«قازىرگى ۋاقىتتا تاۋار ساتۋشىلاردىڭ كەيبىرى قىتايمەن شەكارا جابىلعانىن ايتىپ، تاۋار باعاسىن قىمباتتاتا باستادى. وسىعان بايلانىستى قازاقستان قىتايدان تاۋار اكەلۋدى جانە قىتايعا تاۋار جونەلتۋدى توقتاتپاعانىن حابارلايمىن. بۇل – باعانى كوتەرۋ ماقساتىمەن جاسالعان جوسىقسىز ارەكەت» دەدى مينيستر.

بۇعان دەيىن قازاقستان بيلىگى 27 قاڭتاردا قىتايمەن بىرنەشە باعىت بويىنشا اۆتوبۋس قاتىناسى، 1 اقپاننان باستاپ ەكى ەل اراسىنداعى تەمىر جول قاتىناسى ۋاقىتشا توقتاعانىن مالىمدەگەن. ال دۇيسەنبىدە قازاقستان مەن قىتاي اراسىندا اۋە قاتىناسى دا توقتاتىلعانى حابارلاندى.

مينيستر «بازار نەمەسە ساۋدا ورتالىعىندا باعانى قىمباتتاتۋ تۋرالى ءسوز بايلاسۋ فاكتىلەرىنە كۋا بولعان» تۇتىنۋشىلاردان ول تۋرالى حابارلاۋىن ءوتىندى.

قىتايدا كوروناۆيرۋستىڭ بۇرىن بەلگىسىز بولىپ كەلگەن ءتۇرى جاپپاي تاراۋىنا بايلانىستى بىرقاتار ەل شەكتەۋ شارالارىن ەنگىزگەن. 4 اقپانداعى سوڭعى مالىمەتى بويىنشا، وسى كەزگە دەيىن قىتايدا اسا قاۋىپتى كوروناۆيرۋستان 425 ادام قايتىس بولعان، ۆيرۋس جۇقتىرعانداردىڭ جالپى سانى 20 438 ادامعا جەتكەن.

دۇنيەجۇزىلىك دەنساۋلىق ساقتاۋ ۇيىمى (ددسۇ) قاڭتاردىڭ سوڭىندا كورونوۆيرۋسقا بايلانىستى حالىقارالىق كولەمدە توتەنشە جاعداي جاريالادى.

Abai.kz