اقپارات جانە قوعامدىق دامۋ ءمينيسترى داۋرەن اباەۆ ماسانچي اۋىلىندا بولعان جاپپاي توبەلەستىڭ سەبەبىن اتادى، دەپ حابارلايدى Sputnik قازاقستان سايتى.

"بۇل – تۇرمىستىق جانجال. قازىرگى كەزدە تەرگەۋ شارالارى جۇرگىزىلىپ جاتىر. سونىڭ ناتيجەسىندە وقيعانىڭ ناقتى قالاي باستالعانىن جانە كىمنىڭ كىنالى ەكەنىن بىلەمىز", - دەدى اباەۆ جۋرناليستەرگە بەرگەن سۇحباتىندا.

وسىدان كەيىن جۋرناليستەر الەۋمەتتىك جەلىدە تاراعان اقپاراتتاردى ناقتىلاپ بەرۋدى سۇرادى. سونىڭ بىرەۋى اقساقال مەن بالالاردى بالتالاپ تاستاۋعا قاتىستى بولدى. مينيستر ول مالىمەتتى جوققا شىعاردى. جۋرناليستەر تاعى ءبىر اقپارتتى ناقتىلاپ الماق بولدى.

"كاۋگەرلەردىڭ سوزىنە قاراعاندا، شىنىمەن دە، جاپپاي توبەلەسكە تۇرمىستىق جانجال سەبەپ بولعان. سول كەزدە 82 جاستاعى قاريا زارداپ شەككەن دەيدى. ونداي وقيعا بولدى ما؟", - دەپ سۇرادى تىلشىلەر.

"ونداي ۆەرسيا بار. بۇل – تۇرمىستىق جانجال. بىراق ناقتى نە بولعانىن الداعى ۋاقىتتا ايتاتىن بولامىز", - دەپ اتاپ كورسەتتى اباەۆ.

Abai.kz