە بولدى. زاچەتكاسىندا ءتورتى بارلار 2700 تەڭگە الادى. پاۆلودار قالاسىندا ق.ساتباەۆ اتىنداعى كىتاپحانا بولدى. بۇگىنگى ن.نازارباەۆ كوشەسىندە ورنالاسقان.
ستيپەنديا العان سايىن 500 تەڭگەسىنە كىتاپ ساتىپ الامىن. ءبىر ايدىڭ ىشىندە ەكى-ءۇش كىتاپتى وقىپ ءبىتىرىپ، كەلەسى ايدا تاعى الامىن...
قاسىمداعى جۇلدىز، ريزابەك، باعادات ەسىمدى دوستارىم "كىتاپتى كەمىرگەننەن نە پايدا؟" دەيدى. بىراق اكەمنىڭ بويىما سىڭىرگەن ادەتىن ۇستاندىم.
وسى كۇنى سول سانسىز كىتاپتىڭ كوبىن ۇمىتىپ قالىپپىن. كەيبىرىنىڭ مازمۇنى عانا ەسىمدە.
وتكەندە ءبىر ۋاعىز تىڭدادىم. جاراتۋشى بۇيرىعىن ورىنداپ، رۋحىن كەمەلدەندىرگەن ادامنىڭ جۇرەك كوزىن اشىپ قويادى. راس قوي، بۇرىنعىنىڭ بي-شەشەندەرىنىڭ كوكىرەك كوزى كەمەل، ءسوزى ءپاتۋالى، ويى جۇيەلى بولدى. سوندىقتان ارتىندا عاسىرلار وشىرە الماعان ومىرشەڭ سوزدەرى قالدى.

ايتقىم كەلگەنى، اكە رەتىندە بالاڭىزعا كىتاپ سىيلاپ، بىرگە وقۋ ماڭىزدى. ءبىز بالادان كوپ ءۇمىت كۇتەمىز، كوپ نارسەنى تالاپ ەتەمىز. بىراق كىتاپقا قۇمارلىعىن وياتىپ، كوكىرەك كوزىن اشۋعا ءمان بەرمەيمىز. قازىر ساپالى ادامي كاتال دەگەندى كوپ قولداناتىن بولدىق. ونى دامىتۋدىڭ ناعىز كوزى – كىتاپ وقۋدا.

جارىقتىق اكەم ءۇمىت كۇتكەن ۇلىن رۋحتاندىرىپ، كىتاپ وقىتتى. سودان بولار وتان تاريحىنا، ونىڭ ىشىندە، ساق، عۇن، تۇرىك زامانى قىزىعىپ كەلەمىن. ەكىنشى ارنا – تۇلعاتانۋ باعىتى قاتتى قىزىقتىرادى. وقۋشى كەزىمدە وزبەكالى جانىبەكوۆتى تانۋ ارقىلى ەلشىلدىك رۋحتى سەزىندىم. سودان كەيىن تەمىربەك جۇرگەنوۆ، ءىلياس وماروۆ، مۇستافا شوقاي، احمەت بايتۇرسىنۇلى، سۇلتانماحمۇت تورايعىروۆ جانە ت.ب تاريحي تۇلعالاردىڭ ءومىرى مەن قىزمەت جولىنا زەر سالاتىن بولدىم...

قىسقاسى، بالاڭىزعا كىتاپ سىيلاڭىز، ءارى وقۋ داعدىسى قالىپتاسۋىنا ىقپال ەتىڭىز...

نۇرلات بايگەنجەنىڭ الەۋمەتتىك جەلىدەگى جازباسىنان

Abai.kz