نۇر-سۇلتان قالاسى اكىمدىگى مەملەكەتتىك اكادەميالىق فيلارمونياسىنىڭ «قورقىت» ءداستۇرلى ساز توبى 75 شىعارما ورىنداپ، قازاقستاننىڭ گيننەسس رەكوردتار كىتابىنا ەنۋدى جوسپارلاپ وتىر.

شارا ۇلتتىق ونەردى ناسيحاتتاۋ ماقساتىندا جانە التىن وردانىڭ 750 جىلدىق مەرەيتويى قارساڭىندا وتكىزىلەدى. ونەر ۇجىمى 17 اقپاندا «حان شاتىر» ساۋدا جانە ويىن-ساۋىق ورتالىعىندا ونەر كورسەتەدى.

«قورقىت» ءداستۇرلى ساز توبىنىڭ كوركەمدىك جەتەكشىسى، مادەنيەت قايراتكەرى شولپان قورعانبەك وسىنداي كونتسەرتتىڭ اقپاراتتىق-ەنتسيكلوپەديالىق انىقتامالىققا لايىق ەكەندىگىنە سەنىمدى: مۋزىكانتتار قازاقستاندا العاش رەت non-stop رەجىمىندە مۋزىكالىق شىعارمالاردى كىدىرىسسىز، ءبىر دەممەن جاتقا وينايدى. سونىمەن قاتار، باسىلىمنىڭ ءوزى قازاقستاننىڭ تاريحى مەن مادەنيەتىن ۇرپاققا ناسيحاتتاۋدى كوزدەلگەن.

«قورقىت» ءداستۇرلى ساز توبىنىڭ قۇرامىنا قازاقتىڭ حالىق اسپاپتارىندا (قوبىز، قىلقوبىز، دومبىرا، سىرناي، ءمۇيىز سىرناي، شاڭقوبىز، جەتىگەن، شەرتەر، داۋىلپاز، ساز سىرناي، باس دومبىرا، سىبىزعى، سۋ اعاش، تولقىلداق جانە ت.ب.) وينايتىن تالانتتى ونەرپازدار جينالعان. ۇجىمنىڭ بىرەگەيلىگى - ونداعى ءاربىر ءارتىستىڭ بىرنەشە اسپاپتاردى يگەرۋى.

جاستاردى ءداستۇرلى ءان ونەرىنە باۋلۋ ارتىستەردىڭ جەكە مۋزىكالىق ءستيلىن قالىپتاستىرۋعا، ىزدەۋگە تالپىندىرادى. ۇجىم رەپەرتۋارىنىڭ نەگىزىن شولپان قورعانبەكتىڭ اۆتورلىق وڭدەۋىنەن وتكەن قازاق فولكلورىنىڭ جانرلارى، ياعني كۇي، جىر، تەرمە قۇرايدى. شەبەرلىكپەن وندەلگەن حالىق مۋزىكاسى ونداعى بەينەلەر مەن سۇلۋلىقتى بارىنشا سۋرەتتەپ، جاڭاشا ءۇن بەرەدى.

«قورقىت» ءداستۇرلى ساز توبى ءوز شەبەرلىگىن ۇزدىكسىز ارتتىرۋعا دەگەن ۇمتىلىسىمەن ەرەكشەلەنەدى، ۇجىم - ايتۋلى رەسپۋبليكالىق جانە حالىقارالىق مۋزىكالىق بايقاۋلار مەن فەستيۆالدەردىڭ جەڭىمپازدارى. توپتىڭ ۇجىمدىق شىعارماشىلىعى «عاسىرلار ءۇنى» II وڭىرارالىق فولكلورلىق-ەتنوگرافيالىق فەستيۆالىندە، «شابىت» حح حالىقارالىق شىعارماشىل جاستار فەستيۆالىندە، سونداي-اق «كونە تاراز كۇمبىرى» ءى رەسپۋبليكالىق ەتنو-فولكلورلىق انسامبلدەر فەستيۆالىندە جۇلدەلى ورىنداردى يەلەنىپ كەلەدى. جاقىندا عانا «قورقىت» كاتاردىڭ دوحا قالاسىندا وتكەن «Cultural Diversity» حالىقارالىق فەستيۆالىنە قاتىستى.

Abai.kz